📖 ZKIZ Archives

馮仁昭四圍超：伍姑娘跳K-pop肉誘天堂鳥

1 : GS(14)@2016-04-13 17:09:03

■伍姑娘噚日為咗谷新節目，着住黑喱士透黑bra上陣跳K-pop。








伍詠薇最近為有線主持節目《伍姑娘真識食》，為咗呢個節目，佢碌盡人情卡，廣邀圈中好友為節目擔任嘉賓。噚日伍姑娘就邀請咗排舞師Sunny同組合BOP（天堂鳥）上節目，人到中年學跳K-pop嘅伍姑娘，豁出去以黑色喱士透黑bra性感上陣，展現誘人體態及魅力。


■BOP對住性感嘅伍姑娘，好坦白話唔夠膽直望。

老公讚好

喺節目度伍姑娘同Sunny排咗隻舞一齊表演，摸頭、批踭、扭腰、走步、坐椅子擘腿都難唔到伍姑娘，佢笑笑口話：「我都喘晒氣，四十幾歲先第一次跳K-pop，之前零跳舞經驗，今次用咗兩個零鐘去學，算快上手。」講到性感舞衣，伍姑娘話：「平時展現女人味，今次要配合K-pop，又唔可以扮少女，要有大人態度，少女就騷長腿，我就騷啲打晒底啦。」性感獲得老公練海棠御准？伍姑娘話：「佢唔會介意，仲好支持我，何況今次跟天王排舞，我係癲后，有晚着住bra同底褲跳，咁先可以睇到體態，老公煮晚飯一路睇住我，佢話跳得幾好。」首次同火辣人妻伍姑娘合作嘅BOP就話：「我哋有啲怕醜唔敢直望，佢啲眼神仲好凌厲有電力㖭！」撰文：馮仁昭





來源: http://hk.apple.nextmedia.com/entertainment/art/20160413/19568364
PermaLink: https://articles.zkiz.com/?id=299232

天堂鳥入稟索償求解約

1 : GS(14)@2016-06-21 07:39:09

■天堂鳥和公司發生糾紛，上周缺席湖南活動。資料圖片


三人男子組合天堂鳥（BOP）昨入稟區域法院，控告經理人創富文化集團有限公司及北京零界風文化藝術有限公司，沒按協議分賬及安排影不雅照片，索償45萬元及要求解約。天堂鳥經理人創富文化集團副總經理陳浩源（Kelvin），昨日陪女新人HANA到商台訪問，指早上看到新聞報道才得悉事件，而原定上周五安排BOP到湖南出席活動：「佢哋冇出現，電話唔通，短訊唔覆，到今（昨）日係好失望。」
BOP原定下月7日在HMV舉行的音樂會決定暫停。此外，創富文化昨日發聲明指BOP作出失實指控、單方面違反合約及臨時失場，保留追究權利。採訪：馬建華





來源: http://hk.apple.nextmedia.com/entertainment/art/20160621/19662494
PermaLink: https://articles.zkiz.com/?id=302387

天堂鳥贏波冧粉絲

1 : GS(14)@2016-08-11 06:08:37

天堂鳥的Gordon前晚約10時撇甩隊友，駕駛其Audi座駕到石硤尾體育館，下車時即被十多名女fans包圍。原來他為了參加籃球比賽到場，現場所見，Gordon的對手都頗高大，其間被一名大隻球員碰撞了幾次，但Gordon依然頂得住，繼續打波。每當他入球時，場邊的女fans就不斷歡呼拍掌，氣氛高漲，直到晚上11時賽事終於結束，由Gordon所屬隊伍勝出，心情大好的他，離開前更與在停車場等候的fans合照。採訪、攝影：梁繼光





來源: http://hk.apple.nextmedia.com/entertainment/art/20160811/19731131
PermaLink: https://articles.zkiz.com/?id=305412

【馮仁昭四圍超】天堂鳥復工搵生活費

1 : GS(14)@2016-09-06 04:42:21

MKPop天堂鳥噚日出席九龍灣E-Max兒童電影同樂日，組合同前公司經理人陳浩源嘅合約糾紛仍未完結，佢哋透露已諮詢過律師團隊，佢哋可以做工作。三人都係靠家人資助五位數去處理合約問題，而家首要係畀大家知道可以復工。兩個幾月全無收入，佢哋話：「我哋面對專業，唔計較錢，大家都用緊之前嘅積蓄，盡量返屋企食飯，平時搭巴士同港鐵，都可以使多幾個月，希望盡快解決件事。」撰文：馮仁昭




來源: http://hk.apple.nextmedia.com/entertainment/art/20160905/19760038
PermaLink: https://articles.zkiz.com/?id=307667

【馮仁昭四圍超】公司合約未解決天堂鳥經理人插鄭紹康違規

1 : GS(14)@2016-09-17 17:33:05

陳浩源資料圖片





自稱「天下第一關」嘅鄭紹康呢排被圈中人輪住圍插操守問題，繼蘇永康、洪卓立、林柏希明寸暗嘲後，MK組合天堂鳥（BOP）經理人公司都加入戰團，質疑鄭紹康有違行規，關公災難陸續有嚟！



■天堂鳥喺Ig多謝鄭紹康邀請出席活動，被經理人公司創富文化集團副總經理陳浩源轟涉違約。

■鄭紹康前晚喺上環同友人打冷，心情靚靚冇受近日是非影響。


接Job貼相

事關天堂鳥同經理人公司創富文化集團發生合約糾紛，公司喺今個月2日發聲明重申天堂鳥只可透過創富文化接工作，點知，喺今個月7日成員Lincoln同Gordon喺社交網貼天堂鳥同鄭紹康合照，分別留言多謝鄭紹康邀請出席活動，似乎有人當天堂鳥經理人公司嘅聲明冇到！創富文化集團副總經理陳浩源接受電話訪問表示：「咁大間公關公司理應知道行情，有乜嘢藝人可以邀請、乜嘢藝人唔可以邀請，佢咁做已經有違行規，呢個係職業操守問題。」陳浩源仲話公司已經發信畀鄭紹康，但對方未有回覆：「我哋會交畀律師處理，相信法律係公正嘅。」前晚同友人去上環尚興食飯，醫飽出嚟摸摸肚笑晒嘅鄭紹康，噚日回應天堂鳥事件表示：「當收到律師信，我哋會交畀律師處理。」另外，張惠雅（Regen）新歌《慶祝》MV搵咗天堂鳥成員Tyrese做男主角，Regen噚日喺商台讚Tyrese好靚仔、跳舞又好。撰文：馮仁昭




來源: http://hk.apple.nextmedia.com/entertainment/art/20160916/19771921
PermaLink: https://articles.zkiz.com/?id=309391

Eason籲支持天堂鳥

1 : GS(14)@2016-11-10 08:02:44

陳奕迅（Eason）前日到香港大學出席「大學問」講座，有學生指現今樂壇青黃不接，自Eason之後沒巨星級歌手，Eason聞言笑問：「即係你當周柏豪係……」同學回答：「周柏豪係打籃球，籃球巨星。」Eason笑言：「我以為你話周柏豪係靚仔唔計。」有同學指廣東歌衰落，問有何方法提高地位？Eason坦言：「我做音樂其實越嚟越自我，嚟緊我會出國語碟，大家可能有意見，我哋好坦白，點解要做，因為市場大咗好多。我覺得點解咁小家，樂壇係咪真係咁差？問我有乜做到？好簡單我覺得天堂鳥都要支持，多嘢揀係好，點解我講天堂鳥你哋會笑，我誠心覺得佢哋有付出有努力。」撰文：皓騫




來源: http://hk.apple.nextmedia.com/entertainment/art/20161110/19828296
PermaLink: https://articles.zkiz.com/?id=314915

【馮仁昭四圍超】天堂鳥涉誹謗惹官非

1 : GS(14)@2017-05-13 01:56:33

男子組合天堂鳥與前經理人公司合約糾紛一直未解決，近日天堂鳥再次出席活動時，曾透露將於今個月推出新歌，未知是否因此觸發糾紛。噚日前經理人公司創富文化集團向傳媒發聲明，內容指準備正式入稟控告組合BOP天堂鳥成員葉灝基、歐鎮源及許俊豪之言論不實及涉嫌誹謗本公司，並列出公司近一年以來，屢次遭受到滋擾及恐嚇，已報警及交由律師處理。撰文：馮仁昭




來源: http://hk.apple.nextmedia.com/entertainment/art/20170512/20018362
PermaLink: https://articles.zkiz.com/?id=332634

天堂鳥為解約再發聲明

1 : GS(14)@2017-05-14 10:51:03

組合天堂鳥和原屬經理人公司創富文化去年現合約糾紛，創富文化日前發聲明指任何單位安排天堂鳥工作，均有可能觸犯法例。天堂鳥昨日再發聲明，指去年已入稟法院，控告創富文化及另一間公司違反簽訂的「全演藝經紀協議」，又指雙方合約已終止。對於天堂鳥再出聲明，創富文化副總經理陳浩源回應：「暫時沒有回應，一切已交由律師處理。」




來源: http://hk.apple.nextmedia.com/entertainment/art/20170514/20020501
PermaLink: https://articles.zkiz.com/?id=332983

天堂鳥開騷冇嘉賓

1 : GS(14)@2017-06-18 11:18:18

男子組合BOP（天堂鳥）昨日於深水埗舉行簽唱會，三位成員Gordon、Lincoln與Tyrese更自製了50隻新歌《Take Me Higher》的單曲碟送給粉絲，他們透露10月將會開一場迷你音樂會：「對我哋嚟講係打咗支強心針，我哋再唔止得5首歌，?家有15首歌，都夠嘅，希望自己可以擔晒唔使請嘉賓，要做得好好睇睇。」




來源: http://hk.apple.nextmedia.com/entertainment/art/20170618/20059556
PermaLink: https://articles.zkiz.com/?id=335788
Next Page
ZKIZ Archives @ 2019