📖 ZKIZ Archives

評級機構被責亂發3條A 中環在線：股神做證人大義滅親？李華華
2001-05-28  AD




 

為咗調查金融海 嘯嘅元凶，下個禮拜三，美國金融危機調查委員會將傳召股神畢菲特去做證人，聽吓佢對評級機構嘅高見。

今次嘅聽證會，主要係衝住評級機構而 嚟，事關佢哋之前係咁畀AAA評級啲次按金融產品，點知次按一爆煲，啲產品即刻變晒做廢紙，令人質疑佢哋當初係為咗賺錢而亂發3條A，所以今次實行嚟個秋 後算賬。

巴郡為穆迪最大股東

身為評級機構穆迪最大股東巴郡嘅話事人，股神應該好了解評級機構嘅運作，當局搵佢老人家畀意見， 當然可謂深慶得人。之不過，佢老哥喺早前巴郡嘅股東大會上，叫大家唔好將金融海嘯責任推響評級機構身上，所以下周舉行聽證會時，應該好難見到股神呢位「證 人」表演「大義滅親」。

講返個金融危機調查委員會就巴閉嘞，呢壇嘢係由國會要求成立，過去被傳召嘅好多都係華爾街猛人，連高盛CEO布蘭克 費恩同聯儲局前主席格老亦曾經係座上客。

委員會今年12月15號就要向美國總統奧巴馬提交full report，為金融海嘯嘅成因解畫，責任咁重大，做嘢真係要加多幾錢肉緊嘞！

高盛拒食死貓勢與證監對簿公堂

股神畢菲特呢排 一定好忙，除咗要做證人，佢有份投資嘅投資大行高盛爆出醜聞後，股神依然不離不棄兼開腔力撐。一直有傳高盛喺美國證監會（SEC）嘅民事欺騙指控上，諗住 賠錢同當局和解了事；不過CNBC噚日傳出，高盛內部認為今次係食死貓，所以絕唔會輕易妥協，仲打算同SEC對抗到底，準備全方位逐點反駁當局的指控，意 味雙方開拖嘅機會唔細。

其實高盛班師爺已經同SEC開咗唔止一次會，但兩邊點都拆唔掂數，事關高盛認為佢哋唔涉及詐騙，極其量都只會認疏 忽，但SEC就好想殺一儆百做台好戲，順便幫吓手當係為民主黨喺11月嘅中期選舉拉吓票都好。

所以如果高盛死唔認錯，就一定唔會咁易放過呢 隻華爾街大鱷。

據講，高盛o依家嘅策略係做定兩手準備，佢哋會繼續同SEC傾，如果真係傾唔掂數，就會喺下個月中向法院呈交詳細嘅辯護文 件，同SEC死過。

雖然高盛錢多人才多，場官司未必會輸，但所謂官字兩個口，雙方一旦對簿公堂，真係有排拗，大家都係等睇好戲啦！

冇 嘢食冇水飲港鐵被罵折磨股東

香港嘅小股東一向好識維護自己「權益」，對於股東數目有成幾十萬嘅港鐵（066），搞股東會就一直實行「茶水欠 奉」嘅策略，皆因一有食物供應，唔使多o架，只要吸引到一成股東出席，都足以踩冧個場。之不過小股東對港鐵呢份苦心唔係好同意。

長情股東、 退休校長陳婆婆，噚日喺會上一開口劈頭就質問主席錢果豐（圖），朝早11點半開會點解連水都唔畀啖佢哋飲，又冇嘢食，「餓到飛起呀，連8號仔咁窮都有盒餅 派啦，唔該你下年唔好再折磨我哋！」不過陳婆婆都唔係一味鬧，事關佢年年都會代表長者，向錢主席「追討」要延長長者搭車優惠。今年港鐵晨早已經公佈話會延 長優惠1年，仲連西鐵都有份，陳婆婆收晒貨，仲即場多謝錢主席o忝！

李華華

[email protected]



PermaLink: https://articles.zkiz.com/?id=15797

品火鳯(47)：大我小我／大義小義(第12冊第99回)

來源: http://notcomment.com/wp/?p=28460

許褚在董卓軍犯軍法，而投靠曹操，董卓死後，呂布派人策反許褚。
對許褚來說，報父仇是第一要務，至於董卓是誰所殺，就不是最重要了。

 

第十二冊，第九十九回　用人不疑

用人之疑01

用人之疑02

說客的說詞，認為曹操是關東軍之一，而許臨是關東軍派殘兵所殺（其實是司馬懿所派），害曹操就是報父仇。
許褚為呂布做內應，能否幫助報父仇呢？實際上，殺父仇人是殘兵，而殘兵與曹操對立，幫曹操其實就是幫自己報父仇。

有所謂「犧牲小我，完成大我」，就是說要犧牲個人，成全群體。
可是不同人有不同價值觀，你想世界和平，卻要我無飯吃，未必人人願幹呢！

用人之疑03

另外一個討論，董卓是否呂布所殺，成為陳宮與呂布之間的話題。
陳宮直指，董卓是呂布所殺，惹得高順想殺陳宮滅口。
其實陳宮之幫呂布，是為解徐州之困又好，為個人的功業都好，與董卓之死沒有關係。

至於當中的計謀，是另外一回事了！

用人之疑04

 

作者網誌：http://blog.tokuhon.org

687 total views, 6 views today

PermaLink: https://articles.zkiz.com/?id=114631

妻偷卡狂碌　夫大義滅親

1 : GS(14)@2013-06-20 01:43:45

http://hk.apple.nextmedia.com/news/art/20130619/18303981
【本報訊】女收銀員與丈夫結婚兩年後感情轉差，她為發洩對丈夫的不滿，偷取對方的信用卡冒簽狂碌逾8萬元，以買LV手袋、化妝品、做facial等「扮靚」方式向丈夫報復。丈夫收到巨額賬單後拒念舊情，大義滅親報警。
36歲被告余秀慧，昨承認18項以欺騙手段取得財產等罪名，7月9日判刑。被告的丈夫曾任公路維修員，現時無業，他案發後一直不肯原諒被告，昨沒到庭，亦沒替被告撰寫求情信。
案情指被告與丈夫於08年結婚，兩年後感情轉差，被告於11年7月遷離丈夫的公屋單位。丈夫不久收到信用卡賬單，需清還75,000卡數，他方發現信用卡不翼而飛，故質問被告，但她否認偷了他的信用卡。丈夫其後在家發現冒簽單據，再質問被告，她才承認於11年6月至7月間偷卡狂碌18次，包括買金器、LV手袋、化妝品等，而用膳、美容等用他的信用卡找數，合共8.3萬元。
案件編號：DCCC456/13
PermaLink: https://articles.zkiz.com/?id=283085

好不主席：曉明大義 盧先亞

1 : GS(14)@2013-07-17 21:58:52

http://hk.apple.nextmedia.com/financeestate/art/20130717/18337137

                偽首的支持度真係低處未算低，港大民意研究計劃最新調查發現，其支持率及民望淨值續創新低，分別是46.5分及負29個百分點。執政班子也好不了多少，唔少局長的支持度，亦同樣報「折」，當然近日受到環保分子圍剿的黃局長更攬包尾大幡。同日另有調查顯示，本港青年對社會前景持續悲觀，而對香港實施一國兩制的信心，更由09年的62%，大幅減半至只有三成多。

逾七成人覺得政治污糟

                上述調查，由香港青年協會隨機抽樣訪問了520位15至39歲青年（其實，除非為要選傑青，我真係唔知點解39歲人仲可以扮「青」）。結果發現，青年人認為，現今政治人物關心個人利益多於社會利益，覺得政治「污糟」的受訪者也超過七成，較09年上升超過三成，怪不得政府又搞甚麼「清潔」運動。如果調查安排在今年進行，相信各項數字必然跌到冇朋友。
眾膠官在過往一年的表現每下愈況，負面影響有如骨牌效應，一倒不可收拾。面對如此劣境，難怪要勞煩京官南下，冀以維穩手段協助庸官。可惜大家文化有別，直接講就係「不中聽」或「唔啱聽」，因此青年除了對前景感到悲觀之外，對中國人身份的自豪感，亦由前的75%下降至只有四成。
駐港最高領導昨應邀出席立法會午宴，卻已反客為主，實際亦係借個飯局開腔，豈是他所說的「食餐飯、傾嚇偈」咁簡單。
他在宴前主動發言，對各項議題都曉以大義，其中更提到普選，且更借議員送上筲箕時，藉機借題發揮，以「不能簡單否定篩子的功能」、「祖先發明篩子是智慧」來暗示，2017年特首選舉必須有篩選。我無意冒犯佢老祖，但問題係究竟我哋應該係上面攞啲乜嘢去篩？假使原材料本身只係砂石劣品，唔通會篩出金子咩？
當然午宴主菜，少不了的「佔中」大盤。近期官員一再批評行動違法，黑鷹更揚言會出動全港警察維持秩序，猶如恫嚇，惟想起那幕「百警獨圍長毛」，濫用警力不過如是。而親中保皇人士亦紛紛出言譴責，今日京官不過幫腔「佔中」一定違法，發起人亦只花言巧語，包裝粉飾，還將年輕人也扯下水。「佔中」果然觸動兩地政府神經，不然京港官員怎會軟硬兼施，無非想力挽狂攔。
事實上，整個政治氣氛已為行動加溫，再者市民，尤以青年一輩，對政府已臨絕望界點，若果各方面繼續原地踏步，根本毋須鼓動，「佔中」行動必定如期前進、前進、前進進。

                  盧先亞                                                        
PermaLink: https://articles.zkiz.com/?id=283411
Next Page
ZKIZ Archives @ 2019