曾任《蘋果》追蹤組記者甘比最愛問人IQ題
1 :
GS(14)@2016-11-20 23:52:05甘比喺慈雲山保良局第一張永慶中學預科畢業後，1998年加入《蘋果日報》任職娛樂追蹤組記者，有舊同事憶述，初出茅廬嘅甘比第一日返工見位就坐，竟然坐錯咗同事嘅座位。之後，甘比被調去電影版負責採訪電影演員，由於佢跟星好貼好勤力，加上外表惹人憐愛，又鍾意問人IQ題：「嘻嘻嘻！畀啲嘢你估吓！」、「嘻嘻嘻！講個笑話你聽！」，其中最為人津津樂道的IQ題包括「跌咗身分證你會點?」一般人都會答「報失」，但其實標準答案是「咪執返囉」。亦試過問人：「劉關張3個人睇戲，得一張戲飛，點解關公有得睇」，當大家百思不得其解時，甘比會很得戚開估「張飛劉備(留畀)關羽囉」，之後發出招牌笑聲。唔少藝人都當佢係小妹妹，對佢完全冇戒心，甚至願意同佢傾心事，因為甘比把口好密，雖然做娛樂記者，但會幫藝人朋友保守秘密，所以，當年已貴為影帝嘅周星馳，對甘比都特別好。私底下嘅星爺平時高高在上，對住記者表現好cool，但佢對甘比就另眼相看，當年星爺攞影帝後舉行私人派對慶祝，甘比都獲御准入場採訪。
來源:
http://hk.apple.nextmedia.com/entertainment/art/20161119/19838624