辭行會反惡法 田北俊：冇做錯
1 :
GS(14)@2017-06-10 13:04:25【本報訊】「如果政府當年硬闖23條，2003年7月，香港已經可能有暴動」。2003年7月1日，民陣以反23條立法會主題號召到50萬人上街，更號召市民於審議當日包圍立法會，但政府堅持如期於7月9日硬闖立法會，就在這關鍵時刻，時任自由黨主席的田北俊上京後回港，宣佈辭去行政會議職務並反對草案恢復二讀，迫令董建華煞停立法。14年後話當年，田北俊仍認為自己當日「冇做錯到」。
笑指CY港獨之父
要談對錯，田北俊認為要回到2003年的時空，當時香港爆發沙士，失業率逾8%，如果23條此時硬闖，董建華政府只會更難管治。田自言無從推測2003年到今年，沒有23條的香港是更好還是更壞，但他指出直至梁振英上任特首前，沒有23條，亦沒有港獨，「CY呢幾年做特首先至辣着所有火頭，所以我哋建制都好多人講笑，『梁振英作為特首就係港獨之父』，講笑咁講啦」。他更指，即使是佔中以至議員宣誓風波，現行法例已經可以處理。不過中央處理23條的手法，反而引起他另一憂慮。田自言當時以為政府過不久將重提23條，但中央的看法是，「你哋唔接受，唔會話聽日要、明年要、後年要，我就拎番畀你」，即使重來亦非以上次討論作起點。他說，23條香港人不想要，擱置10多年當然不會有人追着中央要求立法，但引伸到政改問題，中央態度亦然，「可能8.31方案佢都唔會再拎出嚟，因為一通過，泛民容乜易拎到400幾票，容乜易過600，擺個泛民畀全港市民選」。有指2003年後中央收窄對港政策，田北俊不表認同：「皇后大道冇變人民大道，當然你話?家中國銀行喺香港嘅影響力大過匯豐，或者中國人壽大過AIG，或者好多地被內地地產商買咗，呢個係循序漸進。」就連李波事件，他亦認為只是個別情況。不過田補充：「暫時一國兩制、高度自治做得好好，除咗政治。」田說，單是今屆特首選舉，中聯辦以至全國人大委員長張德江大力為林鄭月娥拉票，「特別係工商界會認為呢個根本唔係選舉，我爭取做選委，代表界別或者香港市民去選，但得到嘅結果係日日收電話叫我支持林鄭」。然而他認為在中央眼中「最信任嘅行政長官嘅演繹只係邊個聽話啲」。■記者陳雪玲
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170608/20048552