澳博上葡京再火燒旺地？
1 :
GS(14)@2017-03-22 00:15:40【明報專訊】中國人有所謂「火燒旺地」，對澳門賭場同迷信嘅賭仔而言可能好緊要。小琴仲記得，銀河二期喺2015年1月，即係開檔之前就曾經喺頂樓發生過火燭，近年生意算唔錯仲幾旺場。點知澳博（0880）喺路氹起緊座上葡京，上星期六喺14樓放置建材嘅樓層亦發生火燭，莫非上葡京嚟緊又會好旺場？
銀河二期開幕前火燭 近年生意旺
澳博執董蘇樹輝（圖）噚日喺接受now嘅訪問講，上葡京下年上半年開檔，雖然比人地慢，但唔代表失去發展先機。
佢仲話，今年全年澳門嘅博彩收入有雙位數字增長，中場都起碼有一成增長咁話。
不過講開又講，最近澳門啲貴賓廳生意唔錯，小琴前幾日去過銀河嘅太陽城同德晉等等幾個廳望望，所言非虛，啲客仔仲要大注大注咁玩?，咁唔怪得呢期賭股股價企得咁硬啦！
[小琴密語]
來源:
http://www.mpfinance.com/fin/dai ... 3427&issue=20170321