坦言拉票有困難 「日日數住有幾多」
1 :
GS(14)@2017-02-07 05:07:59【本報訊】曾俊華昨召開的記者會，獲民主派建築、測量、都市規劃及園境界選委李鉞（圖）撐場，表明會提名他選特首；有消息指，曾俊華現時獲得的建制選委提名不足50個，須靠大量民主派選委提名才夠票入閘，曾昨拒絕透露手握多少提名票，只稱「日日都數住有幾多票」；而他為選舉經費舉行的眾籌，昨已突破400萬元，他指眾籌反應屬意料之外。
反駁做財金欠政治經驗
曾俊華直言對有選委連參選人政綱也未看過，便承諾提名對方，覺得奇怪，「好多票連政綱都未睇已經畀咗（其他人）」，坦言現時拉票情況有困難，但有信心獲足夠提名。他強調日日都數着有多少票，但不能透露手上的提名票，泛民佔多還是建制佔多。中央挺林鄭的消息在政圈流傳，據知令部份選委未敢具名提名曾俊華，料曾要在民主派提名下才能入閘。至於最終會否有人在暗票時「作反」，改為投票支持曾俊華，他說：「香港人邊會作反吖？」被問及雖然財金經驗豐富，但被指缺乏政治、與北京討價還價的經驗，曾俊華不認同這些評價：「有好多人覺得做財金係冇政治，你信唔信？好多人覺得做財金係唔使同北京deal（商討）。」曾獲國家主席習近平握手的他又稱，如人民幣國際化，「要同北京好多聯繫」，自己與北京很多部委有聯絡：「唔係做財金就冇政治經驗，有可能係我做嘢嘅手法，令人覺得以為我唔使點做，唔係真嘅。」■記者姚國雄
來源:
http://hk.apple.nextmedia.com/news/art/20170207/19920321
中環在線：李嘉誠：咪再諗住有富爸爸喇
1 :
GS(14)@2017-07-01 10:18:01■李嘉誠叫大家唔好發夢諗住有個富爸爸。 互聯網圖片
香港人成日都講一句:「點解我老豆唔係李嘉誠!」噚日，李嘉誠就叫大家唔好再發夢喇，咪再諗住想有個富爸爸喇！超人噚日喺汕大以《願力人生》為題致辭，勉勵學生咪做愚人，只知道「to do」，反而要成為有願力嘅智者，將「to do」變做「to be」。佢指出，愚人經常抱怨，被墨守成規，被制度營役，被繁文縟節綑綁，成日渴求「贏在起跑線上」，希望有個富爸爸。佢提出「願力一族」修煉、處世、存在之道，透過科學心智與藝術心靈嘅覺醒，條煉人生才是正道。其實，超人舊年喺畢業禮都講過《未來就在眼前》，指自己最怕主觀、因循嘅「心向」，都係希望學生好好修身，再建立一個更好社會。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170628/20071024