星二代死性不改坂口拍AV賺百萬繼續奢華
1 :
GS(14)@2016-10-27 06:02:41經典日劇《新青春火花》已故女主角坂口良子病逝三年，其25歲親生女坂口杏里在圈中發展多年卻半紅不黑，喺母親死後過住大花筒生活，更沉迷幫襯鴨店，把亡母留下嘅數千萬日圓遺產使清光。坂口杏里被爆孭上至少500萬日圓（約37萬港元）嘅巨債，佢今年加入AV界全裸還債，據知首次下海拍AV嘅酬勞有2000萬日圓（約150萬港元）。日前趁住坂口良子生忌，坂口杏里於Twitter有感而發寫道：「媽媽的生日，原諒我的不孝，未能孝順你真的對不起。你是全世界，應該是銀河上最愛的媽媽。」自認不孝嘅坂口杏里，當日留言充滿悔意，不過講完冇耐就去咗美容院扮靚。新一期《女性自身》更踢爆坂口杏里嘅大使性格似乎變本加厲，日前佢被目擊連續五天出入高級水療中心做Spa，晚上更戴上黑超返家，當時佢由一名打扮似足男公關嘅司機陪同返家，坂口杏里笑到見牙唔見眼。事隔一日，坂口杏里搭的士返到大廈寓所，記者上前表明身份，佢立即發爛渣，仲直指記者騷擾佢嘅私生活，命令記者切勿再追訪，一講仲講咗成半個鐘。昨日更有消息指，坂口杏里將會於11月推出一本全新寫真集，利用亡母坂口良子昔日性感照，坂口杏里再露點上陣，造就親子合作拍攝呢本寫真集。
來源:
http://hk.apple.nextmedia.com/entertainment/art/20161027/19813366