面試港姐被爆做地產月賺46萬間尺鼻Angelica：我唔係騎呢
1 :
GS(14)@2017-06-25 10:11:16■面試港姐「間尺鼻」Angelica前年曾替本報拍攝水着大晒D奶，並分享狂飲珍珠奶茶豐胸法。資料圖片
有港姐的地方，就有是非。無綫大前日為《2017香港小姐競選》進行首輪面試，火速彈出的參賽佳麗是兩年前曾以?模身份入行的何沛沂（Angelica），現年25歲的她因面試時臉上的「間尺鼻」成功搶鏡成焦點，她又被爆參選前曾做半年地產經紀，為賭王三太陳婉珍以5,700萬元買下黃竹坑環匯廣場逾3,000呎地舖，月賺46萬佣金。對於是非接踵而來，Angelica前日回應說：「識我嘅人都知我唔係騎呢。」
大前日無綫《2017香港小姐競選》進行首輪面試，131位佳麗，燕瘦環肥，現年25歲的「間尺鼻」Angelica成為焦點，同時成為網民起底對象。根據資料顯示，Angelica前年曾以「何沛沂」的名字簽約信星亞太娛樂，跟來自內地MK Pop組合拾音社是同門，做過?模的Angelica，兩年後決定再博一鋪選港姐。
Angelica兩年前入行時，曾跟台灣男星黃鴻升合作拍電影《一屋二欺》，但最後該片因資金問題停拍，黃鴻升指被拖欠片酬。Angelica憑「間尺鼻」而一夜成名，負面新聞排山倒海湧現，有讀者報料指她曾整容，也有傳她做過夜場公關，她都迴避說：「唔知點解好似好多人都唔鍾意我，但係我都唔識佢哋！」當年以?模身份出道的Angelica，曾為本報拍攝三點式專訪，報稱三圍是32D、24、33，對於擁有D奶導彈，她分享獨門珍珠奶茶豐胸法：「爸爸媽媽都好瘦，食極都唔肥，上圍豐滿可能因為讀書時已經好鍾意飲珍珠奶茶，差不多每日都飲。」
【變臉前】■被指變臉的Angelica，昔日闊面兼扁鼻，與現時的間尺鼻相差甚遠。讀者提供圖片
【變臉後】■Angelica大前日參加首輪港姐面試，憑「間尺鼻」一夜成名。資料圖片
替賭王三太買舖
有指Angelica參選前曾在利嘉閣西區分行做過地產經紀，任職半年，個人單月營業額更高達46萬，今年1月份還獲得該分行最高營業額亞軍，據知Angelica是替賭王三太陳婉珍以5,700萬元買入由恒地（0012）及協成行合作發展的黃竹坑環匯廣場地舖、廣告牌及一個車位，當中地舖面積約3,337方呎，扣除廣告牌及車位，平均呎價逾1.5萬元，由Angelica跟姊姊及一名同事完成交易，Angelica獲46萬佣金並成最高營業額亞軍，及至今年4、5月時她突然辭職，看來是為參選做準備。
■有指賭王三太曾透過Angelica買下黃竹坑環匯廣場地舖、廣告牌及一個車位，作長女超雲（左）創業之用。資料圖片
■黃竹坑環匯廣場。資料圖片
「面試冇提做Model」
問到Angelica是否曾變臉？她前日接受電話訪問時說：「唔想再回應其他，因為我都未入選，唔知點解咁鍾意搵我炒作。」面試時可有對無綫交代曾做過?模？她續說：「面試冇提過以前做model，我覺得啲人好似想攞我嚟炒作。」下周會有第二輪面試，可有信心入圍？她說：「其實認識我嘅人都知我唔係嗰啲騎呢，如果覺得我要行嗰啲路線都冇辦法。」如不能入圍是否仍想在娛樂圈發展？她說：「唔回應喇，無綫都唔畀我講咁多嘢。」此外，就三太透過Angelica買舖，三太助手Sandy昨回應：「何太物業買賣係公司同事處理，唔會有印象同知道經乜地產公司。」有指該舖是給超雲創業，超雲也因而認識「間尺鼻」姊妹，Sandy則說：「一定唔會，就算真係有呢類買賣都唔會係佢自己跟。」採訪：唐琛悠、唐如
■Angelica今年4至5月間突然向利嘉閣請辭，似為選美鋪路。互聯網圖片
■參選前做過半年地產經紀的Angelica，曾奪最高營業獎亞軍。互聯網圖片
來源:
http://hk.apple.nextmedia.com/entertainment/art/20170623/20065395
【馮仁昭四圍超】港姐複試間尺鼻Angelica出局Regina入圍帶定比堅尼
1 :
GS(14)@2017-07-01 10:29:22■Regina唔知係咪做開會計，準備工夫做得特別足。
無綫《2017香港小姐競選》經過第一輪面試之後，噚日有61位佳麗喺將軍澳電視城進行複試。據聞初選時嘅「吊帶王祖藍」Dion同「間尺鼻」Angelica都冇得留低，噚日無綫安排林盛斌（Bob）同麥美恩同港姐會面。
■「間尺鼻」Angelica傳經已被Out。
■「嫩版李若彤」Kelly以大熱身份順利進入複試。
■麥美恩對第二輪「師妹」讚不絕口，好過自己當年多多聲。
「嫩版李若彤」有信心
複試有被指為大熱、來自加拿大多倫多20歲嘅混血兒Kelly Ng，有嫩版李若彤之稱嘅Kelly以粉紅貼身短裙亮相，佢話：「都有信心，睇番有人話我似李若彤，之後都有摷番啲報道嚟睇，我覺得李若彤形象好深入民心，佢好靚女，所以我唔覺得似佢。」同Kelly蹺住手同行嘅Zoe，有嫩版宋熙年之稱，她被爆係十優港姐冠軍麥明詩嘅朋友，Zoe話：「麥明詩都有叫我加油。」另外較為順眼嘅有今年23歲、似15年亞軍龐卓欣嘅Regina，職業係會計師，佢透露今次已經帶定比堅尼到場，仲話覺得自己似李亞男多啲喎。亦有任職freelance模特兒嘅Sophia，佢貌似人妻岑潔儀，自爆話同陳奕迅拍過戲，不過就係行行企企角色。另外有一位被稱作哨牙珍嘅Tomato，同來自三藩市嘅「藍裙千雪」胡美貽入圍複試。港姐出身嘅麥美恩話第二輪嘅佳麗衣着同談吐都出色，笑言自己當年嘅「龍躉村姑」外號無人能及。阿Bob對外國佳麗Christina鍾情，覺得佢講廣東話特別好聽，聲音好甜美，所以好想去「愛錫」佢。撰文：馮仁昭
來源:
http://hk.apple.nextmedia.com/entertainment/art/20170628/20070803