中環在線：長情股東怨希慎股價升得慢 李華華
2008-05-15 AppleDaily
噚 日希慎（014）舉行周年股東會，有位長情嘅小股東向主席利定昌呻，批評希慎股價表現差。正所謂「愛之深、責之切」，呢位股東原來早喺81年希慎上市時， 已經拎5000蚊入咗手希慎，揸足27年，你話夠唔夠長情。不過，睇番希慎股價，噚日收23蚊，小股東嗰手希慎只係值兩萬幾銀，股價升唔夠4倍，難怪埋怨 主席辦事不力。希慎81年9月18號上市，當年公司主席係利銘澤，即利定昌伯父。華華以當日希慎經調整後4.35蚊收市價計，27年嚟升4.3倍，以複利 率計，每年增長6.4%，撇除股息唔計，淨睇股價，升幅勉強跑贏通脹。好多投資專家都會同你講，千祈唔好同股票談戀愛，作為投資者要表達不滿，就係沽貨換 馬。如果呢位小股東同期買嘅唔係希慎，而係另外嘅收租股，歷史便可以改寫。就以太古（019）為例，27年以嚟股價急升24.5倍，其次就係九倉 （004），股價錄得8.6倍升幅。
信利銘澤不如信超人
不過，呢位小股東都唔好咁谷氣，因為當年揸鷹君（041），到家吓仲 未放嘅，應該仲揼心，咁多年嚟鷹君股價都只係升咗2.7倍。或者小股東應該怨當年信錯利銘澤，如果佢信超人李嘉誠、股神李兆基，或者已故嘅郭得勝，回報會 比鶽家更好。新地（016）27年嚟股價勁升31.7倍，超人嘅長實（001）升22.4倍，至於四叔嘅恒地（012）亦升咗20倍。電郵：
[email protected]收租股及地產股表現
鷹君（041）昨收報：24.95元81年至今變幅*： 2.65倍希慎（014）昨收報：23.00元81年至今變幅*：4.29倍九倉（004）昨收報：41.25元81年至今變幅*：8.63倍恒地 （012）昨收報：59.35元81年至今變幅*：20.24倍長實（001）昨收報：122.2元81年至今變幅*：22.38倍太古A（019）昨收 報：95.50元81年至今變幅*：24.47倍新地（016）昨收報：137.4元81年至今變幅*：31.72倍恒指同期表現昨收報：25533點 81年至今變幅*：16.10倍註：變幅以81年9月18日收市價計算 資料來源：本報資料室
中環在線：奮發、永恩齊齊改名轉運
>
2008-05-19 AppleDaily |
最近有兩間上市公司不約而同出通告話改名，不過同人唔同命，一個係因為莫財要賣商標撲水；一間係因為品牌越嚟越多人識，索性「正名」。
先講第一家，係喺香港同新加坡都有上市嘅奮發國際（1130），佢哋將子公司廈門奮發旗下嘅時裝品牌FUN商標，賣畀廈門帆派服飾，套現2000萬人仔，旗下品牌將改名為Kaimara。
FUN喺內地已有廿年歷史，家陣喺全國廿幾個省市共有約200個專櫃及專門店，廣告全部用洋妞模特兒。可惜，奮發自06年度開始由盈轉虧，舊年繼續蝕，主席陳星洲喺通告話生意難做，為免業績再見紅，惟有賣嘢套現。
賣咗商標後，內地約200個FUN銷售點就會整頓，蝕錢嘅分店會結業，其他就改過個品牌名做Kaimara繼續經營。雖然冇咗個品牌，但希望好似佢哋公司名咁，以後奮發做好啲生意。
達芙妮多人識
另 一間改名嘅係永恩國際（210），佢哋改公司名為咗遷就旗下越做越紅嘅品牌，以後永恩叫做達芙妮（Daphne）。佢哋90年開始自創女裝鞋品牌達芙妮， 專攻內銷，仲整咗個達芙妮購物網，品牌做得咁好，分分鐘達芙妮多人識過永恩，主席陳英杰索性將公司名改為同品牌名一樣。通告話，咁做可以令公司嘅業務發展 同定位都會更清晰。雖則改名各有前因，但目標一樣，希望業績更好啫。電郵：[email protected]
中環在線：瑩輝電筒照亮災區 李華華
2008-05-20 AppleDaily |
大 地震之後，各大小企業都爭住捐錢賑災，專做燈飾嘅瑩輝集團（1163），就比較反傳統，賑災唔捐錢而係捐電筒，一次過捐咗五六千支咁多，諗真啲又係嘅，好 話唔好聽，災區嘅電力供應時有時冇，一點燈光比起一張百蚊鈔票，又確實係有用好多。瑩輝集團執行董事白秉臻話，佢哋嘅生產線喺東莞，而啲加盟商少有去到四 川咁遠，暫時都未收到受影響嘅通知，算係好彩。
勞動法傷過地震
地震冇震到佢哋，但一條勞動法就令白秉臻呻到樹葉都落！佢話以前養一個工人成本只係400幾人仔，家吓就升到千一二蚊，再加埋佔佢哋生意額85%以上嘅美國市場，經濟唔好，同埋人仔滙率高企，真係唔使地震，日日見到條數心都震。
中環在線：天災心情差稻香(573)食客減
2008-05-22 Appledaily |
稻 香（573）噚日喺旗下酒樓開股東大會，患重感冒嘅主席鍾偉平，帶病到場主持大局，同行大家樂（341）主席陳裕光都有出席，皆因佢亦係稻香嘅非執董。鍾 偉平同華華講，近排大地震搞到人人心情都唔係咁好，食慾都差啲，做飲食嘅生意多少有影響，之不過佢做街坊生意，影響冇咁大，做高檔客班行家就慘啲！至於有 冇員工受地震影響呢？鍾偉平話，有兩個喺深圳打工嘅阿姐，都係四川人，地震後鄉下間屋塌咗，佢知道後即時批假畀呢兩個女工，等佢哋返屋企善後，仲話對方有 需要幫手嘅話，只要出聲，幫到幾多就幾多！同時，內地員工捐幾多，公司亦會照捐咁多，不設上限！另外，華華知鍾主席07年減咗一大截人工，全年薪水加津貼 都係得23.6萬銀，少咗四成七，每個月計起唔夠兩萬銀，鍾主席笑笑口話唔緊要，做多啲生意，喺股息度補番數咪得囉，舊年就袋咗三千幾萬銀，難怪收少啲人 工都唔緊要啦。
greatsoup:
這才是正確的態度嘛。
中環在線：趙世光為上市站起來 李華華
> | 2008-05-23 AppleDaily |
喺 千禧年私有化、退出股海嘅老牌香港航運企業「華光」，最近打算歸來掛牌，近年因中風而甚少公開現身嘅公司揸弗人趙世光，即係卓能集團（131）主席趙世曾 細佬，噚日喺佢位千金、華光副主席趙式明陪同下，特登走出嚟同記者朋友分享呢份喜悅。現年六十有七嘅趙世光，曾經喺今年3月，坐住輪椅，由家人陪住去睇 Celine Dion喺澳門舉行嘅世界巡迴演唱會。噚日見佢雖然行動不便，需要乖女式明攙扶，亦有看護傍住，但起碼唔使坐輪椅，精神亦唔錯，仲同華華憶述當年私有化華 光控股嘅原委。趙世光話，嗰陣時啲投資者對航運股冇乜興趣，股價又唔掂，冇晒上市意義；但家吓時移世易，祖國前景美好，相信航運股亦會受惠。
趙式明打理家族生意
之 不過，當年趙世光結束華光27年上市地位嘅時候，曾經形容過當時心情，好似「脫苦海」，因為做上市公司壓力好大，蝕錢要同股東交代喎。唔通時勢好咗，壓力 都會少啲？華華就覺得係因為鶽家趙世光有乖女式明幫手打理家族生意，加上又邀得鷹君（041）主席羅嘉瑞、前怡和主席紐壁堅等猛人擔任獨立非執行董事，佢 老人家應該唔使再入苦海啦！電郵：[email protected]
中環在線：王忠桐又俾股東玩 李華華
> | 2008-05-27 Appledaily |
王氏港建（532）噚日開股東會，曾經兩度提出私有化都失敗嘅主席王忠桐，又俾股東玩！好似舉手投票係例行公事，點知有手持6000幾萬股嘅代表，話投票一定要點票，反對就咁舉手了事，結果呢個動議，喺唔夠票嘅情況下被否決。
懷疑長毛搞鬼
解 決咗一個，跟手另一個股東又開炮，問做乜集團舊年嘅業績差咗，仲要有咁多存貨剩喺度？台上嘅管理層聽完，私底下商量咗兩三分鐘，先至話因為有幾單交易遲 咗，所以咪有以上嘅情況，但今年上半年，已經搞番掂。雖則全部議程最終都順利通過，但一開波就俾人窒，王忠桐懷疑同股壇長毛有關。王忠桐話，自從上次私有化失敗之後，以David Webb為首嘅反對派，冇任何新嘅建議方案提出過，而經過兩次失敗，佢話暫時都未有計劃再提第三次咯，淨係猛話家吓業務倒退，股價比舊年唔見咗六成，就算 家吓出價，都已經係另一條數，價錢一定唔同咗。
中環在線：仰融再造風雲 李華華
2008-05-08 AppleDaily 遠 東金源（1188）上個禮拜五宣佈，以400萬人仔，收購大陸採礦公司吉林晟世全部股權，交易冇乜特別，其他行家都有報道，但篇幅唔大，但華華睇完大陸 《每日經濟新聞》嘅報道，就覺得呢單細新聞唔講得笑。首先，唔講大家可能唔為意，遠東金源主席，就係大名鼎鼎嘅仰融。仰融係華晨汽車（1114）創辦人兼 前主席，01年《福布斯》中國富豪榜排名第三，當時身家近70億銀，仰融最令人印象深刻嘅係，92年將華晨汽車喺美國上市，成為第一隻喺美國掛牌嘅中國公 司。 不過04年，仰融同內地政府因公司股權出現爭拗，搞到要出走美國，仲俾遼寧省發通緝令緝捕。美國遙控遠東金源家陣仰融係遠東金源嘅大股東，公司市值約 11億銀，遠東金源前身係歡樂天地，仰融98年收購返嚟。間公司都經歷過唔少變動，先後改名圓通科技同圓通控股。據報道，仰融仲喺美國，家吓遠距離遙控公 司業務，今次可以稱得上係復出，將遠東金源作為最後籌碼。
中環在線：兄弟內訌羅康瑞感同身受 李華華
2008-05-29 Appledaily |
家有9兄弟姊妹嘅瑞安房地產（272）主席兼行政總裁羅康瑞，同樣經歷過兄弟爭拗，噚日佢好有同感咁話，香港好多家族式管理嘅企業，好有問題。雖然佢冇開名話講邊間，但新地（016）三兄弟決裂咁熱爆嘅新聞，好難唔令華華將佢嘅說話，同「郭家大事」對號入座嘅。
羅 康瑞噚日係應邀為香港上市公司商會任演講嘉賓講企業管治，呢位「上海姑爺」一開口就話父傳子、子傳孫嘅家族管理模式，有好多問題，搞到身為商會副主席嘅主 人家胡文新，面有尷尬之色。心水清嘅都知，胡文新都係接老竇胡應湘棒，喺合和（054）幫手。好彩羅康瑞補充話，家族管理都有好處。
人多爭拗多
羅 康瑞又話，人多就梗係多爭拗，尤其係當創辦人過咗身，更加難控制。華華問佢對新地郭家有乜意見？佢話唔方便評論。咁點先可以做好「公司管治呢又？」佢話： 「最好就梗係監、管分家，同埋令到員工對公司有歸屬感，好似瑞房茶水部連個阿嬸，都有認股權，而我就下放權力，支票都唔簽，公司有幾錢我都唔知o架！」咁 自己荷包有幾錢應該知喇啩。電郵：[email protected]
中環在線：黃宏生老婆入貨時機準 李華華
> | 2008-06-02 Appledaily |
公 司管理層增持股份，同埋公司回購番自己股份，獨立嚟睇唔係乜嘢特別嘅事，上市公司都時有發生，但差不多同期發生就會惹嚟不必要嘅遐想。
大陸《每日經濟新 聞》就對創維數碼（751）4月底起分十次回購咗1147.2萬股，用咗差不多974萬銀有質疑，因為創維執行董事喺公司回購之前，亦都分咗十次增持公司 股份。
華華睇番港交所（388）資料，執行董事林衛平，亦即係鶽家坐緊監嘅大股東兼前主席黃宏生（圖）位太太，喺2月1日至4月15日，合共用咗 315.37萬銀分十次增持421.6萬股，每股平均價約0.748元，以創維上星期五收市價0.88元計，鶽421.6萬股賬面大約賺咗55.65萬 銀。本來管理層增持股票係對公司投予信心一票嘅表現，華華亦唔係話嗰位執董趁公司回購撈番一筆，不過換轉華華就唔會喺咁敏感時候去增持，以免招人話柄啦！
中環在線 揸深圳萬科17年散戶股神400萬變16億 李華華
> | 2008-06-03 AppleDaily |
股 神畢菲特用價值投資法，長揸好股，其實，香港都有好多投資者係佢信徒，仲可以話係青出於藍。好似港商劉元生，手持內房股萬科股票17年，由當初市值約 400萬人仔（下同），暴升到今時今日賬面值約16億，升咗近400倍，比起畢菲特最掂嗰隻華盛頓郵報，30年都係升得128倍，睇怕今勻股神都要寫個 「服」字。
與王石早有淵源
講起呢位散戶股神，早喺91年萬科A股上市前已經入股萬科，話說王石未創辦萬科之前，同劉元生已經 係生意拍檔，88年尾，未上市嘅萬科為咗籌集資金，以每股一蚊人仔發行咗2800萬股，劉元生見銷情唔係咁好，於是幫對方認購咗360萬股，成本大概 400萬銀。萬科91年1月29日深交所上市，當時報14.58人仔，其後劉元生仲有增持萬科，據萬科資料，劉元生持有8253萬股，以噚日萬科收市價 計，市值近16億人仔。難怪內地傳媒封佢做「超級散戶」，喺3月舉行嘅萬科07年報告網上說明會，有萬科小股東要求親眼見一見偶像王石，同股東劉元生。
上市後不斷增持
據 報道，劉元生家陣係萬科最大嘅個人股東，王石有乜大動作，之前都會主動問吓佢嘅意見。除咗同王石熟絡，劉元生同萬科另一董事陳志裕應該都幾熟，因為據《提 問萬科》一書介紹，當年王石做錄像機生意時，係由劉元生嘅仁達國際（香港）供應日本貨源，而據公司註冊處資料，呢家公司仲有3位董事，其中一位正係陳志 裕。[email protected]
Next Page
ZKIZ Archives @ 2019
|