啟山踩克羣場 陪超蓮台北食麵
1 :
GS(14)@2016-03-08 00:08:31【前日台北】■超蓮與啟山雙方家底過百億,前日在台北板橋市幫襯平民牛肉麵食店。台灣《蘋果日報》
賭王三房最索千金何超蓮回復單身後,與霍震霆二公子霍啟山行得最密切,前日與啟山第四度斷正在台北過周末,一起去食平民牛肉麵,據知超蓮的台灣歌手舊愛吳克羣戒食牛十多年,超蓮啟山此舉難免給人覺得「去踩場」。超蓮昨日接受本報訪問時,例牌強調自己是單身,與啟山出埠,就解釋是有一大班朋友去旅行。
賭王三房最索千金何超蓮去年12月淚斬與台灣歌手吳克羣的四年情,男方傳與女模相戀,超蓮在分手後也不愁沒人追,24歲的她身邊就出現追求多年的霍震霆二子霍啟山、內地百億富二代政協劉根森等高富帥,當中獲三太陳婉珍開綠燈拍拖的啟山較佔盡上風,但遭超蓮否認。
【二人世界】■超蓮表示因不夠座位,她與啟山被分配坐兩人枱,朋友坐隔籬枱。DV圖片
【食到笑晒】■啟山與超蓮在擠逼食店進食,不但不覺侷促,而且還很好笑容。
【毫無架子】■超蓮自動波在店內行出行入取食物。
■超蓮對着一大碟鍋貼食指大動。微博圖片
前日有台灣《蘋果日報》讀者提供超蓮和啟山在台北旅行的相片,穿着黑tee牛仔褲、戴黑超的啟山與穿棗紅衞衣的超蓮,現身板橋市一間平民牛肉麵店,啟山全程笑笑口負責食,超蓮就顯然是食店的常客,在店內跟老闆熱情打招呼,更行出行入攞食物,但不忘警覺地望周邊氣氛。其實之前二人已被爆在廣州及香港半島酒店撐枱腳,超蓮更曾帶啟山見好姊妹鄧紫棋和李蘊到中環Sevva食飯,今次第四次斷正,盡顯二人密密見「好友」關係。
■超蓮1月底在台灣醉酒,由舊愛吳克羣照顧送返家過夜,惹來復合傳聞。台灣《壹週刊》圖片
舊愛不食牛
超蓮是台北常客,1月底在當地與友人飲酒飲醉後,其朋友卻召來其舊愛吳克羣帶她返家休息照顧,據悉,超蓮事後表現無奈及不悅,今次與啟山重臨,並帶男方去常幫襯的食店嘆牛肉麵,須知道吳克羣戒食牛十多年,超蓮和啟山此舉可謂踩場又贈興。本報昨日致電仍身在台北的超蓮,問她與啟山去台北擦牛肉麵,會否令人覺得有踩場之嫌,她大方回應:「我每個月都會去台灣,睇牙醫喺嗰面,咁啱呢次有朋友生日,都幾多香港人去咗,我又好熟台灣嘢,我做導遊,唔係乜嘢踩場,冇乜特別。」她透露今次純粹是朋友生日旅行團:「成班朋友去旅行,有好多人,我帶佢哋去食嘢,全部一齊去食,除咗霍生,仲有其他香港朋友,亦都有兩個台灣男仔,一個台灣女仔,成團有七、八個人,因為太多人唔夠位,我同佢坐一張枱,因為係兩人枱,所以咁樣,總知好多人一齊,唔係單獨,同埋佢唔係我男朋友,我澄清多一次,我哋係朋友關係。」
■超蓮昨日在Ig和微博貼上與大班朋友遊台的相片,但「團友」啟山卻被消失。
啟山被避嫌
問到現在的感情狀況,與啟山會否有發展空間,超蓮就表示:「我而家係單身,但我想畀心機做嘢,所以唔諗拍拖啦,短期內都唔會拍拖,全部都係朋友關係,唔係情侶,我唔知人哋有冇追我,唔關我事。」至於吳克羣回覆台灣《蘋果》時,表示不知道超蓮來了,也不認識霍啟山。之後,超蓮即在微博貼了多張與一大班朋友的飯敍相如打邊爐,亦有與啟山食牛肉麵的食店食物及友人相,惟獨啟山未有「入鏡」,超蓮留言說:「來個兩天吃了這麼多哈哈哈哈。」採訪:唐如
來源:
http://hk.apple.nextmedia.com/entertainment/art/20160307/19519132
追超蓮絕招
1 :
GS(14)@2016-03-08 00:08:32何超蓮感情事一向密冚,霍啟山密密見依然處於「朋友」關係,不過參考過去資料,要奪得她芳心,海外拍拖絕對有一定優勢。以她與吳克羣拍拖四年為例,大部份時間多數她飛去台灣,或吳克羣人肉去她讀書的倫敦相伴,又到過美國、馬爾代夫和內地等見面,甚少會在香港「合體」。甩拖後,超蓮與霍啟山及內地富二代劉根森都曾被「捕獲」,都是身在外地的個案,前者曾在廣州撐枱腳,今次就到了台北擦牛肉麵,劉根森亦被影到與她在珠海玩機動遊戲,可能去到外地少人認得,才可以多製造有情趣驚喜的機會。撰文:唐如
來源:
http://hk.apple.nextmedia.com/entertainment/art/20160307/19519140
超蓮收禮笑餐飽
1 :
GS(14)@2016-05-19 02:23:02■何超蓮(圖)沒有透露吳千語送了甚麼禮物。
賭王三房千金何超蓮剛於本月9日度過25歲生日,不過生日飯還未食完,四房千金何超盈前晚便於銅鑼灣一間意大利餐廳替她補祝生日,而除了兩位何家千金,同行還有幾位閨蜜,當中包括早前陪吳千語放狗兼在草地「放水」的馬天佑。超盈中場先行離開,記者問她送了甚麼禮物給超蓮,她即笑笑口說:「你問佢啦!佢一陣會出嚟㗎喇!」而超蓮最終與眾友人10時多在後門離開,問她收到甚麼禮物?但超蓮卻與馬天佑對望大笑,然後超蓮解釋,笑指禮物跟她身材有關,是吳千語送給她的,但就不肯透露是甚麼禮物。採訪、攝影:梁繼光、羅德光、朱志聰
來源:
http://hk.apple.nextmedia.com/entertainment/art/20160516/19613455
千金超蓮公仔恤衫裙$1,299有交易
1 :
GS(14)@2016-05-19 02:33:52何超蓮很愛卡通服飾,穿過Minions X Steve J& Yoni P衞衣、Moschino孖寶兄弟衞衣,以及用過Olympia Le-Tan X Hello Kitty手袋。大前日她在銅鑼灣出席由四房千金何超盈、造型師好友馬天佑等,為她搞的生日飯局,已經25歲、大個女的超蓮依然公仔衫不離身,穿上飾薯餅、煙肉、雞蛋、牛奶等襟章的牛仔恤衫,童心未泯。這件牛仔恤衫出自本地福音潮牌Amenpapa,售$1,299,比起超蓮用過的貴牌crossover版卡通服飾平一大截。品牌是好姊妹G.E.M.的愛牌,未知超蓮是否受她感染而購買呢?
來源:
http://hk.apple.nextmedia.com/entertainment/art/20160517/19614735
超蓮G.E.M.姊妹歌紀念做契媽
1 :
GS(14)@2016-05-21 13:13:35■G.E.M.日前與超蓮探望待產的李蘊,三人手叠手(下圖)打氣。互聯網圖片
李蘊(Renee)升呢做人母,好姊妹鄧紫棋(G.E.M.)和何超蓮齊做契媽,G.E.M.更用三人名字作歌紀念,她昨在電話中說:「BB突然早咗三個禮拜,我同超蓮都好開心,不停咁oh my god!其實寫呢首歌真係隨心而發,噚晚超蓮喺我fb留言,問幾時可以寫首有佢哋名嘅歌,幾分鐘錄完send畀佢哋。前兩日我哋去醫院探Renee,嗰時已準備隨時生,我仲未見到契女,講唔到似邊個。」
至於超蓮昨則說:「其實我唔係第一次做契媽,我都有個契仔,由知佢有咗BB,到佢慢慢大肚,中間陪住佢,好似做咗人媽媽感覺。我有問阿媽,金碗金筷子上契冇咁快做,所以同G.E.M.諗住買條手鏈仔畀佢戴。」問到覺得BB似邊個?超蓮說:「我覺得BB似Renee,好靚,雙眼皮好深,鼻都好靚,覺得佢靚爆鏡。」採訪:皓騫、唐如
姊妹歌部份歌詞
我們像花「和草連」成的地平線風吹雨下都在彼此身邊手牽手看初夏漸入深秋看未熟的「梨醞」釀成酒
來源:
http://hk.apple.nextmedia.com/entertainment/art/20160518/19615940
超蓮拍片籲領養狗狗
1 :
GS(14)@2016-05-22 12:16:12■何超蓮帶了12歲愛犬一齊拍照。
賭王三房千金何超蓮、徐濠縈及周柏豪日前為珠寶品牌Qeelin與救狗之家合作拍慈善相,超蓮就帶了她12歲的狗狗小吉齊開工。超蓮透露小吉是家姐追求者送的禮物:「最有印象訓練佢學行樓梯,佢比正常松鼠狗重6、7磅,佢太鍾意食糖唔食正餐,搞到佢甩毛情況嚴重,所以唔可縱。」另外,超蓮亦拍片呼籲要領養狗狗:「因為佢哋被遺棄冇人照顧,喺條街先會臭同邋遢或有病,所以我之後要重新養一隻狗,會領養,唔會買。」她更分享對寵物睇法:「畀多啲時間、愛心,寵物嗰世界佢只得你,如果你都唔理佢嘅話,或你都嫌棄佢煩,咁樣好慘,所以要treat你嘅寵物係buddy咁錫佢。」撰文:唐如
周柏豪
■周柏豪和徐濠縈日前為救狗之家拍慈善相。
來源:
http://hk.apple.nextmedia.com/entertainment/art/20160522/19622400
李蘊B女又入院 嚇壞超蓮
1 :
GS(14)@2016-05-24 10:27:21資料圖片
■李蘊昨日在Ig貼囡囡腳仔甩皮照(圖),還指是初生嬰兒常見問題。
李蘊(Renee)於上周一為內地生意人老公羅章冠誕下千金,母女出院僅數天,近日又再入院,前晚Renee在Instagram上載了一張抱着囡囡的相片,並留言:「需要照燈的小朋友,唔驚,媽媽喺到。」另外,昨日李蘊又在Ig上載B女的腳仔相,她留言透露:「甩皮小腳腳!」嚇得契媽何超蓮立即追問發生甚麼事,Renee也即回覆契媽:「沒事的,初生小朋友常見問題。」
Renee昨日回覆本報,指囡囡沒大礙,日內可出院:「BB而家要照燈,出院後再返去覆診,醫生話黃指數都幾高,所以即刻返去醫院照幾日燈,呢兩日會出院㗎嘞!唔使擔心。但初頭都幾驚,而家放鬆咗,因為醫生畀好大信心我,話好多小朋友都係咁,多謝大家關心。而家每日喺屋企揼奶,自己或叫屋企人拎去醫院,如果自己餵就會喺醫院埋身餵一餐。」採訪:皓騫
來源:
http://hk.apple.nextmedia.com/entertainment/art/20160524/19624510
Next Page