小春采兒努力追女
1 :
GS(14)@2016-05-08 01:56:24陳小春和老婆應采兒日前為雜誌影相，兩人結婚6年大談夫妻相處之道，小春說：「一句話，多一事不如少一事。」采兒為老公解畫：「我哋脾氣都比較火爆，每次有小矛盾，開始要發脾氣嘅時候，其中一個就會停落嚟退一步。小春性格唔太識表達，但我一定要講出嚟，佢都會耐心聽完我嘅說話。」自從兒子Jasper出世後，小春變得成熟穩重，他說：「而家遇到唔開心嘅嘢好少嬲，因為諗到囝囝就好爽好開心，其他都唔重要。」兩人還準備再生一個，采兒說：「而家一家三口，過年仲係覺得有啲孤單，有種三缺一感覺。」小春說：「如果有靚靚囡囡就圓滿嘞。」撰文：皓騫
來源:
http://hk.apple.nextmedia.com/entertainment/art/20160505/19597998
金剛放笑彈 氹掂A貨應采兒
1 :
GS(14)@2016-09-14 05:52:14【篤手機】■金剛與「A貨應采兒」逛銅鑼灣，不時拿手機各有各狂撳。DV圖片
【銅鑼灣】現年35歲的金剛（原名李信樵），由台灣來港發展9年，一向緋聞多多的他，今年4月與拍拖3年的陳蕊蕊分手，一直不愁寂寞，身邊女伴團團轉。日前本報發現金剛又有新女，他與一名如「A貨應采兒」的長髮女現身銅鑼灣時代廣場，雖然二人刻意保持距離，但氹女向來有計的金剛，隨便說兩句便輕易氹到長髮女開心大笑。
【露冧樣】■金剛隨便講兩句已氹到「A貨應采兒」哈哈大笑。DV圖片
應采兒
健碩男睇水
當日除了金剛及長髮新女，同行還有一名負責睇水、身形健碩的男友人，大約傍晚6時左右，他們一行三人在時代廣場消費後，本來想到地庫超級市場逛，惟遇上超市當日提早關門，行超市都摸門釘，三人惟有離開。不過，金剛與新女全程皆顯得頗避忌，健碩男一直「攝」在二人中間行，直至乘電梯金剛才與新女傾偈，但已成功氹到女方笑到變腰果眼，就連頭髮都亂了，而他們本來乘扶手電梯離開，但最後改往乘搭升降機到低層停車場取車，排隊期間，兩人各有各低頭撳電話，健碩男就繼續四圍張望，而且全程站在金剛與新女之間。離開時由金剛充當柴可夫，健碩男則坐在司機位旁，新女醒目地選坐後座。採訪、攝影：朱志聰
【警覺高】■「A貨應采兒」上金剛部車前小心四圍望兼自動坐後座。DV圖片
■金剛與陳蕊蕊拍拖近三年，今年4月宣佈分手。資料圖片
來源:
http://hk.apple.nextmedia.com/entertainment/art/20160914/19769876
應采兒貼受傷相 自爆遭家暴！？
1 :
GS(14)@2016-09-17 16:15:49應采兒自從2010年同陳小春拉埋天窗，婚後生埋囝囝Jasper(小春子)，應采兒除咗北上拍啲大陸真人騷、出席活動之外，佢都樂做廿四孝好媽咪，不時喺Instagram分享佢嘅湊B生活，而老公兼惠州政協陳小春就努力搵銀。之不過佢昨早忽然喺Instagram貼出眼部受傷嘅相，留言：「Happy Halloween家暴」，搞到唔少網民呆咗，問佢「怎麼這樣」、「沒事吧，要去醫院看一下」、「山雞被家暴我就信」、「有咩事就打999啦」、「係唔係結膜下出血」，總之應該唔係家暴嘅。
來源:
http://hk.apple.nextmedia.com/entertainment/art/20160915/19771049
【夫妻鬧交】小春被應采兒訓示
1 :
GS(14)@2016-09-29 08:05:37小夫妻朝見口晚見面，吵吵鬧鬧在所難免，圈中夫婦都曾試過在街頭鬧交。
陳小春，應采兒
2010年，陳小春孖應采兒在中環嘆茶，離開時卻見采兒黑面，小春火速追出，采兒在街頭訓示老公，並極速在人群中消失，小春苦等多時無奈自行離開。
李思欣，范振鋒
李思欣與范振鋒被拍得2012年在街頭鬧交，要在場的李媽媽幫口。事後思欣謂當日心情差加上作病，范振鋒笑言每個月總要就太太幾日。
Tom，何思諺
2013年，Mr.鼓手杜志烜（Tom）與太太何思諺在銅鑼灣行街吵起來，Tom黑面發脾氣甩開老婆手，最後一個向左走、一個向右走。
楊千嬅，丁子高
去年，千嬅與丁子高在澳洲拍內地真人騷《極速前進》，求勝心切的丁子高呼喝千嬅，他直認差點爆粗，兩公婆在節目中不時針鋒相對及黑面。
來源:
http://hk.apple.nextmedia.com/entertainment/art/20160929/19784815
Next Page