台慶求婚撼維基？祖藍巨鑽冧掂亞男
1 :
GS(14)@2014-11-20 23:46:01
噚晚個個人，尤其係年輕一輩，都係講緊HKTV開台，雖然仲係問題多多，始終唔係大氣電波，網上播放唔夠穩定，噚晚8點仲好多人上網同手機都開唔到，惟有去USTREAM分流睇，完全忘記咗大台-----TVB都係台慶。
TVB為咗收視，噚晚會搞咩花臣去吸引觀眾？噚晚台慶，你估都估唔到嘅係，王祖藍竟然喺噚晚呢個場合，當眾向女友李亞男求婚，玫瑰花同戒指都準備好，仲請埋家人見證，真係做戲做全套，而李亞男亦眼泛淚光，即場戴上求婚戒指應承。究竟係TVB要求王祖藍咁做？定係王祖藍獻計救收視？戒指玫瑰家人都一應俱存，肯肯定唔係即興，將自己婚姻大事都放埋喺個「事業」上面，只能夠話王祖藍真係好有事業心，而TVB亦被王維基嘅HKTV迫得太緊，王祖藍要當眾求婚，有幾多係因為王維基呢？仲要時間放喺對家開台劇《選戰》嘅9點半時段，真係夾都冇咁橋。事後兩人喺後台受訪，更兩度咀嘴合照兼合巹交杯，李亞男聲稱事前唔知道會王祖藍會求婚，覺得好驚喜，仲笑住話唔要有下次。王祖藍就話自己諗咗好多招數，不過兩星期前先決定台慶夜進行，記者笑佢騎劫台慶，佢就笑話：「借來使使囉！」咁婚禮肯唔肯俾TVB直播？佢話：「未想呀！」仲話亞男唔係大肚。
港視開台Timeline：
http://bit.ly/1xPjXK3（建議以平板或桌上電腦瀏覽）
來源:
http://hk.apple.nextmedia.com/entertainment/art/20141120/18941378