|
||||||
|
美聯（1200）副主席黃錦康係太極癡係人都知，近呢幾年仲周不時喺傳媒面前甚至公開場合中「露一手」，但勢估唔到，佢仲跳埋入公仔箱，喺過百萬觀眾面前大顯身手。 星期一晚，華華喺三色台個新節目『千奇百趣省港澳』入面，見到一身鮮黃嘅美聯黃師父，表演令人聞風喪膽嘅「金手指劈木板」、「應肚即飛」同「隔山打牛」，但黃師父好似仲唔多夠喉，最後嚟多一招「彈珠神功」作結，見到成塊玻璃轉眼間就碎晒！場面，好黃好暴力囉! 呢幾招有冇令廣大觀眾睇到目瞪口呆華華唔知，不過，華華就見到節目主持森美同小儀，以及一班嘉賓邊睇邊笑到反肚（同華華一樣！），只可以講，「爆趣」程度，fit晒個節目名喇! |
||||||