📖 ZKIZ Archives

中環在線：國際資源Owen講銅講大咗 李華華

2010-10-14  AD





 

去投資論壇，無 非都係想取經學嘢，不過咪以為專家一定係啱，分分鐘係講大咗o架咋！好似國際資源（1051）副主席Owen Hegarty（圖），噚日出席礦業投資論壇，同嚟自五湖四海嘅礦業投資者分享佢對商品嘅睇法，佢喺powerpoint入面，用咗一幅有唔同顏色嘅世界 地圖，到咗Q&A嘅時候，有人問佢啲顏色代表乜嘢，原來佢都唔知，最後仲要搵觀眾幫手解畫o忝！

 

咁都未算蝦碌，佢 喺speech入面講紅銅好似紅色嘅金咁值錢，結尾時仲話「Copper will become precious metal soon（紅銅好快會變成貴金屬）」！講到咁有指標性，華華梗係要問清楚啲喇，點知佢竟然話「I have exaggerated（我只係誇張咗）！」仲話自己講紅銅會變成貴金屬只係講笑，不過紅銅真係供不應求，所以佢睇好銅價喎！

講番呢個礦業 投資論壇，連續兩日都人山人海，要引人嚟自己個counter，惟有出盡法寶，其中Goldrich Mining就使出撒手鐧—每人送一細樽金箔（左圖），認真大手筆！

李華華


PermaLink: https://articles.zkiz.com/?id=18585

講膠所手記：人老咗會講大咗？

1 : GS(14)@2012-05-10 00:14:17

http://www.sharpdaily.hk/article/fin/20120509/87805
人老精鬼老靈，但好多時睇吓年紀日漸老邁嘅富豪講嘢，YY覺得呢句說話唔一定係啱嘅。
好似昨日，七張幾嘅中電（002）老闆嘉道理，噚日帶病出席佢公司嘅股東會，會上連環發炮，唔滿意啲人將加電費入佢數，狂轟現屆政府無能，又話新政府應諗吓係咪要承擔公共事業。
表面睇，似乎係食咗過期藥物導致神智不清亂講嘢，而站在小市民角度睇，好簡單，又一件無品嘅有錢佬囉！
不過神級公關前輩教落，但凡呢啲大孖沙喺公開場合講嘅每一句、做嘅每一個動作，就算一句廢話同眼神，其實背後都別有意思，至於話連珠爆發嗰啲，後面更加一定有古仔跟尾，嘉道理呢劑咁夠薑，睇怕都唔例外！
一於買定花生睇吓邊個行家跟贏呢單新聞！

YY
2 : 鱷不群(1248)@2012-05-10 00:59:53

中電有利潤管制，不是想加就加，政客一句暴利，就能罔顧成本上漲的壓力？與其怪人謀取暴利，不如怪QE刺激通漲，害苦民生
3 : GS(14)@2012-05-10 22:13:33

2樓提及
中電有利潤管制，不是想加就加，政客一句暴利，就能罔顧成本上漲的壓力？與其怪人謀取暴利，不如怪QE刺激通漲，害苦民生


有人唔掂，但能夠印，當然就用的啦
PermaLink: https://articles.zkiz.com/?id=279241

萬南 二五中環 謝霆鋒講大咗？

1 : GS(14)@2014-11-09 18:46:49

http://www.metrohk.com.hk/index.php?cmd=detail&id=251615&search=1

上星期五，宣布謝霆鋒（圖）入主漢傳媒（491）復牌，股價喪升1倍，「缸」湖中人指如無意外，霆鋒稍後更會晉身董事局，成為全港最靚仔上市公司主席。萬南對佢靚仔絕不懷疑，但對佢注入上市公司盤數點解變醜更有興趣。根據漢傳媒通告，霆鋒注入後期製作公司PO，由12年開始一直蝕錢至今，同佢早前對外講PO年賺1億說法，肯定係兩個極端。究竟霆鋒有兩間PO，今次只注入醜樣間，還是當日佢口爽爽講大呢，就要有勞財經記者代為問佢啦。如果係後者，萬南提醒佢日後咪制，事關身為公司董事話，公司營運數據係股價敏感資料，講要負責任飛真確無誤㗎。
PermaLink: https://articles.zkiz.com/?id=286409

戀富豪係造新聞娜姐玩大咗突稱單身？

1 : GS(14)@2016-03-11 00:51:28

早前突然盛傳周秀娜戀上已婚嘅超級富二代，令佢「脫貧」。本報追問娜姐回應時，佢當時係話有人追，不過就抗拒已婚人士。但隔咗幾日佢同鄭伊健出活動嗰陣，就突然改晒口風話:「根本冇呢個人存在!」點解反應差咁遠呢?昨日就有報道指呢段「富二代戀情」係娜姐自製嘅，無非係想谷新戲，結果搞出大頭佛。報道仲話娜姐本來諗住搞個「富豪戀」可以自抬身價，甚至早喺一年前已經「準備」，向身邊人放風自己同富豪關係密切，令傳聞喺闊太圈傳得好「恆」，上晒報紙雜誌頭條後，報道話超級富豪不甘被人利用，準備向周秀娜採取法律行動。而娜姐近日收到風驚驚豬，所以日前出活動，咪突然改口風話「根本冇呢個人存在」囉。





來源: http://hk.apple.nextmedia.com/entertainment/art/20160310/19522726
PermaLink: https://articles.zkiz.com/?id=297507

【翻新重開】北河熟食中心重開　食客：光猛咗，冷氣大咗！

1 : GS(14)@2016-09-10 13:55:30

芽莊城老闆關強今年初因翻新而停工9個月，唯有找散工代替。



1995年落成的北河街街市，今年初將二樓的熟食市場大翻新，歷時九個月工程終於完成。「主要是換了冷氣、天花板、地板和椅桌，以前冷氣不夠，地方很熱，較少人上來食飯。」芽莊城老闆關強說。熟食中心屬於食環署旗下，翻新後的15檔食肆只有1檔易手，舖租暫時不變，最聞名是由越南華僑關強主理的芽莊城，其越南河粉更被食家讚做法正宗，舖頭於9月8日重開，售價有無調整呢？「咖啡無甚麼加價，跟餐的每餐加3元，因為我們停業已經有九個月，正常過年後都要每餐加2元，這九個月無收入，唯有打住散工先。」



另一間食肆維記將於9月15日重開，「不外如是，這裡沒有太大改變，最好是將以前的貼牆冷氣拆了，冷氣很污糟，客人不敢坐在下面，現在冷氣暫時幾好，但到熱天未知是否可以夠涼。」維記負責人傅慶說。他預計售價會輕微調整一至兩元。現在大部份舖頭已經重開，食客以中年男人為主。食客黃先生說：「比以前光猛，冷氣夠，食物較以前好食少少，但不知道是否比以前乾淨。」食客鄧小姐則說：「剛翻新第一次來，感覺冷氣比以前大，地下仍然很污糟，卻較以前企理，桌椅好像翻新過。」記者去年曾光顧，翻新後冷氣夠，不會食到成身汗，但中午時通往熟食市場的樓梯卻停用，加上冷氣機不時滴水，仍有不足地方。深水埗北河街市政大樓2樓熟食中心記者：何嘉茵攝影：徐振國


不少食客讚熟食中心翻新後，冷氣充足，不會食到周身汗。

翻新前，設施殘舊，環境昏暗。



來源: http://hk.apple.nextmedia.com/su ... t/20160910/19766069
PermaLink: https://articles.zkiz.com/?id=308531

【動畫】準新娘Party咀男玩大咗未婚夫扯火婚禮告吹

1 : GS(14)@2016-09-25 10:28:14

墨西哥一名準新娘在告別單身派對上與陌生男子熱吻，片段最終廣傳並傳到準丈夫與其家人手上，婚禮最終告吹。艾耶拉（Emma Ayala）穿上白色泳衣，戴上新娘子的純白頭紗，與幾位好姊妹在一間豪華酒店參加池邊派對，慶祝最後一晚單身夜，酒過一巡，艾耶拉與一名相信是剛認識的男子熱吻，情到濃時更忘情地任由男子攬著她的纖腰，讓她全身向後傾，二人邊濕吻男子邊扶她起身，在場人士不停吶喊助威，場面火辣。艾耶拉全程保持微笑狀甚享受，似乎對背夫出軌毫無悔意。片段不知由何人拍攝，但最終流傳到互聯網，看到的除了有全球各地千千萬萬的網民，亦有艾耶拉的準丈夫及其家人，二人的婚禮不久告吹。有報道指是艾耶拉決定取消婚禮，但真相及詳情就暫時不得而知。英國《每日鏡報》




來源: http://hk.apple.nextmedia.com/international/art/20160925/19781380
PermaLink: https://articles.zkiz.com/?id=309966

經濟客艙：弊傢伙！交易員講大咗

1 : GS(14)@2018-02-13 03:29:18

有位交易員講咗真心果句，一語道破現實交易生存法則，交易員存在目的就只有一個，於交易中賺錢，然後就是在交易中賺更多嘅錢。交易員名字叫Alessio Rastani，2011年9月接受英國廣播公司電視訪問，當時市況由於發生歐債危機，市況唔多明朗，作為英國倫敦一個交易員，又受到邀請咪講吓分析。原本一個不起眼嘅3分鐘財經訪問，成為七年後都仲有人講嘅訪問。咁位交易員講咗乜嘢？咪就係講真果句，連唔應該講嘅都講咗出嚟，「問我點樣拯救金融體系，解決經濟問題？其實我連發夢都想見到家陣冧市咁樣。」交易員角度咁睇，有危先有機，經濟有難，先有搵錢機會。當年佢嘅真評論被瘋傳，甚至吸引傳媒起底，係咪「扮晒交易員」等。確實這位名字叫Alessio Rastani係真正嘅交易員，過去7年以來到底有冇好似佢似咁賺錢唔太清楚，但一直留守財金界，繼續做外滙同股市評論員。準唔準就見仁見智，近來都好少見佢喺外國主流媒體出現。近日市況持續低迷，牛轉熊有好多迷思，未必吓吓遇到講心果句嘅交易員、醒你買賣貼士，不如自己做吓功課打打底好啲。面對今次調整市，美股而言其實並非罕見。標普500指數過去有404日跌幅少於半成，過去兩年以來只有升幅、欠波幅。如果再拉遠少少睇，標普500指數過去68年時間，出現36次多於一成調整。攤開嚟計，每隔兩年左右就出現一次顯著調整。另外，標普500指數牛市時間比熊市長，過去35次調整共6587個交易日，平均每次調整少過半年。相反，標普500指數持續超過1.8萬日，即係50年咁長，有股念力話我知，美股8年幾牛市有無咁易斷纜。
FB：http://fb.com/seeforcaptain/



來源: https://hk.finance.appledaily.co ... e/20180212/20302707
PermaLink: https://articles.zkiz.com/?id=348366
Next Page
ZKIZ Archives @ 2019