退市?駛乜驚呀! 畢氏財演
1 :
GS(14)@2013-09-22 23:32:52http://hk.finance.yahoo.com/blog ... 1%80-191812891.html
自從伯南克在6月中發表了會考慮在今年開始縮減買價規模後,環球股市便開始了玩這個「估吓幾時退市」的遊戲,個玩法好簡單,只要美國經濟數據向好,就覺得聯儲局好快會退市,影響環球資金流,股市下跌;美國數據偏壞呢,咁就估伯南克唔會咁大膽退市住,繼續印銀紙,股市上升。這遊戲好容易玩,三歲細路仔都會識,但理智嗎?絶不。
投資者好容易混淆縮減買債規模及退市兩者。退市,即係美國聯儲局唔單止會完全停止買債,而且仲要收回之前印過出黎的錢,並可能會開始進入加息周期,在市場抽走大量的資金,股市大跌自然合情合理。但係而家伯南克只係提出縮減買債規模,唔係話完全停止買債,更加完全無提及過會從市場收回之前印出來的銀紙:即係有老闆每個月俾$85你買股票,買了7個月,老闆突然話會喺年底減少俾你買股票嘅錢,可能每個月減到$75或$65,但你依然會有錢買股票,而且老闆唔會亦都未諗過收返之前借左俾你的$595,這$595,你依然可以用黎投資買賣賺錢。
美國減少買債只係減低了美股只升不跌的不合理預期,所以美股要調整係合理的。但是,老闆借左俾你的$595,你依然要揾地方投資,但係美股已經失去長升的預期,資金好自然會流去其他市場,好似香港年初至今大幅落後而估值又偏低的市場。你可能會話,南亞市場最近唔係出現因為美國可能縮買債而走資嗎?原因又為何?畢者認為原因有二:(1) 當地經濟增長差過預期,及(2)當地股市自年初至今已累積一定的升幅。縮減買債規模純粹為獲利的藉口而已。
你仲係擔心美國縮減QE會引發資金流返美國市場?畢者至今仍睇唔到資金有大舉流出香港的跡象,以港匯為例,在6月中伯南克宣佈會退市之後,港匯對美元不單沒有轉弱,更加有輕微轉強的走勢,或顯示某些聰明錢可能已經開始慢慢流入,部署第4季的策略。
總括而言,畢者認為各位基本上可以唔駛估究竟會唔會縮減買債,伯南克都講到明今年內一定會做,而美國經濟數據好明顯又唔會突然轉壞到要聯儲局繼續大規模買債去支撐。今年內縮減買債已成事實,但如上文所述,畢者認為反而會利好中港股市表現,待中國三中全會明確今後經濟發展政策後,相信大落後的恒指有機會再展升浪。
【簡易食譜】荔枝燥熱使乜驚 變果凍冰紅茶減燥又滋潤
1 :
GS(14)@2017-07-29 03:25:23材料:荔枝半磅、蒟蒻粉25克、紅茶茶葉適量、橙一個、蜜糖適量
又甜又多汁,人吃人愛的生果,食多了或多或少對健康無益,荔枝就是其中之一。正所謂「一顆荔枝三把火」,指的正是荔枝性熱,多食易上火,不過若然將它變成甜品凍飲,就既能減燥兼起滋潤之效,且看有35年入廚經驗的李佩賢教路。貼士:1.可用魚膠粉或荔枝果凍粉代替蒟蒻粉。2.除荔枝,亦可以用龍眼製作這杯果凍飲料。3.橙汁不能加太多,否則會蓋過紅茶味道,二來會會混濁飲品顏色,不好看。
Step1:荔枝去核去皮後,放入攪拌機加入少許水攪拌荔枝汁,之後加熱。
Step2:加入蒟蒻粉,不停攪拌至蒟蒻粉溶化。
Step3:將荔枝蓉倒入模具,放入雪櫃。
Step4:沖一杯紅茶,放涼備用。
Step5:荔枝果凍完成,放入紅茶。
Step6:加蜜糖,可減輕荔枝燥熱。
Step7:加入少許橙汁可豐富紅茶味道,將其變成味道鮮甜帶香的水果茶。
荔枝果凍冰紅茶完成!
李佩賢,35年入廚經驗,擅長將創意融入東南亞菜式,去年底創立本地手工糖果品牌「嚐賞」,手工製作無添加糖、油和防腐劑的乾果糖果。
採訪:許政攝影:伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道,即like:
http://fb.me/AS.AppleDaily
來源:
http://hk.apple.nextmedia.com/su ... t/20170727/20102352
Next Page