Kendy攬兩男夜蒲唱K
1 :
GS(14)@2016-03-14 01:43:56上周四剛滿30歲的唱作歌手Kendy（孫曉慧）與江海迦（AGA）昨日凌晨連走三場夜蒲到天光。凌晨一時許，兩人與一班男女朋友現身灣仔，但未見Kendy拍檔、已故中共元老葉劍英的孫女Robynn（葉晴晴）同行。眾人分乘兩部的士到銅鑼灣一間樓上酒吧，雖然Kendy與AGA都穿得密密實實，但仍有不少男士圍住氹氹轉，玩完掟乒乓波落杯，再玩骰盅。當兩人坐埋一邊傾偈時，一名四眼男主動走埋AGA身邊，搞到Kendy冇癮行開。至凌晨4時，眾人略帶醉意離開，Kendy左右開弓攬實兩位男士膊頭並排行，轉場去灣仔唱K。不久AGA與另一穿灰色外套男士落樓，AGA旁若無人攬實對方，眾人玩到凌晨六點先離開。採訪、攝影：畢紹基、潘冠恩
來源:
http://hk.apple.nextmedia.com/entertainment/art/20160313/19527145
同場夜蒲遭背叛許亦妮女人最痛 睹男友擒啜索女
1 :
GS(14)@2016-05-22 12:16:09【打茄輪】■許亦妮的男友前晚當她冇到，在舞池中擁索女激吻。DV圖片
許亦妮去年被傳續約時獅子開大口，要求加薪4倍而遭無綫雪藏。月前她被發現與肥仔男友到澳門夜蒲攬錫，原以為她事業失意愛情得意，卻沒料到前晚她偕男友睇騷期間，男友竟趁許亦妮去洗手間時偷食，與長髮索女又攬又摸又互咀，還被許亦妮折返現場時撞到正，認真慘情。
現年27歲、擁35D上圍的許亦妮，雖然有樣有身材，但入行5年一直星運平平，反而是非緋聞一大籮，與林建名兒子林孝信傳過緋聞的她，2013年曾與太陽娛樂老闆周焯華（洗米華）頭號愛將盧啟邦撻着，可惜戀情見光死。今年2月，本報記者在澳門發現許亦妮偕新歡肥仔夜蒲，結伴欣賞著名DJ Tiesto打碟期間又攬又啜，甚至拖手返酒店，甜蜜爆燈。正當大家以為許亦妮事業失意愛情得意之際，前晚她卻經歷女人最痛，親眼目擊男友偷食。
■許亦妮前晚孖男友及友人去亞博館睇騷，其間不時遠距離贒實男方。
【遇索女】■許亦妮去洗手間期間，肥仔男友巧遇索女友人，傾兩句後竟然狂啜。
【入舞池】■許亦妮男友見身旁少人易被發現，於是拖住索女入VIP區。
【狂跳舞】■High爆的許亦妮男友與索女隨住音樂跳舞狂歡。
【摸屁股】■攬完索女纖腰，許的男友更將雙手放女方屁股位置。
【扮冇事】■15分鐘後許亦妮返回，目睹男友偷食的她嬲爆，在場友人則為他辯護。
叫老友幫手睇水
剛獲選為DJ Magazine第一位DJ的世界知名電子舞曲製作組合Dimitri Vegas& Like Mike，前晚在亞洲國際博覽館開騷打碟，雖然VIP門票每張索價2,000元，仍吸引許亦妮與肥仔男友及友人朝聖。正在箍牙的許亦妮在VIP區與女性朋友睇騷時，肥仔男友則四圍與友人飲酒吹水，記者晚上8時半碰見他時，他已飲到面紅紅情緒高漲。沒多久，許亦妮往洗手間，肥仔男友即四圍獵艷，並發現一位穿超短褲的長髮索女友人，於是第一時間捉住對方，雙手更放在女方屁股對落位置「游來游去」，之後竟攬實索女，輕吻她面珠。熱身後，許亦妮男友忽然退後幾步似查看女友蹤影，繼而極速拉住索女行入VIP區，並與旁邊朋友說：「幫我睇水，佢返嚟通知我！」說罷跟索女攬實互摸，繼而嘴對嘴狂啜，女方又掃男方心口，完全當許亦妮冇到。
■擁35D豐滿身材的許亦妮年初結交了肥仔新歡，沒料到男友前晚竟在她面前偷食索女。資料圖片
【今年2月】■數月前許亦妮被本報記者目擊在澳門與肥仔新歡又攬又錫。
扮冇事轉場再玩
許亦妮男友與索女纏綿15分鐘後，許亦妮終於折返現場，更目睹男友偷食，氣得她即場與男友爭執。其時在場友人即打圓場，為其男友講好說話：「冇嘢㗎冇嘢㗎！」至於與他偷啜的索女則不知所終！儘管許亦妮嬲爆，但仍繼續與肥仔男友睇騷，逗留至凌晨12點再乘車到中環夜蒲。記者見許亦妮與男友等分別乘坐兩部「777」車牌離開，估計男方亦是有家底之人。記者昨致電許亦妮，對於男友偷食斷正，她連聲否認與對方拍拖：「嗰個唔係我男友，我係獨立個體去party，至於我朋友同第啲朋友有冇親熱舉動，我唔會管到，亦唔關我事！唔好次次同我出親嚟嗰啲就當咗我男朋友啦，我都想拍拖，如果人哋以為我有男友，就冇人再追我。」採訪、攝影：陳辰、楊浩賢、小米
來源:
http://hk.apple.nextmedia.com/entertainment/art/20160522/19622505
馮仁昭四圍超：夜蒲黐實 自稱婚前派對洪永城舊愛纏身挑機唐詩詠
1 :
GS(14)@2016-06-01 11:36:58■唐詩詠係城中出名好女仔，唔知洪永城會唔會好好把握機會娶老婆。資料圖片
感情是非不絕嘅洪永城「浪子回頭」，遇上「不能錯過的女友」唐詩詠，自此修心養性努力工作，但係佢兩個公開戀情之後，花邊新聞仍然傳個不停。噚日又有報道話2012年洪永城同金融業女友Emily拍拖嗰陣，向鍾舒漫嘅形象指導Bird出擊，兩個人喜愛夜蒲經常結伴到蘭桂坊，最終因為Bird嘅介入，令洪永城同Emily分手。之不過洪永城同Bird戀情都係曇花一現，雖然係咁，佢哋一直保持聯絡，早前洪永城仲被發現孖住Bird出席友人派對，狀甚親密。
■Bird同洪永城有過短暫戀情，最近似乎愛火重燃。資料圖片
■洪永城當年被指搭上Bird，先導致同Emily（圖）分手。資料圖片
親暱叫「熊熊」
洪永城被指趁唐詩詠同馬國明去拍旅遊節目呢個空檔，約埋一班朋友去夜蒲，人腳入面包括Bird，而舊愛就全程黐到實，事後Bird仲擺相上網，自稱呢個係佢同洪永城嘅婚前派對，附上一張合照加心心圖案，下面有一條圖片說明「明天我要嫁畀你啦。」嘩！呢一下擺明係向唐詩詠挑戰喎！其實Bird同洪永城關係密切有迹可尋，每逢洪永城出騷整造型Bird都會貼相，人前人後又叫對方做「洪寶貝」或者「熊大人」，甚至更親密叫「熊熊」。呢啲超越男女關係嘅行為，已經響起警號，近月Bird速速刪走所有同「洪寶貝」嘅相，唔知係咪洪永城怕正印唐詩詠誤會，定係驚無綫扎棍，勸退舊愛放佢一馬。撰文：馮仁昭
來源:
http://hk.apple.nextmedia.com/entertainment/art/20160601/19635635
林心如肚凸凸夜蒲
1 :
GS(14)@2016-07-15 05:16:35■林心如唱K後，由好友謝佳見照顧離開。台灣《蘋果日報》
36歲的霍建華和40歲的林心如將於本月31日在峇里舉行浪漫婚禮，有傳準新娘大肚雙喜臨門，前晚一對準新人約友人在台北唱K，玩到凌晨2時許離去，戴口罩的心如明顯肚凸凸，大肚look首度曝光，估計懷孕約4個月。
■霍建華（中）醉到腳步浮浮，要由友人攙扶。
霍建華腳步浮浮，由兩名友人夾實上的士，緊隨其後的林心如雖然穿鬆身裙遮掩，但一陣微風吹過，大肚look無所遁形。由於霍建華醉到啤啤夫，心如只好由好友謝佳見負責照顧，全程小心攙扶，雖然心如大肚都蒲到凌晨，但可見兩人新婚在即心情興奮，之後兩人坐車返抵心如位於健康路、跟周渝民同棟的「好孕宅」休息。撰文：皓騫
來源:
http://hk.apple.nextmedia.com/entertainment/art/20160715/19695182
勁有女人緣蘭桂坊夜蒲杏兒老公、莊思明飯後同車走
1 :
GS(14)@2016-08-16 06:28:05■婚後的李乘德似乎發福不少，着恤衫西褲明顯肚凸凸。
【蘭桂坊】胡杏兒老公Philip（李乘德），曾被封「港姐殺手」，其社交圈子一向非常廣闊，與圈中女藝人亦特別有緣，除了曾跟杏兒老友李施嬅相戀，低調拍拖一年，亦曾與陶枳樽、張曦雯等傳過緋聞，惟杏兒一直對老公百分百信任，每次都會替Philip澄清，如早前Philip去台灣出席友人婚宴，被發現有富貴巨乳台女Joy做導遊，杏兒事後亦撐老公，表示與Joy都認識，又經常與Philip在社交平台晒恩愛。
單拖赴會
不過，Philip上周五晚又再出動，今次更一箭雙鵰，撇甩老婆一次過約兩位靚女撐枱腳，其中一位更是已經名花有主的莊思明。當晚約8時，穿上露肩短裙晒腿裝的莊思明，單拖現身中環蘭桂坊，未有男友楊明陪伴左右的她，一個人登上一棟商業大廈，但明顯不熟路的她，登上樓又再落樓，最後要找人帶路才再登樓，原來她要找一間私房菜館。莊思明於樓上私房菜館大約吃了三個小時，約11時落樓離開，身旁更多了一位男士陪伴，原來她當晚約了人夫Philip，以及一位女友人吃飯。
【唔太熟路】■莊思明前晚撇甩男友楊明，約胡杏兒老公李乘德食飯。
【沿路傾偈】■李乘德同附近食肆的人熟絡，路過時不停打招呼。
專車接送
Philip與莊思明一樣悉心打扮，官仔骨骨穿恤衫襯西褲現身的他，未知是否婚後有「杏兒」滋潤，身形明顯發福不少，之後三人一齊行入一條後巷，原來Philip早已安排七人車及司機，接載兩位靚女離開。採訪、攝影：吳耀輝、潘冠恩
【後巷走人】■李乘德飯後帶莊思明及一位女友人穿過後巷上車。
■三人食完飯後，一起坐車離開。
來源:
http://hk.apple.nextmedia.com/entertainment/art/20160816/19737555
阿叻回味夜蒲瞓車廂
1 :
GS(14)@2016-10-14 06:52:20陳百祥（阿叻）、陳欣健、楊振龍和向雪懷昨日在尖沙嘴出席「百利達荷東紀念演唱會」記招，今年是荷東音樂30周年，陳欣健是荷東股東之一，阿叻指陳欣健當年帶他去蒲：「嗰時一收工就好似鬼掹腳咁落去，晚晚有趣事，成日都飲醉酒，好彩當年冇醉駕，我架車係掉轉車頭行，幾個人一齊喺車度瞓。嗰陣時好多電影人，係電影嘅黃金時代。」陳欣健就說：「有一年鄧麗君生日，佢仲感動到喊，12點仲話要走，因為要返去等男友打電話畀佢。」楊振龍就是當年荷東DJ，提到當年紅星雲集，他指梅艷芳和劉嘉玲最飲得，阿梅跳舞最型：「當時周星馳好靜，唔講嘢，只係聽歌。」採訪、攝影：羅慧敏
來源:
http://hk.apple.nextmedia.com/entertainment/art/20161014/19799846
【爆相爆片】戒夜蒲目標結婚吳浩康拖女茶記擦蟹
1 :
GS(14)@2016-10-30 14:35:56■吳浩康早前在訪問中表示已屆適婚年齡，拍拖都以結婚做目標。資料圖片
現年33歲的吳浩康（Deep）過往夜蒲「闖禍」，早前在訪問中聲言要修心養性，表示：「搬早啲去玩，咁就冇嘢。」他的感情生活多姿多采，先後跟胡定欣、莊思敏拍拖，其後戀上鍾舒漫更到談婚論嫁階段，但因婚前被爆連媾六女，婚事撻Q，分手收場。Deep早前承認有新戀情，並謂適婚年齡，拍拖都以結婚做目標。
【有商有量】■吳浩康和新歡到茶餐廳撐枱腳，先在門口慢慢揀蟹。讀者提供圖片
【十指緊扣】■吳浩康和女友拍拖未夠半年，非常恩愛。
【並排而坐】■為免食相被看到，吳浩康和女友選坐背着門口的卡位。
穿街坊裝
拍拖未夠半年的Deep，被讀者施小姐透過本報的「爆相爆片」，分享了大前晚孖新歡在順利邨撐枱腳擦蟹。施小姐形容Deep的新歡樣子平凡，是年逾30歲的熟女。當時穿上T恤短褲街坊裝的Deep，孖女友到一間門口有養海鮮的舊式茶餐廳開餐。Deep與新歡手拖手，先在門外水缸揀了幾隻蟹，然後便入餐廳坐卡位，兩人排排坐，齊齊背着門口，未知是否怕被看到食相。
「幫我好多」
記者昨日致電Deep，他大方承認和女友撐枱腳：「同我食飯嗰個女仔係我女友，呢段時間幫我好多。」Deep近日忙着替ViuTV拍歌唱節目及打理唱歌學校工作，他很感謝女友在身邊支持。他未有仔細講及兩人拍拖的甜蜜事，他說：「都係生活點滴，我同佢知就OK，至於將來，我哋會好好去經營一下先。」並自爆與女友因為跟同一位唱歌老師而認識，那麼女友可會出道做歌手？Deep說：「佢自己諗喇，如果佢需要support，我就會幫手，暫時我都係做番自己工作先。」採訪：非非、皓騫
來源:
http://hk.apple.nextmedia.com/entertainment/art/20161030/19816708
Next Page