|
||||||
|
以「殼王」陳國強為首的財團，上月底以80億入股無綫成為大台新老闆後，旗下的幾個奀星，亦忽然被無綫高度重視；其中歌手狄易達，便因殼王一罩即時水鬼升城隍，既獲安排亮相《勁歌》，更獲欽點接拍無綫重頭劇《Laughing哥》，做第二男主角。 時來運到，殼王個殼，夠堅！忽然得寵 肥水不流別人田，向來只有「親生仔女」，才獲無綫重用，屬殼王「漢傳媒」旗下的經理人公司Starj&Snazz，所屬的藝人由舊將EO2到新仔 狄易達都是「外人」，故在無綫曝光率極低。即使《勁歌金曲》，無綫亦只顧催谷自家歌手巨聲幫，狄易達等其他三四線歌手，都如輪候公立醫院街症般，要苦等數 月，才被安排在《勁歌》出鏡。 不過殼王陳國強成無綫新主後，有殼罩住的狄易達即時有運行，被無綫當自己人重用。 夥拍謝天華 據悉，未公布殼王入主公司前，一班收到風的無綫高層，去年底已經自動波，安排殼王愛將狄易達主持收費台節目《安樂蝸》。上月底，正式宣布殼王入股，至今短 短半個月，狄易達在無綫的受寵程度亦十級跳；被火速安排於上週六（年初三）亮相《勁歌》，他與啤梨的合唱歌《辣着生命》更登上《勁歌》金榜第三位，對比去 年其歌曲全年都無法打入榜，天淵之別。另外，狄易達更獲劇組監製欽點，拍住謝天華，以第二男主角筍位接拍重頭劇《Laughing哥》。「過往狄易達經理 人敲過劇組好多次門，但都無反應，無綫成班親生仔女等住捧，幾時輪到佢。不過殼王入主，大家唔睇僧面都睇佛面，達仔即時入劇；初時想俾個易出位嘅奸角達仔 孭，不過怕影響歌手形象，依家可能俾佢做忠角。忠奸都好，總之達仔嘅戲份唔會少。」知情者說。 反常劇接劇 狄易達外，同門師姐JJ（賈曉晨）及啤梨一樣因殼王呢個護身符，忽然被無綫高度重視。過往平均每年拍一到兩個無綫劇的JJ，近日跟無綫力捧的花旦一樣劇接 劇。去年底拍完《抉宅男女》，新劇《飛虎》亦有她份，據知，嚟緊五月她又被安排拍住陳豪開古裝劇。以外人身份在無綫如此旺場，確屬反常現象。此外，綜藝組 各監製亦收到order，多安排啤梨同EO2上遊戲節目，提升曝光率。忽然有運行的狄易達亦承認在無綫工作量多咗。「我哋點會接觸到陳生（陳國強）咁高層 次嘅老闆，我哋嘅工作一向都係叻哥安排，呢排因為陳生入主無綫，敏感時期啲人先會咁樣聯想啫。」 |
||||||