不甘遭洪永城喪鬧黃翠如向唐詩詠投訴
1 :
GS(14)@2016-09-01 06:24:25又係黃翠如洪永城（Tony）again，不過今次冇摩天輪做佈景，亦都冇阻住巴士上落客，因為佢哋昨日係去咗電視城，為新劇試造型。同場仲有黃浩然、傅嘉莉、陳煒、莊思敏等等。今次翠如BB同洪永城合演夫妻，男方大讚翠如有喜感，又話自己喺喜劇drama上節奏感比翠如差；翠如就猛話唔慣拍鬧交戲，最唔慣係洪永城會鬧贏佢。洪永城自認喜感唔夠，但佢絕對係一個認真人，就連翠如都頂佢唔順，投訴洪永城拍鬧交戲嗰陣好惡同好用力：「太惡喇！將私人恩怨擺晒出嚟！」洪永城聞言竟然話係要發洩喺佢身上！咁變態？翠如話：「有次Tony(洪永城)鬧多咗我，之後我打俾Natalie（唐詩詠），將對Tony嘅發洩話佢知，Natalie話佢就係0架喇！」咁拍嗌交戲之餘都有親熱戲，咁點？黃翠如話覺得難，洪永城就話一般般：「因為我好多情感，容易投入。」睇得出。
來源:
http://hk.apple.nextmedia.com/entertainment/art/20160901/19756335