Mark嫂做最體貼虎媽
1 :
GS(14)@2016-05-08 14:54:00「Mark嫂」雷頌德太太梁家玉（Jade）與老公育有8歲兒子雷鳴（Jack）及5歲的細仔雷響，加上第一段婚姻的兒子，現時已是三子之母。外形cool cool的她，與囝囝相處親暱，依然常與10幾歲大仔咀嘴冇尷尬，同二仔及孻仔臨瞓前講故事，下廚更是最佳親子節目。對於管教方針，Jade自言偏向做虎媽，對兒子不可以有灰色地帶，但絕不是求高分數的家長：「我覺得畀一個好開心嘅童年、身心發展緊要過分數，亦都唔可以將自己想要嘅嘢套落身小朋友身上，有聽過家長98分都唔滿意，我會調返轉諗番自己細個可唔可以攞到100分呢？」
■Jade從二仔Jack（中）角度出發，了解及體諒他的世界。
代入囝囝世界
二仔Jack在讀小一時，被發現不太合羣，不愛溝通，之後確診醫學界稱為「高功能自閉症」的阿氏保加症，令Jade的母親身份面對更大挑戰：「未知時焦慮，反而知道後係輕鬆咗，我係畀多啲注意力畀佢，有啲嘢佢係敏感啲，要同佢花多啲時間解釋，要顧及佢感受，知道要喺佢世界裏面，學識咗要代入去睇件事，佢嘅觀感好多嘢同我哋唔一樣，而家佢情況慢慢改善。我唔會因為咁偏心，三個都係我仔，都一樣錫，不過呢件事令成個家庭更團結，哥哥細佬都好錫同體諒佢。」採訪：梁錦雯攝影：陳志嵐髮型：Andrew of Fifth化妝：Krisie服裝：Coach
來源:
http://hk.apple.nextmedia.com/entertainment/art/20160508/19602316