ZKIZ Archives


馬詩慧猴年唔急揀女婿

1 : GS(14)@2016-02-03 14:43:46

王敏德太太馬詩慧(Janet)及長女王曼喜和名模琦琦等,昨晚在灣仔出席四洲太子女戴凱欣的餅店開幕活動。
Janet笑言農曆新年最好冬眠,她也考慮叫老公王敏德駕駛直昇機載她飛上空中,她說:「新年飛高啲好意頭。」年初七撞正情人節,Janet自爆不及老公王敏德浪漫:「佢係鬼佬性格,佢試過送花畀我,我話佢嘥錢,點解唔畀錢就算。」可會期待囡囡都帶着另一半回來?Janet坦言等得:「過幾年先,佢哋適當時候就會,佢哋帶多個,我要應酬多一個。」此外,琦琦自爆已撲飛睇樂壇天后麥當娜(Madonna)在香港和澳門的亞洲巡迴演唱會,她說:「兩地各睇一場,香港嗰場買咗十張,囡囡怕有粗口唔去聽。」採訪:羅慧敏攝影:沈健程



■琦琦自爆是麥當娜粉絲,已買香港和澳門騷門票。

■四洲太子女戴凱欣昨新店開張,獲男友撐場。



來源: http://hk.apple.nextmedia.com/entertainment/art/20160203/19476500
PermaLink: https://articles.zkiz.com/?id=295178

馬詩慧子女送愛心蛋糕

1 : GS(14)@2016-05-08 14:54:00

王敏德(Michael)一家、林保怡及羅霖昨日在山頂出席母親節步行籌款活動,Michael和老婆馬詩慧、大女曼喜(Kayla)及細仔躍穎一齊現身,Kayla透露預備了蛋糕及小禮物送給媽咪作為母親節禮物,至於女友因不在香港關係,所以不會參加聚會。Kayla又談到王菲女兒竇靖童和設計師女友Rebecca在街頭有親密舉動:「鍾意一個人就係鍾意人,唔應該分性別。希望大家明白同性戀愛,唔需要去標籤。」


■林保怡不理收視爭拗,只為ViuTV拍好劇。


羅霖帶同細仔Jonathan參與,羅霖還開心地拿着囝囝送的自製相架,她說:「好開心囝囝陪我一齊做善事。作為單親母親唔簡單,好多辛酸,我擔心佢哋嘅情緒問題多過拍拖問題,尊重父母係最基本,我好傳統,希望將來過時過節會一齊,一個月飲一次茶就夠。」此外,林保怡最近忙於拍攝ViuTV的《瑪嘉烈與大衛系列.綠豆》,談到無綫對ViuTV的收視爭拗,保怡說:「我對收視冇乜所謂。」採訪:羅慧敏攝影:陳慧安





來源: http://hk.apple.nextmedia.com/entertainment/art/20160508/19602326
PermaLink: https://articles.zkiz.com/?id=300077

【馮仁昭四圍超】馬詩慧被囡囡賴低埋單

1 : GS(14)@2016-09-07 21:46:20

DV圖片





王敏德老婆馬詩慧(右)日前同兩個女王曼喜(中)、王麗嘉,去銅鑼灣行街買化妝品,三母女喺舖頭睇得開心,不停試又不停傾,連售貨員姐姐都感受到佢哋嘅融洽氣氛。揀完大堆戰利品後,就由媽咪馬詩慧負責埋單,不過排隊嗰陣,王曼喜兩姊妹嫌等太耐,唔多耐煩不停玩電話,留低媽咪排隊畀錢。之後三母女兵分兩路,轉戰商場其他樓層。撰文:馮仁昭




來源: http://hk.apple.nextmedia.com/entertainment/art/20160907/19762624
PermaLink: https://articles.zkiz.com/?id=308008

KB搵妙芝識馬詩慧

1 : GS(14)@2017-01-24 03:00:22

■幸得姜麗文相助,KB才完成任務。

Kevin Boy(李健宏)近日為ViuTV《碌卡大導》擔任微電影導演,他碌盡人情卡,包括邀得好友鄭中基飾演上帝,穿插整個故事,又透過歐陽妙芝邀請女神馬詩慧(Janet Ma)友情客串。不過Janet要KB在銅鑼灣找十個途人讚他靚仔及自拍,甚至要嘴對嘴錫對方一啖,能完成任務Janet才答應演出。當日KB由天光等到天黑才找到三位男士做足三個動作,最後KB遇到正在行街購物的姜麗文,經過一輪游說後,姜麗文才答應幫KB完成任務,令KB成功邀得Janet Ma和歐陽妙芝友情客串。採訪:唐心悠




來源: http://hk.apple.nextmedia.com/entertainment/art/20170123/19905631
PermaLink: https://articles.zkiz.com/?id=323833

琦琦馬詩慧小學雞互窒

1 : GS(14)@2017-06-16 01:47:54

名模琦琦和馬詩慧(Janet)應鄭紹康邀請,日前到主題樂園拍攝奇妙電視節目《天下第一Friend》,即時變身小學生,走遍大小攤位及食盡街邊小吃。琦琦嫁給任達華(Simon),而Janet嫁王敏德(Michael),問到二人會否因老公靚仔而擔心?琦琦淡定說:「Simon好專一㗎!佢去邊都會影相畀我睇。」Janet即說:「啱睇先畀你睇,唔啱睇唔會畀你睇。」琦琦即反擊:「嗰個係你老公。」不過Janet也指華哥是百分百好老公:「好到我要搵窿捐,不過Michael都好浪漫,對仔女好好。」撰文:葉綠悠




來源: http://hk.apple.nextmedia.com/entertainment/art/20170614/20054826
PermaLink: https://articles.zkiz.com/?id=335465

馬詩慧認同女兒性感

1 : GS(14)@2017-06-22 07:42:25

■馬詩慧直言贊成女兒騷Quali。



馬詩慧前晚在調景嶺出席「年度形象設計展」,擔任評判的她自言也想重拾書包,協助新一代入行。對於囡囡王麗嘉有意做模特兒,她說:「要慢慢浸,有天份好易get到。」問到囡囡經常在社交網晒性感露胸相,是否媽咪教路?馬詩慧即說:「梗係唔係我教,露得靚係一回事,有啲猥瑣露得唔靚,我會第一時間叫佢唔好影,我都曾經講過唔趁?家騷,等跌到落腰先嚟騷咩。」



■王麗嘉常在社交網晒性感相,父親王敏德好介意。

談到老公王敏德原來非常介意女兒性感兼公諸同好,馬詩慧說:「老公好保守,外表係鬼佬,內裏係傳統中國人,慢慢等佢接受。」採訪:卓寶花攝影:陳俊強




來源: http://hk.apple.nextmedia.com/entertainment/art/20170621/20062879
PermaLink: https://articles.zkiz.com/?id=336205

Next Page

ZKIZ Archives @ 2019