ZKIZ Archives


唔講買乜股年尾有分紅中環在線:青年畢菲特似馬多夫 李華華


2008-12-18  AppleDaily


 

花 旗納斯達克交易所前主席馬多夫嘅世紀投資騙局越鬧越大,唔單止富豪名人受騙,連跨國銀行同保險公司亦中招,詐騙金額高達500億美金,大拿拿成3900億 港銀。原來50年代初出道嘅股神畢菲特,後生時亦曾經俾人誤會係投資神棍,懷疑佢搞「龐氏騙局(Ponzi scheme)」(註)。

外形太土冇人信

股 神俾人當呃錢黨,o依家梗係講都冇人信啦,但畢菲特後生嗰陣真係唔多識打扮,成個o靚仔咁,所以俾人覺得唔pro都唔出奇。佢本《雪球》自傳講,50年代 尾佢出道掛名做基金經理,喺自己地頭奧馬哈搵親朋戚友合夥集資買股票,仲未識「先敬羅衣後敬人」呢種處世之道。其中一個投資者諗番當年時更話,對股神嘅印 象係o靚仔一名,雖然畢菲特嗰時都年近30歲,但仲俾人以為只得18歲,兼且佢着衫衣不稱身,唔扣領喉鈕,講嘢又快過人,試問咁嘅外貌,又點會唔俾人懷 疑?外表唔專業不特止,畢菲特喺投資決策上更要全權話事,投資者完全冇得過問,佢亦唔肯同人講買咗邊類股票,懶神秘咁。

以為搞緊「龐氏騙局」

只 係每到年尾總結時,畢菲特就會向大家分紅,情況十足十家吓馬多夫咁,點會唔惹人誤會以為佢搞緊「龐氏騙局」吖。註:龐氏為意裔美國人,20世紀初曾誘騙3 萬多名投資者,將錢投資在子虛烏有的投資項目上,詐騙逾1500萬美金,故其後同類騙案亦被稱為「龐氏騙局」。李華華 [email protected]
PermaLink: https://articles.zkiz.com/?id=4726

中環在線:馬多夫登08年厚顏榜首 李華華


2008-12-30  AppleDaily


 

一場金融海嘯,正好驗證股神畢菲特嘅名句──「潮水退後,才知道誰在裸泳」。咁邊個咁厚面皮當眾裸泳?

《華爾街日報》網上博客David Gaffen趁年尾,整咗個「2008年十大厚顏排行榜」,上榜嘅有大企業前高層,亦有小小交易員,但佢哋拍馬都追唔上「榮登」榜首嘅世紀騙案主腦馬多夫。

Gaffen 話,當初「法興小子」克維爾挪用公款炒燶指數期貨,累法興蝕咗49億歐元,震動全球金融界,但相比之下,法興小子單案好濕碎,只係排到第七位。納斯達克證 券交易所前主席馬多夫每次將新投資款項分畀舊投資者,話係利潤,吸引更多新投資者上釣,好似新蓋冚舊煲咁,呃咗成500億美元,所以榜首非佢莫屬。

第二位美銀行政總裁劉易斯(Ken Lewis),佢唔贊成救汽車業,搬晒啲道德責任同干預理由出嚟,但政府注資救銀行又唔見佢咁講。

至於排第三嘅係攞咗政府大筆救助金之後,一班高層走咗去加州豪使44萬美元,享受陽光與海灘嘅美國國際集團(AIG)。

死守規則梗頸四

入圍嘅除咗人同機構,最奇怪係第四位嘅「規則?」Gaffen話:「我哋唔需要規則!」因為專門發放住宅貸款嘅銀行IndyMac執笠之前,按揭業務已經一塌糊塗,都仲得到美國儲蓄機構監管局批准,注入資金粉飾盤數,Gaffen就覺得係死守規則嘅結果喎。

 

No.2美銀行政總裁劉易斯(圖)

Ken Lewis

No.3美國國際集團

AIG

No.4規則?

 

No.5花旗集團

Citigroup

 

No.6華盛頓互惠行政總裁基林格

Kerry Killinger

 

No.7法興前交易員克維爾

Jerome Kerviel

 

No.8美林CEO塞恩(圖)

John Thain

No.9債券大王格羅斯

Bill Gross

 

No.10房貸美前行政總裁賽倫

Dick Syron

資料來源:《華爾街日報》

 

李華華[email protected]
PermaLink: https://articles.zkiz.com/?id=4928

社會保障與馬多夫 左丁山


2009-01-06  AppleDaily


 

波 浪許傳來一幅漫畫,美國監管人士審問馬多夫:「你嘅龐氏騙局,用新人嘅錢補貼舊人投資,係從邊度學番嚟嘅?」馬多夫答:「我哋嘅社會保障(Social Security)。」呢幅漫畫對白認真抵死。世人皆嘆息馬多夫與一般種金案,何解可以呃到咁多人,其實我哋人人呃緊自己。

美國之社會保障制度,全無儲備 金作支援,總之係由新一代納稅人交稅,從稅款中撥錢支付上一代納稅人(退休人士)嘅社會保障金,方法基本上與龐氏騙局Ponzi Scheme相同,兩者皆建基於一個重要假設:就係後來者源源不絕,新人嘅錢足夠支付舊人嘅需要,而同時不會有突發性大事,導致擠提。馬多夫騙局死在十二 月初有大批舊投資者要求贖回(redemption),一個星期的數目達到七十億美元,馬多夫無法應付,唯有向自己兩個仔和盤托出,承認行騙。兩個仔聽 完,行出家門,就去報警(按:其中一人交咗幾百萬美元畀老竇投資!)。

擠提或者係私人公司最怕見到嘅,政府怕唔怕畀人民擠提?至目前為止,大家嘅假設係唔 會,美國政府可以印銀紙,一味派錢。諗深一層,美國係發展國家中比較罕有例子,就係人口數目持續上升,美國人喜歡生育,新移民又多,所以新一代納稅人起碼 唔會少過上一代,但在歐洲、日本、香港,生育率嚴重偏低,人口快速老化,新一代納稅人嘅數目卒之會少過上一代,在可見的未來,呢啲地方就會出現「以寡養 眾」嘅現象,社會保障之「龐氏騙局」無法子維持下去。故此有人倡議在香港搞全民保障,不妨諗清楚先,香港是否可以承擔。

目前全香港大概只有特區政府有長俸 制,公務員攞咗長俸,五十五歲或六十歲退休,生活多四十年(以目前健康水平及醫療水平而論),十分快樂,但特區政府之長俸,在會計學上是unfunded liabilities,每年支付款項不斷增加(退休人數增加與平均壽命延長),本質上亦係一個「龐氏騙局」之基本模式,政府不能不理會其中隱憂。記住, 香港特區政府無能力印銀紙!
 
PermaLink: https://articles.zkiz.com/?id=5141

Next Page

ZKIZ Archives @ 2019