據美國MSNBC電視臺報道:美國得克薩斯州首府奧斯汀發生槍擊案,已有多人遭遇槍擊,警方呼籲當地民眾暫時遠離市中心。
據《奧斯汀美國政治家報》消息,一名30多歲的女性在槍擊事件中罹難,有大約4到6名傷者被送往醫院。
當地時間淩晨4:30分,奧斯汀警察局長曼雷(Manley)在接受采訪時表示,目前尚未證實有嫌疑人被逮捕。警方正在確定嫌疑人的身份,不排除嫌犯是送往醫院的傷者之一。
美國是世界上槍擊案發生頻率最高的地區,這已是一個不爭的事實。根據CNN的報道數據,從1966年到2012年,全球接近三分之一的大規模槍擊案發生在美國。據不完全統計,截至2016年6月13日,美國共發生了23306起槍擊案事件,共導致5965人死亡,12248人受傷。
搶先出閘參選特首的胡官,自爆與時下年輕人一樣,冇磚頭揸手,但提起當上訴庭法官時,住過半山嘉慧園則特別興奮,「係呀,我住嘉慧園penthouse添,三千幾呎,係我做法官時政府租俾我住。」 嘉慧園風水好都有跡可尋,據聞從山頂落嚟有兩條山坑水,恍如兩條龍脈環抱嘉慧園,前特首董建華當年都寧願住番喺嘉慧園也不願搬到「禮賓府」,從此這個半山豪宅有「特首府」之稱,以往租客大多是跨國企業東南亞行政人員的宿舍,甚或外國領事官邸,甚有貴氣,難怪胡官如此緬懷,貴為港英時期的精英,又喺英國浸過鹹水,想喺港島區住番有港英嗰朕除嘅豪宅真係唔易。現時胡官租住上水金錢村的豪宅——御林皇府,鄰近馬會雙魚河會所,盼能延續「馬照跑,舞照跳」的日子。 佐治哥半島食mum mum 唔好以為「上海仔」先會去半島歎茶,經常在上環中遠大廈出入的金融猛人佐治(George)洪,都會過海去半島的高級餐廳Gaddi's歎番個lunch,半島有自家的Chocolate Room,甜品特別sweet,睇佐治哥就知,身邊有位後生女陪住食仲好細心,親手餵佐治哥食mum mum,怪不得有小記曾經問佐治哥攞手提電話方便聯繫,佢話:「唔好啦,有女人打電話嚟,老婆鬧。」真係搵鬼信咩! 中環寸嘴仲莎士髀罅,攞把刀去劈啦 呢個鬍鬚曾喺個網誌度講,喺美國俾人侮辱時打過唔少交,唉,畢業後喺外國發展有一定難度,總遇過被歧視啦,尤其喺東岸。跟住又去新光戲院,唔係紐約Broadway,睇廣東話版嘅莎士「髀罅」,唔好意思我呢啲係上環南北行口音,如有冒犯,實屬有心。計我話鬍鬚曾喺度to be or not to be,唔好好似返母校喇沙教師弟花劍,喺度扮君子劍,須知道如果要出嚟選特首,就要用軍刀劈啲豺狼虎豹,阿習同鬍鬚曾都握咗手,董建華都係咁嘅形式,呢啲唔叫blessing,乜嘢係blessing呀?唔通等employment letter到呀?啲食肆久唔久要去update吓,如果唔係都唔知有乜變化,不過我「籮柚」得一個,踎得幾多間吖,我有班老友鍾情制服團體的誘惑,週日俾面派對去大球場睇童軍大會操,順便去「名廚」食個晏,老實講平日就唔會去o架,去嗰度純粹係「玲姐」個人魅力同埋背後娛樂界嘅老闆,整番個「三十二頭吉品伴東江菜飯」先,家陣做推廣喎,四百三十八蚊一客,話晒係乾鮑實際啲,又用古老銅器上枱,鎮店之寶檸檬叉燒酥都有啲味道,手快有手慢冇,隔籬枱許冠文一家想食都已經賣晒咯! 楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。 金融古惑借中華英雄吸水 呢排漫畫家馬榮成的《中華英雄》被搬上舞台,引發金融古惑仔度橋食大茶飯,有經紀向闊佬推銷一隻人民幣債券,以馬榮成的前「老闆」、漫畫界教父黃玉郎作招牌,並聲稱由央視做擔保,年息有十五釐,一手為人仔一千萬,合共集資四億銀,雖然低息環境,擺錢喺銀行冇肉食,但如此高息作招徠,似乎too good to be true。當事人黃玉郎謂:「冇咁嘅事,要幫我澄清呀!」其實黃玉郎在股壇上見盡風浪,其玉郎集團在八七股災後易手不特止,還因訛騙公司三千多萬而鎯鐺入獄,所以話此等金融古惑,連搭棚嘅道具都唔肯花心思,都幾難有水魚上釣。 | ||||