| ||||||
| 失 業率未知幾時見頂，但香港會計師公會今年1月，出咗份被指「倒米」嘅核數師加強監管諮詢文件，建議容許本地合資格核數師擴大至內地同胞。咁咪好易搶晒港人 飯碗？呢項諮詢今個月底到期，公會前會長、立法會會計界議員陳茂波早前率先發難，話今次諮詢建議好唔妥。公會行政總裁Winnie張智媛噚日開記者會，話 至今收到50份回應，對於重新界定執業人士「通常居住地」擴大至祖國的建議，有11份贊成、8份反對。 佢話公會徵詢過法律意見，律師回覆，係要成為香港居 民要達到「一年6個月在香港」嘅標準。咁計法，公會好可能維持原有做法不變──即係繼續保住香港業界利益，但Winnie就點都唔認係因香港業界反對而 「縮沙」。佢又派定心丸，話雖然06年起已容許內地會計師投考香港執業試，但暫時都唔夠10個人成功，證明香港入行門檻極高。至於陳茂波批評修訂以公司而 非個人名義簽署審計報告，無助加強監控水平，Winnie就企硬話一定得。公司註冊費問題，佢話公會正就全面檢討各項收費標準，唔使擔心。 | ||||||