拋胸、擘脾、連環咀長澤正美歌舞劇掀炒飛熱
1 :
GS(14)@2017-01-14 07:54:33日本女星長澤正美近年轉以性感形象再創事業高峰，29歲嘅佢趁未到三字頭決定豁出去，首次擔演百老匯形式嘅歌舞劇《歌廳》（Cabaret），以超性感形象拋胸、擘脾乜都齊，又連環咀幾位男拍檔，31歲嘅小池徹平同埋51歲男星村杉蟬之介等都可謂，艷福不淺，加上動作到意識上都相當大膽，難怪小池徹平話擔心長澤正美粉絲會對自己不利。呢個經典歌舞劇早於1966年上演，1972年曾拍成音樂電影，日本已多次被搬上舞台，藤原紀香演出故事中嘅女主角都掀起話題，今次由有料之人長澤正美孭飛演出，更講明會係佢演藝生涯僅有一次嘅歌舞劇，令門票立即更加搶手，原價13000日圓（約850港元）嘅門票，近日兩張連位於拍賣網上被炒至41000日圓（約2700港元）。《歌廳》噚日正式開鑼，反應似乎相當熱烈，長澤正美獲唔少圈中人送花牌支持，當中包括松田龍平，其舊愛二宮和也嘅嵐隊友櫻井翔都有送花牌打氣。
來源:
http://hk.apple.nextmedia.com/entertainment/art/20170113/19895746