老樓日記：居屋癲價 張炳良講風涼話
1 :
GS(14)@2012-07-25 10:29:18http://www.sharpdaily.hk/article ... 8%E6%B6%BC%E8%A9%B1
周一晚十號波，一切商業活動停頓。晚上6時左右，經過地產代理舖門口，發現全部都已關門暫停營業，惟個別店舖內仍有員工在工作。細問之下，原來代理在風球高掛下，反而唔走得，因為要Update放盤業主的最新意向。
經紀黃話，最近問十個業主九個都話要反價，餘下那一個仲要封盤。他大嘆多得特首梁振英唔少，因為盤源已經很少，一個居屋新政搞到業主心雄吊高嚟賣，最近不少正在放盤的居屋起碼反價一成或以上，有啲更離譜到直向大型屋苑睇齊，仲話「o依家唔加幾時加」，好彩的話，可賺多十萬八萬；即使唔得，都可以秤下身家，反正佢哋又唔急住賣，既然個市火熱，遲點再公佈有利樓市的新政，樓價仲可能再高啲。
搞到全城反價，運輸及房屋局局長張炳良居然話放寬白表免補地價購居屋二手，對樓市影響不會太大，呢位學者不知民間生態，當利好消息湧至，個個都驚蝕底，局長試下o依家搵屋買，睇下有冇平貨，若購相連大戶起碼要畀多一百幾十萬先得。佢作為官員，發表對樓市的評論已經唔啱，仲喺度講風涼話。
日前仲傳出重新出售公屋之說，雖然局方作出否認，若然真係喺現時樓市再做刺激交投措施，樓市隨時會再升多啲。
劉兆昌
www.HKLau.com
2 :
Sunny^_^(11601)@2012-07-25 17:39:40我對"相連大戶"呢個有興趣喎.
居屋已經少大戶,仲要係相連.到底咩人會住呢.