【《蘋果》獨家直擊】發嫂片場搞百人宴城城領唱 賀發哥62歲生日
1 :
GS(14)@2017-05-19 05:43:43■發哥（左）昨在片場過62歲生日，城城猶如小粉絲一樣向偶像送吻。
周潤發（發哥）昨日62歲生日，他仍要在西貢蠔涌為電影《無雙》開工。發嫂陳薈蓮連同在場過百名工作人員，為發哥在片場舉行百人神秘生日派對，喜出望外的發哥，又獲同片的郭富城帶領工作人員唱生日歌，城城更作狀獻吻及送上生日卡，表明送給「我唯一嘅偶像」。
周潤發、郭富城、張靜初、孫佳君、方中信、馮文娟、張松枝、張建聲及吳嘉龍等，昨日在西貢成豐片場為莊文強執導的電影《無雙》開工，適逢昨日是發哥的62歲生日，原定在片廠靜靜過生日的發哥，上午照常進行拍攝，殊不知發嫂陳薈蓮事先已安排就緒。當放午飯時間，發哥踏出片廠，即發現廠外已預備了5個蛋糕為他慶生，同時發嫂亦幫襯銀杏館的到會，招呼現場過百名工作人員，喜出望外的發哥即攬實身旁的太太送吻。上月娶老婆的城城心情大靚，猶如小粉絲一樣，先代表全體劇組向發哥送上生日卡，又領唱生日歌祝賀，城城說：「偶像！送畀我唯一嘅偶像！」城城更向發哥扮咀嘴送吻，發哥亦交足戲嘟嘴，發哥說：「呢個（城城）係我運動師傅，佢教我跑步。」
■城城（右三）率領在場工作人員，向發哥唱生日歌。
■發嫂昨為發哥送上神秘派對，發哥直言好感動好開心。
■一班《無雙》演員齊齊祝賀發哥生日快樂。
盼身體健康
發哥接受訪問時表示非常感動，他說要多謝老婆：「開心到不得了，今朝佢（發嫂）問我『老公今晚想食咩』，我話求其，開工收工，食簡單啲，因為聽日又要開工，點知佢整咗咁大壇嘢，好感動開心。」發哥透露平時生日一般都是跟朋友食飯慶祝，難得在片場跟過百人一起過，他說：「已經好耐冇喺片場過生日，生日對我嚟講好平常，日日開心，日日都係生日，今日多啲人同我講生日快樂、身體健康。」談到生日願望，他笑言都是老套的「身體健康，世界和平」。
■發哥喜歡幫助弱勢社群，所以發嫂昨特別幫襯銀杏館的到會服務。
■發哥每次開工，都設「發記士多」供在場人員免費飲食。
冇機會騷肌
《無雙》故事講述偽鈔集團跟警方鬥智鬥力，發哥今次飾演偽鈔集團首腦，他表示角色沒有正邪之分，所以特別好玩，更難得與一班很出色的演員合作，他說：「非常好玩，班咁好嘅演員，包括城城好出色，同佢第二次合作，拍咗十幾日，佢狀態非常之好。城城今次由頭到尾黐實我，戲中我栽培、發掘佢，搵佢入嚟幫手，佢本身係一個畫家。」發哥指城城較上次演《寒戰》相比，更加成熟穩重。問到發哥有否恭喜即將為人父的城城？他說：「呢啲嘢後話啦！」發哥指今次主要有一場動作槍戰戲份，所以未必有機會展示早前他跟名師操練肌肉線條的成果：「今次主要文戲同槍戰，所以唔會騷肌。」他完成《無雙》於香港的戲份後，下月會到泰國清邁及加拿大繼續拍攝。採訪：張俊銘攝影：仇志德
來源:
http://hk.apple.nextmedia.com/entertainment/art/20170519/20025842
返港做「代言人」GOT7 Jackson領唱《浮誇》
1 :
GS(14)@2017-07-05 03:49:52韓國七人男團GOT7前晚於亞博館舉行見面會，成員演唱《Fly》、《Skyway》等歌曲，又表演又玩遊戲足兩個小時。香港成員Jackson返娘家當然全程用廣東話跟港迷交流，更孖成員唱廣東歌《浮誇》，誠意十足。
Jackson一開場即用廣東話打招呼：「大家好，我哋係GOT7。我係王嘉爾，好開心。」又用「靚仔」稱呼成員，及稱Bam Bam為「泰國王子」，之後笑言是笑談廣東話時間，教Bam Bam講：「準備好一齊party未？」前晚Jackson父母亦現身撐囝囝，當Jackson被問到覺得最有價值的東西是甚麼時，他即賣口乖表示是父母、隊友及歌迷。問到如果可以變成隱形人會做甚麼，Bam Bam搞笑地說：「我會除衫去旺角。」
■GOT7演唱廣東歌《浮誇》，令港迷非常驚喜。
■Jackson難得回港，可惜玩遊戲時慘被扑頭。
■除了唱歌外，成員更於台上分組玩遊戲。
自嘲生得矮
成員分組玩遊戲時Jackson慘被扑頭，他激動地表示：「難得返香港一次就被人扑頭。」心情興奮的Jackson更大跳性感舞冧港迷。之後Jackson率領成員演唱《浮誇》，令港迷非常驚喜，Jackson笑問：「我哋係咪唱得好唔浮誇？」成員唱廣東歌發音尚算標準，被問到之後會否錄廣東歌時，他們即鬼馬地rap了一段MC Jin的《ABC》。尾聲時GOT7跟粉絲大合照，Jackson表示：「我哋好似接近一年冇返過嚟，好開心返到嚟呢度。」又叫粉絲讀書的同時不要給自己太大壓力：「我覺得讀書唔勁唔代表你冇前途、成功唔到，最重要嘅係你有個夢想，唔半途而廢。」又說：「邊個話讀書一定成功？希望大家唔好咁大壓力，唔好push到自己咁行。」他又承諾會經常回港，並叫粉絲多吃有營養的食物，不然會像他一樣只得1米74的身高，最後他跟成員離場前再次表示：「香港多謝晒。」採訪：梁展雯攝影：仇志德
來源:
http://hk.apple.nextmedia.com/entertainment/art/20170703/20076747