📖 ZKIZ Archives

轉搞設計 雷頌德﹕與音樂異曲同工

1 : GS(14)@2015-02-25 10:44:38

http://www.mpfinance.com/htm/finance/20150225/news/eb_ebb1.htm
明報專訊】本地著名音樂人雷頌德(Mark)變身設計師大搞自家品牌，大至家具唱機，細至珠寶手表，又或日常用的電話套及背包莫不成為其創意產品。下個月，他與本港珠寶品牌古珀行合作設計的珠寶系列，更將登陸世界最大鐘表珠寶展之一的瑞士巴塞爾鐘表珠寶展，與國際名牌Graff、Dior、Hermes等同場展出。

搞個人畫展 造就入行

雷頌德不諱言，對參與巴塞爾展覽有憧憬，因為音樂創作難免受語言限制，但產品設計就沒有了這種障礙，可以把香港原創帶去海外，走得更遠。早在上個月，雷頌德已應貿發局邀請參加香港國際授權展，展出他與古珀行等8個品牌合作的設計品。但說到推出自家品牌，其實只不過是3個月前的事；去年10月他純粹朋友分享而辦了個人畫展，卻意外受歡迎，甚至有人想用他的設計，結果因緣際會下，音樂人雷頌德就變成了設計師雷頌德。

雷頌德表示，產品設計和音樂創作其實異曲同工，「為不同品牌設計，就像為不同歌手寫歌，是個性的展現，也要具備商業元素，作曲時我會代入角色，同樣在設計產品時，我也要代入用家角度。另外作曲要考慮到歌手能否發揮，設計產品同樣要顧及成本、外形等等限制，都不是天馬行空的東西。兩種工作都類似，我都喜歡。」

自認不會生意 專心設計

其實雷頌德已非首次以自家設計做生意，數年前他曾開時裝店推出自己設計的衣服，但抵不住狂漲的租金而結業。「所以我現在最想設計什麼？最希望是有品牌合作設計衣服，好讓我補完上次的夢」。

雷頌德坦言，那次失敗經驗令他明白做設計未必會做生意，所以今次只專心設計工作，生意方面則交由合作伙伴RT Management負責。「這也是香港原創發展困難的原因，設計藝術者或不懂做生意，而生意人則未必有創意眼光，所以我們需要有更多平台讓創作人和生意人交流。」

明報記者 陳子凌
PermaLink: https://articles.zkiz.com/?id=287996

雷頌德結他入健力士

1 : GS(14)@2015-03-22 22:45:34





雷頌德最近獲珠寶品牌邀請擔任設計師，設計出以四百卡鑽石鑲嵌而成的結他，價值超過二百萬美元（約港幣一千六百港萬元），成功創造健力士世界紀錄，獲「全球最高價值結他」殊榮。昨日雷頌德飛到瑞士出席記者會，他說：「好開心香港人嘅創作得到世界各地賞識，我覺得應該搵一個我最愛，而且全球最好嘅電結他品牌Gibson Brands去做。」





來源: http://hk.apple.nextmedia.com/entertainment/art/20150322/19084901
PermaLink: https://articles.zkiz.com/?id=288792

雷頌德帶仔去睇雪

1 : GS(14)@2016-02-08 03:00:17

雷頌德（Mark）、李樂詩（Joyce）昨日在尖沙嘴出席慈善步行活動記者會，提到好拍檔黎明最近終於開設facebook專頁，日前更上載一條他邊揸車邊rap的搞笑短片，Mark稱自己不單止看過「天王Rap」，更替對方開心：「我覺得佢啲fans會仲開心啲，因為多咗個渠道去溝通。」新年將至，Mark透露將會全家出國旅行去看雪。採訪、攝影：曹家誠





來源: http://hk.apple.nextmedia.com/entertainment/art/20160205/19479796
PermaLink: https://articles.zkiz.com/?id=295419

【馮仁昭四圍超】雷頌德變龍友影Leon

1 : GS(14)@2016-09-14 05:52:19

雷頌德（Mark）聯同政務司司長林鄭月娥，噚日去到鑽石山荷里活廣場，出席活動「2016年公益金便服日」記者會。Mark今次推出黎明演唱會影集，為公益金籌款，每本售680元，限量2,000本，只接受網購。佢話今年黎明演唱會自己喺台下做觀眾，擔任攝影師，為黎明記錄時刻：「揀咗百幾張相，都係好真實嘅Leon（黎明），揀相全權由我負責，Leon唔鍾意影相，平時都係工作相。」撰文：馮仁昭




來源: http://hk.apple.nextmedia.com/entertainment/art/20160914/19769867
PermaLink: https://articles.zkiz.com/?id=309069

【馮仁昭四圍超】雷頌德設計首飾氹妻

1 : GS(14)@2016-10-21 05:28:16

雷頌德（Mark）噚日同老婆梁家玉（Jade）喺銅鑼灣出席珠寶品牌Chantecler活動，Mark將有份設計嘅玉器首飾送畀老婆，佢話：「用咗半年時間去設計，太太嗰條靈感就係嚟自佢個名，所以用玉去做。」問Jade係咪收到最窩心嘅禮物？Mark搶答係收到佢送嘅兩個仔，Jade即反駁：「係我送畀你吓嘩！」兩人打情罵俏，Mark仲搞笑話：「咁你都要靠我啲嘢！」撰文：馮仁昭




來源: http://hk.apple.nextmedia.com/entertainment/art/20161021/19807310
PermaLink: https://articles.zkiz.com/?id=313053

雷頌德授蘇永康湊仔貼士

1 : GS(14)@2016-12-10 03:45:33

雷頌德（Mark）和K11合作推出品牌martian，昨日他在K11宣傳，獲太太梁家玉（Jade）、方力申和黃長興撐場，蘇永康則臨時缺席，雷頌德說：「佢臨時唔得閒，要照顧太太，我好戥佢開心，佢太太懷孕，我都有畀啲貼士佢，其他等我老婆教佢，我老婆識得多過我。」



蘇永康

問到小方要否雷頌德幫忙設計女友？小方妙答：「設計我唔曉，但你睇Stephy（鄧麗欣）就知好嘢。」主動提起舊愛，莫非有轉機？小方卻堅持不提：「唔講唔係冇。」採訪：卓寶花攝影：陳慧安




來源: http://hk.apple.nextmedia.com/entertainment/art/20161209/19859303
PermaLink: https://articles.zkiz.com/?id=318931

雷頌德審慎監督黎明騷

1 : GS(14)@2016-12-10 13:30:15

「黎明Leon's Penguins in Live2017」明年開騷，好友雷頌德今次會擔任總監，昨日他在新城接受訪問，表示做總監比音樂監製會有更多事要兼顧，而今年黎明演唱會因帳篷驗出不合規格被迫取消第一場，他說：「今次會更審慎，因為首次全露天全企位，好多嘢要留意，就算通道有幾闊，企到幾多人都要計算好。」他透露黎明會邀請表演嘉賓，他說：「今次呢個形式做，黎生想同歌手朋友分享呢一次經驗，諗到有人好適合做露天全企位嘅騷。」另外，雷頌德簽了新人張美儀，寄望對方在年尾頒獎禮有成績，他笑：「佢好識諗，做嘢自動波，有獎係bonus。」採訪、攝影：王連連




來源: http://hk.apple.nextmedia.com/entertainment/art/20161210/19860523
PermaLink: https://articles.zkiz.com/?id=319084

雷頌德扮督察硬背數據

1 : GS(14)@2017-01-26 07:44:04

雷頌德（Mark）與夏雨兒子黃奕晨昨日於城市大學出席預防電話騙案微電影《危．鈴》試映會，飾演督察的Mark少有拍攝認真的電影，他說：「之前拍咗部《熱血合唱團》，我做指揮家嘅，第一次唔係做笑片，今次係第二次，啲台詞好多數據，都要背咗一排。」提到黎明的演唱會進度，Mark表示農曆年後就會綵排，已完成準備工作：「今次視覺上好唔同，最想有互動性，睇佢到時興起，有乜嘢觸動到佢嘅演出，睇即興。」黃奕晨3月將到非洲貧民窟拍港台節目，他表示已有心理準備有一定危險，還爆爸爸夏雨現身在溫哥華避年。採訪、攝影：羅慧敏




來源: http://hk.apple.nextmedia.com/entertainment/art/20170124/19906427
PermaLink: https://articles.zkiz.com/?id=324012

雷頌德抱蘇永康靚B

1 : GS(14)@2017-03-25 10:34:31

雷頌德（Mark）日前出席活動，不小心漏口風踢爆蘇永康（阿公）已榮升老竇，本來打算待老婆馮翠珊出院才公佈喜訊的阿公，惟有提早宣佈老婆已經生了，B仔取名Jazz，重6磅11安士。昨日Mark在Instagram貼出他抱着阿公囝囝的溫馨相，BB好像仰頭望着他笑，十分可愛。
Mark昨日接受本報電話訪問，大讚阿公囝囝很趣致，望着他笑咪咪。日前張衞健笑指BB似媽咪，令他放心，問Mark覺得BB似阿公還是似媽咪？他亦謂：「望落去似媽咪多啲，好靚仔呀！」採訪：小米




來源: http://hk.apple.nextmedia.com/entertainment/art/20170325/19969052
PermaLink: https://articles.zkiz.com/?id=328793

雷頌德呻篤波輸錢肉痛

1 : GS(14)@2017-05-21 00:59:23

雷頌德（Mark右）昨日到油麻地出席ViuTV節目《約咗傅家俊》訪問錄影，Mark在節目中與傅家俊打桌球較量，Mark說：「我只係輸幾球波，不過佢係用左手讓我。」
Mark透露過往也有跟黎明打桌球，他說：「我哋都會打少少錢，都係幾嚿水，我賭親錢都輸，會好肉痛。球技大家差唔多，唔係成日練，都係讀書頑強打番嚟嘅技術。」




來源: http://hk.apple.nextmedia.com/entertainment/art/20170520/20026895
PermaLink: https://articles.zkiz.com/?id=333797
Next Page
ZKIZ Archives @ 2019