|
||||||
|
親戚Ｂ送來禮 物，乃是一隻不大不小、放在餐枱啱啱好嘅彩色玻璃盛器，用嚟放生果或者新年糖果朱古力就最適合。此玻璃盛器來自意大利，顏色係金啡配玫瑰紅，唔搶眼，有睇 頭，靚嘢也。問親戚購自何方，佢話：「上環永安吖嘛，我最鍾意去行永安地庫嘅廚房餐飲用品部，最多貨睇，又靚，又唔算貴，都爹利街嗰啲，係靚，不過買唔起 啫。一個英國朋友來港半年，居然向我介紹上環永安廚房用品部，可見嗰度有啲口碑！」唉吔，自己好少在香港行公司，更莫說廚房用品部，但連外國人都識得介 紹，自己唔識咪好失威？於是呢日午飯後，走出南華大廈，向西而行，十二分鐘就到咗永安公司，別的不看，只落地庫參觀，果然琳琅滿目，午後有不少顧客，於是 想起上次自己買隻茶壺，竟然係在曼谷Siam Paragon，想吓都覺得自己儍。 親戚Ｂ是人事部經理，呢排奉公司董事會與上級命令，要全 面搞清楚最低工資點樣計算，佢一計之下，即刻頭暈，勞工處嗰套指引與僱主聯會嘅指引，有不同之處，如何是好？佢地公司老闆好好人，提前推行實施最低工資， 唔駛等到五月一日，試行一個月之後，發覺飯鐘午膳時間與休息日，月薪與時薪之間，大有差別，最低薪之工人（Ｍ組）可以加薪最高達三成，於是引起另外一批資 深較高薪工人不滿（Ａ組），Ａ組工人覺得好唔公道喎，做乜Ｍ組加薪咁多，我地加薪咁少？計埋飯鐘錢與假日薪水之後，Ｍ組與Ａ組之薪金差距大為縮窄，一位平 時好勤力、表現良好嘅Ａ組阿叔直情走去人事部拍枱，話自己加薪少，好唔抵。但如果全體工人一同加薪咁多，點頂呀，所有老闆都難以應承，於是親戚日計夜計， 務要諗好一個方案，幾乎瞓唔着。 搞最低工資，本來係政治掛帥，與經濟理念無關，最低工資亦無助於整體就業，故此經濟學家屢屢反對，不過香港嘅社工/工會學家就最大聲，經濟學家就幾深閨，香港現在係大聲者話事，遲啲再講競爭法、標準工時、全民保障，營商環境響起警號。 |
||||||