ZKIZ Archives


【起晒雞皮】撒嬌的男人好命啲?港女:乸型!打佢囉!

1 : GS(14)@2016-10-27 06:02:43

Jota向珍京撒嬌勁可愛!(《我們結婚了》截圖)



【三個粉絲追韓劇】戲都有得做,話《撒嬌的女人最好命》!但係睇《我們結婚了》嘅假想夫妻Jota同珍京,竟然係老公撒嬌氹老婆,連Jota自己都頂唔順連番大叫,不過觀眾就覺得Jota好可愛。如果你身邊嘅男生們撒嬌,會唔會好命啲?會冧死女定係想煎把佢?



Biu(左)話男仔撒嬌好乸型,Alex話自己唔會撒嬌,好核突!

阿愁(左)話唔buy撒嬌,鍾意強勢男,阿仙話只係接受到男朋友對自己撒嬌。

韓國新晉男團APL成員Seoin示範撒嬌...bb聲...高八度...

事實上,港男港女都唔buy男人撒嬌,女話:「明星就得,普通人會好乸型、想打佢囉!」,男話:「好核突囉!男仔應該有返啲性格!」動主播阿仙話只係頂得順男朋友同自己撒嬌,Viu韓劇導賞員阿愁就話鍾意強勢男,撒嬌呢家嘢咪搞!的確同人唔同命,韓星撒嬌先稱得上係可愛,冧到fans暈陀陀!今集就請嚟韓國新晉男團APL四位成員Seoin、Hyuk、Tin同Daniel(同時係Viu韓劇導賞員)示範點樣撒嬌,bb聲、高八度、扭扭擰擰...出埋「飛機餵飯飯」,可愛定起晒雞皮?你睇片咪知囉!



成員Daniel就話如果撒嬌會講嘢慢啲...扭扭擰擰咁...連佢自己都頂唔順呀!

成員Hyuk話會使出「飛機餵飯飯」呢招!

Hyuk話o依家興「傲嬌男」,表面上唔理你,但係喺背後默默付出。(《奶酪陷阱》截圖)

APL成員Hyuk話,因為韓劇嘅關係,出現咗「친대래남자(傲嬌男)」呢個形容詞。傲嬌男即係表面上扮哂cool,唔理自己鍾意嘅女仔,但係喺背後默默為佢付出。簡單啲講,就好似《太陽的後裔》第二男主角徐大英(晉久 飾),成日擺款、扮cool、扮型,其實勁緊張尹明珠(金智媛 飾)!又好似《奶酪陷阱》嘅男主角劉正師兄(朴海鎮 飾),對洪雪(金高恩 飾)愛理不理,其實處處為佢著想。



就好似徐大英對尹明珠咁,愛在心中。(《太陽的後裔》截圖)

不過,近排最興都係「暖男」。

好似朴寶劍對金裕貞愛護有加,冧死女呀!(《雲畫的月光》截圖)

不過,近期最hit嘅一定係「暖男」,因為《雲畫的月光》拍到男主角世子李韺(朴寶劍 飾)係超級暖男,對洪樂瑥(金裕貞 飾)愛護有加,佢嘅關心同痴情迷倒萬千粉絲!有港女都話鍾意「暖男」多過「傲嬌男」,至少唔使估男朋友諗乜,只係接受佢對自己好就得喇!有港男又話自己係「暖男」,話女朋友病咗會照顧佢,知道戲院凍又會帶定外套畀女朋友着咁話喎!



Kimmy話鍾意「暖男」,好似太陽咁溫暖。

有時撒嬌都有潮流跟,好似早幾年興「귀요미(撒嬌頌)」(右),今年就興TWICE首歌《Cheer Up》中嘅「shy shy shy」。

如果Seoin做嘅話......

主持:動主播阿仙、Viu韓劇導賞員阿愁和Daniel記者及繙譯:卓惠媛(Joyce)攝影:陳家文、李錦鏵《我們結婚了》片段由Viu提供:
https://goo.gl/Yx13PE【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20161027/19813074
PermaLink: https://articles.zkiz.com/?id=313696

騎呢火鍋店賣田雞皮聲稱壯陽美顏

1 : GS(14)@2016-12-25 13:18:47

■內地新興火鍋流行以田雞皮為配料。 陳善南攝



俗語說「民以食為天」,內地不少餐廳盡出騎呢招數吸客,福田一家以田雞作主打的火鍋店,除了大賣田雞肉外,還出售「滑潺潺」的田雞皮,卻讓人產生生蟲疑慮。而羅湖一家烤魚店以號稱全球第二辣的蠍子椒作為噱頭,炮製辣度驚人的「辣魔王烤魚」。深圳開設將近10家田雞火鍋店,位於福田的田雞店店東指,田雞每斤30元人民幣,田雞皮隨碟不另收費。他坦言,過往客人認為田雞皮有壯陽美顏功效,食的人較多。有客人表示,田雞皮很好吃,雖然明知或有寄生蟲,但煮久一點就不怕生蟲。《蘋果》記者試食發現,田雞皮質感滑溜如鯇魚皮,頗有口感,但味道平淡,放涼後有些許腥味。本港家庭醫生鄭志文表示,田雞皮本身有寄生蟲及蟲蛋,市民進食未煮熟的田雞皮,蟲蛋有機會穿過胃壁,再依附在宿主體內成長。他提醒,市民要注意餐廳食材的來源以及不要生食,以策安全。


侍應戴防毒罩上辣魚

此外,位於羅湖的鳴記烤魚推出以量度辣椒素含量的「史高維爾指標」(Scoville Scale)中,排名第二的蠍子椒(Trinidad Moruga Scorpion),以及印度鬼椒(Bhut Jolokia Pepper)調味的辣魔王烤魚。餐廳將辣椒乾分別切碎及磨成粉狀,煮成醬汁後再加入魚中烹煮,上菜時放上火爐加熱,侍應戴防毒面罩上菜,噱頭十足。《蘋果》記者




來源: http://hk.apple.nextmedia.com/international/art/20161225/19876380
PermaLink: https://articles.zkiz.com/?id=320069

Next Page

ZKIZ Archives @ 2019