馮仁昭四圍超：陳庭欣瞞翟威廉 硬撬大狀
1 :
GS(14)@2016-03-05 01:12:11■陳庭欣不時同唐偉倫一齊出席飯局。互聯網圖片
現年28歲嘅前港姐冠軍陳庭欣（Toby）雖然一直唔認，但同港男冠軍翟威廉拍拖已經係公開嘅秘密，兩人仲發展成半同居關係。不過噚日有雜誌報道話Toby瞞住男友，暗交楊恭如舊愛、有米大狀唐偉倫，而男方亦已經有一位穩定女友Candice，因而發展出一段四角戀。
■陳庭欣一直唔承認同翟威廉係男女朋友關係。資料圖片
■早前陳庭欣明明係大狀屋企留宿，但就喺Ig貼咗一張準備瞓覺嘅相。互聯網圖片
明目張膽攬頭攬頸
雜誌報道指上月22號Toby趁唐偉倫個正印Candice唔喺香港，兩人雙雙去數碼港嘅戲院睇戲，一出戲院門口Toby就戴番口罩遮樣，兩人前後腳去攞車，之後就返咗男方喺附近碧瑤灣嘅寓所。其實數碼港戲院已經成為佢哋兩個人嘅密會勝地，月前佢哋又約係嗰度睇戲，Toby又係包到實現身。最高招仲係明明事後Toby去咗大狀屋企留宿，但就喺Instagram貼咗一張準備瞓覺嘅相，被指製造假象畀翟威廉睇，扮喺屋企。報道又話，正印Candice舊年已經知道Toby呢位小三存在，亦都捉過幾次佢同自己男友約會。最後Candice選擇原諒，唔知係咪咁，Toby試過喺一個春茗飯局明知Candice在場，Toby仲特登同唐偉倫攬頭攬頸挑釁，又試過將唐偉倫嘅愛犬相放上自己Ig示威。撰文：馮仁昭
來源:
http://hk.apple.nextmedia.com/entertainment/art/20160303/19513580
陳庭威：懷念林伯時代
1 :
GS(14)@2016-03-17 14:52:50亞視前執董盛品儒昨爆出偷食緋聞，一班亞視前藝人昨日亦有搞作，在灣仔出席「亞視永恆經典回歸」記者會，曾被視為「亞視之子」的陳庭威亦有現身，對於亞視近日的慘況，他說：「好可惜同懷念，喺林伯（林百欣）嘅時代，作為一個大老闆，就算蝕咗20幾億仍然好支持我哋呢啲做演藝文化嘅工作者。」他表示至今仍會相約不少亞視的老友敍舊。陳庭威透露目前長居新加坡，間中會返內地拍劇，問到感情生活，他說：「我仲係單身，機會係好多，但係冇時間拍拖，一切隨緣，如果有婚姻負擔個人好容易會老。」同場的河國榮表示不認識亞視藝人，他說：「我覺得快啲執咗佢好啲，雖然係可惜，但係要面對呢個歷史嘅現實。」此外，曾經一度因財困而令水機沒水飲兼洗手間沒有廁紙的亞視，日前有員工發現洗手間終於有廁紙供應。採訪、攝影：張俊銘
■河國榮（右）昨在記招上大唱《亞視永恆》，其他亞視前藝人舉牌支持。
■亞視員工日前發現洗手間終於有廁紙供應。
來源:
http://hk.apple.nextmedia.com/entertainment/art/20160317/19532371
陳庭欣撇翟威廉翻嗒有米大狀
1 :
GS(14)@2016-07-14 08:09:45【拍拖買餸】■陳庭欣上周五被影到與擁半億的大狀唐偉倫拍拖行超市買餸。DV圖片
【上周五 鰂魚涌】感情世界真複雜，28歲港姐冠軍陳庭欣（Toby）與港男冠軍翟威廉關係欲斷難斷。上周五，陳庭欣被本報影到翻撻現年40歲、擁半億物業的「有米大狀」唐偉倫（Warren），二人去康怡一間超市買餸再返家玩煮飯仔，Toby昨正式將翟威廉降做好朋友，卻處處維護男友：「佢係圈外人，唔想影響佢。」翟威廉惟有忍痛送上祝福：「最緊要佢開心。」
進擊的陳庭欣被傳在今年1月背地下男友翟威廉，相約有米大狀唐偉倫去數碼港睇戲，之後直踩男方碧瑤灣寓所宿一宵。據了解，當時唐偉倫已有索模女友Candice，四角關係七國咁亂，翟威廉一度選擇分手。正當最近Toby與翟威廉頻頻孖住出席飯局，以為他們已靜悄悄復合。本報日前卻影到Toby翻撻唐偉倫，更結伴去康怡一間超市sweet爆買餸返家。
【除罩試食】■為了試食，陳庭欣放下戒備除口罩，還拿給男友分享。
【有傾有講】■陳庭欣與唐偉倫買完餸去取車，二人邊行邊講，又情深對望。
■陳庭欣疑裙被攝住，伸手去
陳庭欣處處維護新歡翟威廉︰最緊要佢開心
1 :
GS(14)@2016-07-14 08:09:45■陳庭欣與翟威廉自2010年開始傳拍拖，更指兩人過半同居生活。資料圖片
28歲港姐陳庭欣（Toby）之前就和有米大狀表弟唐偉倫（Warren）偷食斷正，以致和地下情男友翟威廉分手，但上星期他們又與林師傑、歐陽巧瑩、蔡思貝、麥秋成等三對情侶去食飯，當大家以為他們已靜悄悄復合之際，日前又被本報發現庭欣鬼鬼祟祟地移形換車，翻撻Warren，到康山一間超市甜蜜買餸返歸，玩煮飯仔。
Toby似乎已選定戀人，昨她以短訊回覆：「我實在唔方便多回應，只能說，我和威廉一向都有共識地視對方為非常要好嘅朋友，彼此都好關懷對方。感情方面一向低調處理，以前、現在及將來都係一樣。謝謝關心。」至於是否與唐偉倫拍拖？她說：「佢係圈外人，唔想影響佢。」
願做後備觀音兵
一直被指甘做Toby後備觀音兵的翟威廉昨說：「佢做乜嘢我都支持，最緊要係佢生活開心，當然冇介意。」他表示冇任何委屈，就算大夥兒出去玩亦不避忌，他說：「我哋認識咁耐，互相關懷同支持嘅心先係最重要，咁多年嚟，我有唔如意或唔順利，佢總係扶持我，所以我哋係乜嘢都唔會計較！」當年他與Toby被影到拖手，翟威廉說：「當年係我腳受傷，佢扶我啫！」
來源:
http://hk.apple.nextmedia.com/entertainment/art/20160714/19693938
觀音兵翟威廉 尷尬黐陳庭欣
1 :
GS(14)@2016-07-17 15:41:37■翟威廉昨日與陳庭欣同場出席活動，表現尷尷尬尬。
陳庭欣（Toby）和翟威廉傳因有米大狀唐偉倫（Warren）介入致分手，兩人昨日與林盛斌（Bob）、吳若希、甄澤權等在油塘出席活動，翟威廉與Toby排排坐都蹺實對手，似怕掂到對方，表現好尷尬。直至大合照，Bob識做地企開，讓Toby與翟威廉站在一起，Bob笑指自己好識撈，Toby笑說：「未試過做MC（司儀）可以企正中間。」
■陳庭欣被本報影到同有米大狀唐偉倫行超巿買餸。資料圖片
堅稱好朋友關係
被指是後備觀音兵的翟威廉不敢多言，只說：「以我經驗講乜嘢都會針對住我。」之後就一如以往、重複又重複解說兩人關係：「大家都係好好好好嘅朋友。」問兩人是否已分手？Warren是否男友？Toby迴避說：「向來唔將感情事攞出嚟講，無論有冇拍拖、將來拍唔拍，自己同家人知就得。」但被本報影到一齊買餸返屋企，似乎關係密切，Toby牽強解釋：「我有好多男、女性朋友，亦會行街，嗰次都係咁啱被影到，我一直都好保護圈外朋友。」Toby和翟威廉均表示不會因為對方拍拖而不開心，堅稱兩人從冇拍過拖。而甄澤權在上一輯《街頭魔法王》被踢爆穿崩，他表示今輯設計會更精密，出街前也會先看片。撰文：嵐山
來源:
http://hk.apple.nextmedia.com/entertainment/art/20160716/19696807
張名雅開門利是風波陳庭欣：內鬼唔係我
1 :
GS(14)@2016-10-01 13:19:50■張名雅於本月初風光嫁律師，近日卻有指姊妹爆出開門利是僅得3,800元。資料圖片
張名雅上月初下嫁律師蔡錦豪，戴上30幾對龍鳳
背有米大狀男友陳庭欣翻啅翟威廉撐枱腳
1 :
GS(14)@2016-12-10 03:45:29男女感情嘅嘢，有時真係好複雜，2010年港姐冠軍陳庭欣，之前就同有米大狀唐偉倫(Warren)偷食斷正，搞到佢同地下情男友翟威廉分手。同陳庭欣分手後，翟威廉繼續甘心命抵做女方隻兵仔，喺前度身邊o氹o氹轉……以為陳庭欣感情世界從此穩定落嚟，點知昨日有報道指佢又背住大狀男友Warren，同翟威廉甜蜜撐枱腳近3粒鐘，其間女方托腮放電樣樣齊，冧到「兵仔廉」暈得一陣陣……雖然將男友降呢做番朋友，不過掟煲唔掟蓋嘅陳庭欣，似乎仲想留條後路俾自己咁噃！
來源:
http://hk.apple.nextmedia.com/entertainment/art/20161209/19860121
港姐鬥爭停不了 張名雅與陳庭欣反目升級
1 :
GS(14)@2017-01-02 17:02:122016-12-14 EW
近期港姐特別多是非，早前，陳法蓉與梁小冰因一件外套事件，搞到連日來隔空罵戰，而最近又有另一對港姐姊妹反目升級。
今年九月，一二年港姐冠軍張名雅與律師蔡錦豪舉行婚禮，當日，她身上掛滿金飾行頭十足，事後竟傳出開門利是不足五位數。當時，張名雅坦言已知誰是「二五女」；而嫌疑人物，盛傳是姊妹團之一的一〇年港姐冠軍陳庭欣，事件更令兩人在背後暗戰連連。
日前，本刊發現張名雅及陳庭欣，在無綫飯敍活動上被安排坐同一席，但兩人卻完全零交流；席間，記者要求合照，陳庭欣更立即攞袋走人，似乎昔日的好姊妹已達沒彎轉的地步。
派頭十足
一二年港姐冠軍張名雅，今年九月與律師蔡錦豪拉埋天窗，本來是開心的喜事，但卻鬧出是非風波。出閣當日，她邀請了九位伴娘、九位伴郎，取其「長長久久」之意；而新娘子身上孭着的金飾斤両十足，戴滿一對手外，身上還有一大串足金龍鳳鈪，再加上大大隻金豬牌，以及新娘子手上的三卡鑽石婚戒，估計總值逾八十萬，氣派十足。
可是，事後有人向傳媒爆料，當日開門利是只得三千八百元，九個姊妹每人分到不足五百元。張名雅看到報道後，在微博嬲爆留言﹕「人在做，天在看。」另外，她又重申﹕「姊妹團都清楚知道個數（開門利是）有五位數，因大家確確實實分咗開門利是嘅！我都係嗰句，冇所謂，最重要係開心事；我都冇嬲，只係覺得身邊仲有好多好好朋友。最緊要做好自己，謊言一定會自破。」口中雖說不憤怒，但言詞中卻甚有「捉鬼」的味道。
至於，爆料者的最大嫌疑人物，矛頭直指是當日姊妹團之一、一〇年港姐冠軍的陳庭欣，而自覺清者自清的她，對於事件就淡淡然的說：「知道一定唔係自己，其他唔想猜測，就算真有此人，可能冇心或唔小心講出嚟，況且又唔係事實嘅全部，由得佢！」據本刊收到的獨家消息，爆料者其實另有其人並非陳庭欣；可惜兩個「冠軍級港姐姊妹」的感情自此不再。
勢成水火
上周四（十二月八日），本刊就發現張名雅與陳庭欣，在無綫的「職藝員聯歡晚宴2016」活動上，被公司安排坐同一席；可是，陳庭欣見到張名雅同場，就刻意坐開。期間，即使陳庭欣的緋聞男友翟威廉嘗試做和事老，拉攏她們坐在一起，陳庭欣一樣冇面畀。席間，兩女縱然同桌而坐，但完全零交流兼且面左左；而當記者要求她們合照時，反應甚大的陳庭欣，更立即攞袋走人，令一眾人為之驚訝。
上周五（十二月九日）中午時份，記者在銅鑼灣希慎廣場、譚凱琪開設的西餐廳，又發現張名雅與一班好友飯敍。據悉，已經將事件放下的張名雅，為答謝一班姊妹團，在婚禮當日仆心仆命地照顧她，於是搞了這餐慰勞宴。同時，亦希望藉此與陳庭欣重修舊好；可惜，事與願違，被邀的陳庭欣婉拒出席。兩屆冠軍級港姐，昔日攬頭攬頸，如今形同陌路人，確實無奈。
撰文☆武儀 採訪☆娛樂追蹤組 設計☆蔡宛真
Next Page