ZKIZ Archives


嘉欣着三點式陪囝沖涼「分享症」阿縈禁康堤開fb

1 : GS(14)@2016-11-16 05:10:15

人人話贏在起跑線,就算有些家長明知人生其實係一場馬拉松,都會着緊自己仔女,畢竟望子成龍係每個家長嘅心願。就正如小朋友好比一張純白嘅紙,所以家長嘅身教都好重要,前年林嘉欣就帶長女Kayla親到金鐘,一齊體駛佔中。原來圈中都有好多非常父母,用非常方法教導小朋友。李嘉欣、梁政珏「大美人」李嘉欣前年就着住三點式泳衣,同囝囝Jayden洗白白,親身示範另類親子活動。除咗大美人着三點式同囝囝親子洗白白,仲有「咪神」梁政珏,佢就着住三點式泳衣,同只有9個月大嘅囝囝Johnson,邊沖涼邊教佢學英文字母。王菲一向唔係好鍾意講嘢嘅阿菲,佢教女都係用一套「唔囉嗦」嘅方法,之前佢個大女竇靖童接受訪問時就講過阿媽係佢16歲前有一個10點門禁,遲到就會微信佢。童童仲話阿媽對佢管教有嚴有鬆,但就好重視禮貌,仲好開通咁俾佢任紋身。徐濠縈俾何超儀話有「分享症」嘅阿徐,原來佢個女康堤,o依家都仲未有facebook,到今年升中,先有一部電話,同俾佢開一個instagram account,但個account就要限制私人,而佢仲會睇吓佢個賬戶嘅followers,保護阿女個私隱做得好足。魏駿傑魏駿傑同大陸嫩妻張利華嘅教小朋友方法,就比較奔放,好似喺2012年,《蘋果》就影到佢哋一家三口喺西貢,當時佢哋兩公婆就好開放咁,由得當時只有兩歲嘅囡囡Jessica,大街大巷咁赤腳狂奔,同當街換尿片。趙薇趙薇同新加坡富商黃有龍結婚後,就生咗個女「小四月」,但佢哋真係一對模範父母,12年,佢哋就俾2歲幾嘅小四月幫手洗筷子,完全唔使工人服侍,認真精乖。




來源: http://hk.apple.nextmedia.com/entertainment/art/20161114/19833335
PermaLink: https://articles.zkiz.com/?id=315664

41歲徐若瑄陪囝囝泡溫泉木盆笠頭玩水

1 : GS(14)@2016-11-16 05:47:56

41歲徐若瑄(Vivian)擁有一半台灣原住民,故鄉喺苗栗泰安鄉,徐若瑄昨早喺facebook貼咗佢同囝囝小V寶返家鄉嘅相,留言扮囝囝講嘢「第一次媽咪帶我去外婆的家鄕苗栗泡溫泉~舒服」……有眼尖網民認出佢帶兒子泡湯地點就係苗栗泰安觀止,相中見小V寶一啲都唔怕水,仲玩得好開心,瞓喺媽咪身上,等媽咪幫佢洗頭仔,又搞笑咁戴上木盆作帽仔,咁徐若瑄都好錫囝囝,有用啲水花遮一遮囝囝嘅重要部位。徐若瑄前年嫁俾新加坡上市公司CEO李雲峰,生完囝囝Dalton後,一心喺屋企相夫教子,但早前爆出其夫公司有高達10多億港元財務負債,早排Vivian接受台灣節目訪問,就話李雲峰俾佢極大安全感,仲話幸福嘅定義,唔等於錦衣玉食。




來源: http://hk.apple.nextmedia.com/entertainment/art/20161116/19834937
PermaLink: https://articles.zkiz.com/?id=315821

周汶錡孖老公陪囝囝玩沙

1 : GS(14)@2017-06-10 13:30:41

■周汶錡老公同囝囝赤膊上陣玩沙曬太陽,佢就主力幫手影相。讀者提供圖片



【爆相爆片】周汶錡(Kathy)同外籍老公Julien生嘅混血大仔雷棨宇(Jacques)下個月就兩歲,越大越靚仔越可愛,靚媽咪錫到燶,當佢係「小情人1號」,不時捕捉佢可愛行為,拍片擺上社交平台分享,試過一條片有20萬人「Like」,絕對係網紅BB代表。



■Jacques周圍行,周汶錡做跟得媽咪幫手拎沙灘工具。讀者提供圖片

■周汶錡同法籍老公Julien育有兩子,大仔Jacques(左)同細仔Avner。資料圖片


「好乖冇喊過」

日前,Kathy同老公Julien帶埋Jacques去淺水灣沙灘玩,被本報讀者鍾小姐直擊佢哋親子樂,相中見兩父子赤膊上陣,Jacques戴住帽仔防曬做太陽小男孩,而Kathy就間條tee襯短褲同帽打扮,拎住堆沙工具跟實囝囝,鍾小姐話:「當時大概4點幾,佢同大仔、老公,唔見細仔,佢哋冇落水,主力陪個仔堆沙,見佢老公來回岸邊幫個仔裝水,而周小姐就同個仔影相,個小朋友全程好乖,冇喊過,淨係掛住玩沙。」
Kathy回覆話:「放假帶佢出去游吓水,玩吓沙,我4點幾先去,玩咗兩個鐘,趁冇咁猛太陽先帶佢去沙灘,佢算係第一次去沙灘玩沙,之前太細個去過沙灘,但就冇玩過。」之後,Kathy亦喺Ig分享咗囝囝嘅下水look,着住泳褲仔拎住水桶玩沙賣萌。




來源: http://hk.apple.nextmedia.com/entertainment/art/20170609/20049224
PermaLink: https://articles.zkiz.com/?id=335104

小學新生日大陣仗 千嬅丁子高陪囝囝上課室

1 : GS(14)@2017-06-10 13:46:50

■楊千嬅夫婦帶Torres出席小學新生日。讀者提供圖片



【爆相爆片】圈中虎媽楊千嬅的5歲兒子丁進諾(Torres),今年入讀小學,千嬅跟老公丁子高自然為選校操心,為了避開香港填鴨式教育,早前千嬅一家三口曾現身加拿大國際學校面試,但原來千嬅替囝囝報了英基國際學校入讀,單是學費每年就要超過15萬元,還未計其他雜費。


冇跟同學排隊

本報讀者劉小姐透過「爆相爆片」指上周五早上9時許在港島英基小學,見到千嬅一家三口出席新生日,劉小姐說:「當時所有小朋友喺禮堂集合,睇完圖書後一齊排隊跟老師上課室玩,家長就留喺下面聽講座,但千嬅嘅囝囝唔肯上課室,冇跟同學仔一齊排隊,要媽咪拖住佢上去。」劉小姐不肯定Torres是否扭計,但就一定要媽咪同行:「我聽唔到佢扭計聲,但個個小朋友上晒去,佢哋最後先上,所以大家都見到千嬅。」當時各家長都專心坐着聽校長及老師講解學校情況,但千嬅忽然站起來,加上一頭紫色頭髮,特別惹人注意,劉小姐說:「初時都冇留意係千嬅,見到佢嘅紫色頭髮睇清楚先知,直到佢起身,大家先見到佢拖住囝囝上課室,之後冇見到佢同老公落番嚟聽講座。」



■千嬅和丁子高為囝囝報讀英基國際學校。資料圖片

■千嬅早前帶囝囝現身加拿大國際學校面試,但最後沒有入讀。資料圖片


手指指好活潑

從相片所見,千嬅拖着囝囝快步行,Torres手指指表現活潑,可能是去到陌生環境比較依賴父母,而丁子高跟在後面,手上拿住學校章程,劉小姐表示當日每個家長一份,內容包括學生上學時間、學校理念和守則等等。撰文:李森




來源: http://hk.apple.nextmedia.com/entertainment/art/20170610/20050656
PermaLink: https://articles.zkiz.com/?id=335219

Next Page

ZKIZ Archives @ 2019