嘉玲透Bra賣衫 掟錢任阿葛玩
1 :
GS(14)@2015-05-25 23:59:12■劉嘉玲近年不停踩界發展，前晚宣布進軍時裝界，其打扮更成為全場焦點。
八面玲瓏的劉嘉玲近年涉及各行各業的投資，有地產、餐廳、紅酒和手錶等，兩年前開始計劃踏足時裝界，前晚劉嘉玲在北角為有份投資的時裝品牌舉行發佈會，並隆重介紹擔任品牌旗下創作團隊的設計師葛民輝。嘉玲在發佈會上表示對阿葛設計的女裝非常滿意，更自爆為時裝新品牌巨額投資，她說：「拎咗好多錢出嚟畀阿葛玩，佢都拖咗我兩年，不過，呢個品牌5、6年都有錢賺，完成自己夢想，同阿葛一齊合作，俾佢嘅棟篤笑吸引咗，自己好着迷，佢個世界好深，一齊合作除咗賺錢，亦都好有得着。」
力撐本土設計
嘉玲認為香港土產設計師有情感，她說：「冇理由香港時裝做唔過韓國。阿葛旗下創作團隊非常後生，全部都係本地設計師，有好多創作靈感，好有真情，應該多多支持香港創作。」品牌設計服裝以黑色為主，設計師阿葛相信品牌可以推到去美加，他又感謝老闆劉嘉玲的信任，他在台上說：「嘉玲兩年前就搵我，我就未見過一啲咁樣嘅老闆，佢問我肯唔肯，仲搵我做女裝，畀好長時間都冇催我，畀到好多時間我做。」
■劉嘉玲（左二）、葛民輝（右一）與時裝店的拍檔及投資者祝酒。
■劉嘉玲邀請了葛民輝擔任女裝品牌的主帥設計師。
■劉嘉玲早前合資搞家品店，更邀得名模姬蒂摩絲撐場。資料圖片
之後，阿葛接受訪問時，再次提到被嘉玲動之以情，他說：「通常一個服裝成衣要做9個月，被嘉玲感動，做完創作時，嘉玲覺得唔啱，唔介意浪費時間再做，最重要適合品牌，放手畀我哋創作，係一個好好合作夥伴。」採訪：張俊銘攝影：沈健程
來源:
http://hk.apple.nextmedia.com/entertainment/art/20150523/19156990
英國回港 衣食住行承父風範阿葛21歲囝囝揸Benz辣跑 放電眼
1 :
GS(14)@2016-08-07 01:48:18【星味十足】■葛民輝的21歲兒子Jabez，日前開Benz跑與父母現身筲箕灣嘆魚蛋粉。
【筲箕灣】潮流時興小鮮肉，原來葛民輝的21歲囝囝Jabez都是名副其實靚仔一名，有着一雙沉鬱電眼。近日由英國放暑假返港的Jabez，日前跟父母到筲箕灣品嚐地道魚蛋粉，舉止有禮的他原來跟父親一樣都是「車手」，離開時他開着辣跑Benz CLS63 AMG載母親離開，反而阿葛鍾情老爺七人車。
現年49歲的葛民輝跟太太區祖凝（Mini）結婚23年，囝囝Jabez轉眼亦已經21歲。早幾年，阿葛跟麥當勞高層黎韋詩傳過緋聞，早前又傳他為拍過《喜愛夜蒲3》的梁晶晶（Bonnie）拍攝全裸寫真時，貼身照顧對方，令到老婆要做跟得夫人，全程跟出跟入。
【雞啄唔斷】■阿葛跟女店主稔熟，談得非常投契。DV圖片
【邊行邊等】■阿葛兩公婆吃完麵先行步出門外，留下兒子埋單找數。DV圖片
■阿葛情有獨鍾的日產Elgrand E50七人車，車齡近二十年。
憂鬱小鮮肉
日前阿葛跟太太趁着在英國讀大學的囝囝Jabez放暑假返港，一家三口齊齊到筲箕灣東大街馳名的安利魚蛋粉麵吃午餐，三人還穿上阿葛的自家品牌T恤。正在讀大學的Jabez已高過父親，大概有1米8高，而且沒有遺傳阿葛年輕時的肥胖基因，完全接收了母系的優良遺傳，是靚仔一名，加上一雙憂鬱電眼，有星味之餘，亦是名副其實的小鮮肉，成新一代優質星二代。葛氏一家各自點了一碗粉麵，再加一碟油菜及淨魚片共享。阿葛跟太太是店中熟客，與女店主不時閒談，阿葛亦順便向店主介紹兒子，甚有家教的Jabez跟店主點頭示好。而心情極靚的阿葛跟葛嫂，就邊食邊傾邊笑。一頓午餐吃了大概20分鐘，Jabez便到櫃枱埋單，兩公婆則先行步出店門。之後Jabez跳上了泊在門外、坐擁500匹馬力的辣跑Benz CLS63 AMG，載母親離開。採訪、攝影：徐錦池、潘冠恩
【3歲】■Jabez小時候少了一份憂鬱多了一份可愛及童真。資料圖片
【11歲】■阿葛秘婚及生子消息曝光後，太太Mini曾帶囝囝Jabez看爹哋的演唱會。資料圖片
來源:
http://hk.apple.nextmedia.com/entertainment/art/20160804/19721999
林海峰 阿葛 難對親家
1 :
GS(14)@2016-08-07 01:48:20■林海峰與林熙蕾昨日在中環為護膚品牌活動宣傳。
葛民輝的21歲兒子Jabez被讚靚仔，好友林海峰（Jan）昨日在中環出席護膚品牌活動，笑說阿葛兒子的優良基因是葛太功勞，與阿葛無關。至於Jan的女兒林泳曾被讚是「優質股」，他表示要多謝傳媒。問與阿葛可有機會對親家？Jan說：「佢哋唔識，緣份嘅嘢唔知道，正如我冇諗過同阿葛相識多年又一齊做嘢。」又講笑說還有很多人靚仔過阿葛囝囝。
■林建名細女林煒珽單拖現身。
對於阮小儀跟余文樂傳拍拖，Jan笑指不少朋友向他查詢，又指這件事帶給香港人好多希望。另外，昨日同場的林熙蕾，本來與老公及兩個囡囡同行，但因囡囡不適，老公要照顧囡囡而一同缺席。採訪：曹家誠攝影：沈健程
來源:
http://hk.apple.nextmedia.com/entertainment/art/20160804/19722018
阿仔係小鮮肉全家着阿葛潮牌做制服
1 :
GS(14)@2016-08-07 01:48:20葛民輝喺娛圈同潮界嘅地位有番咁上下，不過屋企人就收得好埋，而囝囝Jabez真係甚少現身。眾所周知阿葛後生嗰陣肥肥哋又cute cute哋，不過阿仔似乎就冇遺傳到呢啲基因，反而勁有「小鮮肉」feel，望落仲有幾分似古巨基！而日前阿葛一家三口非常之咁親子look，齊齊着住阿葛嘅潮牌出品，阿葛主理嘅潮牌郁啲都成千銀，睇嚟阿仔真係可以慳返唔少置裝費。阿葛亦都好錫囝囝，俾自己架Benz佢揸，自己就揸另一架七人車。話晒Jabez已21歲，揸Benz為老竇潮牌做生招牌喎，係型嘅！
來源:
http://hk.apple.nextmedia.com/entertainment/art/20160804/19722075
自稱友情價插旗 阿葛ViuTV派錢
1 :
GS(14)@2016-11-29 00:14:43【《蘋果》專訪】開台至今逾半年的ViuTV，為吸引觀眾不斷加入新元素，下月5日至16日將會推出由葛民輝主持新遊戲節目《籌旗》，並會由鄭融、雨僑、譚淇淇和張紋嘉擔任女隊長，挑選猛男進行競技遊戲；而每集會送出10萬元等值的「拍住賞」儲值額予家庭觀眾，每5集又增設特別大獎，10集共送出200萬等值的「拍住賞」。阿葛笑言收友情價，他說：「收視我覺得係假嘅，最緊要收錢，監製好好人，年尾搵我做節目幫我『籌旗』。」
擔心爆粗
阿葛曾為無綫主持遊戲節目《亮相》，問到今次是否倒戈？他說：「我一向係部頭，個個台都有機會見到我。我亦冇鋤強扶弱，因為而家全世界都咁弱，大家都吊緊鹽水，係深切治療部隔籬病房箒，因為太多選擇嘞，冇一支獨大。」由於今次是現場直播節目，阿葛坦言擔心會爆粗，他笑說：「監製最擔心，問可唔可以遲兩秒先出街，驚要收信罰錢。」
■阿葛為ViuTV主持新遊戲節目《籌旗》，每集送出10萬元等值的儲值額給觀眾。
■Olga早前帶同飼養的貓咪到觀塘拍外景。
另外，憑參加《美選D.n.A.》而為人認識的動物診所助護石希露（Olga），雖然在比賽中早早出局，但卻率先獲機會主持以流浪動物為題的節目《守護毛小孩》，日前Olga更帶同飼養的其中三隻貓咪和雪橇狗到觀塘拍外景。她說：「最初一對鏡頭就好緊張，成日食螺絲要NG，而家拍落咗好好多。」Olga表示原本打算出局後花多點時間陪伴家裏的二十二隻貓狗，但後來被節目題材打動，她說：「主要講被人遺棄嘅動物，唔係攬住隻狗然後教人點樣護理美容嗰啲，所以好有意義。」採訪：嵐山、曹家誠攝影：林德雄
來源:
http://hk.apple.nextmedia.com/entertainment/art/20161128/19847435
杜小喬拍阿葛壓力大
1 :
GS(14)@2016-12-06 03:56:20由葛民輝和杜小喬主持，鄭融、雨僑、譚淇淇和張紋嘉擔任隊長的ViuTV互動遊戲節目《Tap& Go拍住賞籌旗》，昨日在西貢舉行發佈會，該節目今晚起播出，每集有10萬元等值的「拍住賞」儲值額予家庭觀眾爭奪，當中亦增設特別大賞，10集共派出200萬等值的儲值額。10年沒做遊戲節目主持的阿葛，笑言接拍是因「錢到位」，他說：「唔係公司點會放人，唔係無言感激，唔係特別鳴謝。」阿葛一路講，在旁的杜小喬一路聽，她說：「我load緊，其實同阿葛合作，壓力好大。」採訪、攝影：黃曉妍
來源:
http://hk.apple.nextmedia.com/entertainment/art/20161205/19854993
阿葛爆元秋變緊張大師
1 :
GS(14)@2017-08-17 08:07:37電影《入鐵籠》昨日於屯門舉行開鏡拜神儀式，出席演員包括葛民輝、元秋、馬志威及楊柳青等，故事講述元秋繼承先夫拳館，阿葛為支持大嫂教導年輕一輩出力，阿葛笑說：「首次同秋姐合作，秋姐好緊張講對白。」元秋指過往曾為電影配音，但仍擔心自己廣東話發音不正確，所以要多加練習。元秋又指阿葛經驗豐富，得對方指點而獲益不少。提到今次動作戲份全交由年輕一輩負責，她說：「我唔使打，成班年輕人都好打得，特別係女主角楊柳青打得好犀利，我都係第一次睇到巴西柔術。」楊柳青昨日在現場示範不少靈活踢腿等動作。採訪：張俊銘攝影：陳俊強
來源:
http://hk.apple.nextmedia.com/entertainment/art/20170817/20123536
Next Page