廟街歌王孖阿肥Rap歌尹光恨拍劇：最好半忠半奸
1 :
GS(14)@2017-06-10 13:30:41■尹光挑選了手形領帶披上身，愛不釋手。
【《蘋果》專訪】現年70歲的廟街歌王尹光，自11年rap了一曲《Mr.ONE》後rap上癮，近日與42歲的24味阿肥一齊rap《潮神》，歌詞抵死爆笑。尹光和阿肥這個跨年代組合，沒有代溝，一拍即合，兩人日前宣傳新歌，他們相約到銅鑼灣一間潮店置裝，見到貨架靚衫，尹光和阿肥貪靚本色現形，他們又突然興起當街互動，尹光口痕唱了經典金曲《廟街》，阿肥就輕鬆rap接《潮神》，十分有默契，最後齊齊當街high爆舉中指。
■尹光為阿肥（左）佩戴飾物，兩人同樣貪靚。
■尹光和阿肥（左）即席街頭rap歌，非常有默契。
■尹光借來紅色法拉利拍《潮神》MV。
食蟲草補氣
阿肥大讚尹光涉獵歌影視，甚至粵劇界都瓣瓣掂，他說：「我哋冇嘢撈喇！」「老薑」尹光即謙虛說：「搵食嘛，隨遇而安，人哋興乜，我咪興乜，我由《少理阿爸》唱到?家幾十年，學到老，做到老。」訪問期間，尹光全程中氣十足，細細聲說話都幾乎爆咪，阿肥笑尹光：「你中氣吓吓喺丹田出。」尹光表示平日會吃蟲草補身：「後生時唔使養（聲），?家年紀大要養聲，食吓冬蟲草補氣。」堅持永不言休的尹光自爆恨演長篇劇過戲癮，他說：「嗰啲未做過，我唔怕辛苦㗎，唔辛苦邊得世間財，最好係做嗰啲半忠半奸嘅角色，適合我年紀啲角色，類似夏雨嗰隻。」尹光和阿肥的新歌《潮神》MV今日在網上熱播，導演張子丰把尹光打造成潮爆日本黑幫大佬，帶手下跟文青look的阿肥在元朗舊式酒樓講數，其後鏡頭一轉，尹光搖身變成老翻G-DRAGON，邊跳邊rap，老馬有火一句，尹光霸氣舉中指，導演張子丰大爆尹光平日做不慣粗口手勢，所以這一鏡頭頻吃NG。採訪：陳杰攝影：陳慧安場地提供：WAGAMAMAPLAYGROUND
來源:
http://hk.apple.nextmedia.com/entertainment/art/20170609/20049265