ZKIZ Archives


關淑怡節食盼零贅肉

1 : GS(14)@2016-02-18 23:32:59

關淑怡(Shirley)昨日到商台宣傳4月舉行的紅館個唱,Shirley透露已經進入揀歌階段,問到歌衫方面會否如個唱海報般性感?她說:「唔會喇,過往我啲衫都有一、兩套特別啲有戲劇feel嘅,不過今次我唔想太累贅,想以輕便為主。」Shirley亦坦言特意為了是次個唱而操體能及節食,除了做gym及行山外,現時每天只吃午餐,加上戒食所有澱粉質,希望做到零贅肉的效果。提到麥當娜近日首度在港開騷,曾是娜姐粉絲的Shirley表示未有購票入場朝聖,對於有指娜姐近期開騷均例遲,她笑說:「有睇到報道,但我是後輩,不予置評,不過作為歌迷可以見到佢都已經好開心。」採訪、攝影:譚倩宜





來源: http://hk.apple.nextmedia.com/entertainment/art/20160218/19494847
PermaLink: https://articles.zkiz.com/?id=296231

向雪懷騷 寶記敍舊關淑怡最索

1 : GS(14)@2016-08-14 14:29:22

■大晒事業線的關淑怡,多謝向雪懷令大家認識她。



一連兩場「香港夏日流行音樂節向雪懷一生中最愛作品演唱會」前晚於紅館開鑼,譚詠麟、鍾鎮濤、草蜢、關淑怡、周慧敏、黎瑞恩、湯寶如、王馨平等擔任表演嘉賓。寶麗金小花湯寶如和黎端恩,異口同聲指期待已久,小恩子說:「我一共出過7隻唱片,有5張係佢(向雪懷)監製,最受歡迎嗰首歌,都係出自佢手筆。」全晚最性感的關淑怡就大晒4吋事業線,胸壓全場,她說:「今年係我入行第26年,大家認識我都係因為向雪懷。」壓軸出場的譚詠麟就大讚向雪懷是才子,寫的詞入木三分。



■阿倫等眾寶麗金歌手前晚出席向雪懷音樂會致敬。

■周慧敏現身時大受觀眾歡迎。


大家似食防腐劑

完騷後關淑怡接受訪問,談到一身性感打扮,她說:「女人要keep,我10月會去上海做騷,所以盡量keep住呢個狀態。」草蜢表示最開心是跟舊同事見面,蔡一智笑說:「大家好似食咗防腐劑,咁多年都冇變,個樣同以前一樣。經過呢個騷之後,啟發咗我哋,想睇吓向雪懷有冇時間幫我哋寫番首歌。」至於主人家向雪懷亦謂很高興可以見到一班舊朋友,問到李克勤和黎明缺席會否覺得美中不足?他說:「唔緊要呀,克勤一早安排好要開騷,佢仲打畀我話唔好意思,黎明亦都因為有嘢做嚟唔到,呢行有啲嘢係身不由己,見到咁多舊朋友已經好開心。」採訪:王連連攝影:陳志嵐




來源: http://hk.apple.nextmedia.com/entertainment/art/20160814/19735251
PermaLink: https://articles.zkiz.com/?id=305793

憔悴出院自稱成手損晒關淑怡疑失戀酒後墮海

1 : GS(14)@2016-10-26 08:03:05

■關淑怡昨早身穿運動服步出醫院,一臉倦容。攝影:文兆麟



現年50歲的關淑怡(Shirley)昨日凌晨時分在愉景灣墮海!警方及消防員於凌晨4時54分接報到場,將她救上岸,當時神志清醒的Shirley被送往北大嶼山醫院治理。警方表示女事主跟朋友在海灘散步,其間突然走入海游水,由於叫極不返,友人向保安員求救要求報警。警方初步以有人墮海案件處理,經調查後列作有人情緒不穩。據稱,Shirley曾透露因工作問題不開心。



■關淑怡由女友人陪同步出急症室,並從秘道離去。

■前年關淑怡拖內地奀星李佳念出席活動,但姊弟戀好快玩完。資料圖片

■關淑怡昨日凌晨在愉景灣沙灘墮海,警方列作有人情緒不穩。攝影:胡恩宏

「我想食支煙」

昨日早上約11時,Shirley由友人陪同步出急症室,素顏的她戴口罩遮樣,披頭散髮十分憔悴,對傳媒追訪表現不耐煩:「可唔可以excuse me,好唔好呀?等等先講,真係借借。」問到事發情況?她說:「自己行落個海囉!」最近有甚麼不開心?她說:「你哋令我唔開心,見到你哋幾個cameras好唔舒服,你畀個private time我好唔好!」Shirley走到門外的保安崗位,再說:「我想食支煙,我係藝人,我都有right(權利),please!」友人陪她走回醫院並從秘道離去。事後Shirley向經理人報平安:「我唔係情緒有事,我係行沙灘,行吓行吓跌鬼咗落去,而家成手……其實我係飲咗杯……唉!唔好再提酒喇……而家成手損晒。如果情緒不佳,就唔會成手損晒啦!」4年前Shirley曾於社交網留言想輕生,對於今次被指情緒不穩墮海,據知可能跟老外dancer男友感情出問題,有指男友提分手令她受打擊。昨Shirley出院後在社交網貼燈泡照,寫道:「U light up my......career.」



■近月傳關淑怡戀上老外dancer,不時在社交網晒比堅尼相,心情大靚。微博圖片

曾志偉慰問

曾志偉昨日表示自己也找不到關淑怡,也希望送上問候,又稱自對方的演唱會後沒見過面,並覺得她落海只是發脾氣,但他認為不應拿生命來開玩笑,而且她還要照顧小朋友。王馨平透過短訊希望對方一切安好:「我會找一些寶記的朋友看看可以做些甚麼!」湯寶如則在電話說:「我建議佢睇吓醫生,如果咁樣真係好危險。」採訪:皓騫




來源: http://hk.apple.nextmedia.com/entertainment/art/20161026/19811992
PermaLink: https://articles.zkiz.com/?id=313526

阿倫盼給關淑怡空間

1 : GS(14)@2016-10-26 08:03:05

樂隊溫拿和太極昨日在柴灣為「純音樂Live2017」拍攝宣傳海報,影相時為遷就鏡頭角度,阿倫被安排站在木箱上。當兩隊樂隊大合照時,拿住頸巾的彭健新笑言要大家一齊扮拉頭馬,大叫「馬到功成」。受訪時,阿倫笑言溫拿造型似英國劍橋護老院,又嘲彭健新胸「墮」,問他們會否操練?阿倫挺直條腰笑說:「『粗』咗啦,仲『粗』。」對於關淑怡昨日凌晨疑情緒不穩墮海,阿倫表示現時應給予對方空間,又笑指關淑怡是練習渡海泳。提到有傳她情緒不穩,會否擔心有輕生念頭?數星期前見過她的太極成員HiFi德說:「我唔覺得會揀呢樣嘢,唔會咁大膽。」採訪:黃曉妍攝影:陳俊強




來源: http://hk.apple.nextmedia.com/entertainment/art/20161026/19811996
PermaLink: https://articles.zkiz.com/?id=313527

【馮仁昭四圍超】關淑怡墮海嗌好凍

1 : GS(14)@2016-10-27 06:02:47

關淑怡前日發生墮海事件後,惹來唔少猜測,佢噚日先喺微博留言話唔好意思,令到大家擔心。隔咗幾個鐘,再喺Instagram轉載佢單墮海新聞,澄清唔係游夜水,係失足落海,仲好幽默咁話:「啲海水好凍,四肢癱瘓,要人救。」另外,噚日陳輝陽到商台宣傳12月開嘅作品展,同關淑怡合作過嘅佢話:「佢應該唔小心啫,希望佢冇事。」撰文:馮仁昭




來源: http://hk.apple.nextmedia.com/entertainment/art/20161027/19813001
PermaLink: https://articles.zkiz.com/?id=313710

關淑怡傷痕古怪

1 : GS(14)@2016-10-28 06:24:20

50歲的關淑怡(Shirley)近年頻傳行為飄忽,又曾在社交網留言有輕生念頭,日前凌晨她忽然在愉景灣墮海,警方列情緒不穩處理,事後Shirley解釋自己飲了酒,着高踭鞋行沙灘才失足墮海。昨日她在社交網貼雙手受傷相,右手背有擦損傷口,而左手腕包着長紗布,但手掌都不見傷痕,傷勢似有點古怪。
Shirley寫道:「傷痕纍纍。」網友紛紛送祝福,鄭融都留言慰問:「Take care Shirley!」連外籍舞蹈員緋聞新歡Milton Lopes都問她發生甚麼事,大表關心。不過,Shirley忽然於昨午3時許刪除這個帖文。撰文:皓騫




來源: http://hk.apple.nextmedia.com/entertainment/art/20161028/19814253
PermaLink: https://articles.zkiz.com/?id=313847

關淑怡素顏蒲頭

1 : GS(14)@2016-12-24 10:55:40

關淑怡

關淑怡(Shirley)今年10月在愉景灣墮海,幸無大礙,當時有傳她因感情問題不開心。昨日孫慧雪在愉景灣舉行婚宴,大批傳媒採訪,約晚上7時左右,穿皮褸、短裙及剪了一頭短髮的Shirley忽然路過,可能發現有傳媒,她即急急腳離開。昨晚是她墮海出院後首露面,雖然她素顏沒有化妝,但看來比之前精神了許多。




來源: http://hk.apple.nextmedia.com/entertainment/art/20161224/19875164
PermaLink: https://articles.zkiz.com/?id=320012

關淑怡落海累工作取消

1 : GS(14)@2017-01-07 07:08:15

關淑怡去年十月與女友人在海邊傾偈,其間行落海,最後由警方帶上岸送院(圖)。事隔三個月,她昨在Ig重提當日事件,又不滿警方稱她情緒失控,強調只是不小心墮海。而關淑怡指關聲譽及工作事,更指因此事令落實的工作被取消。她強調當日有進行檢驗沒有吸毒,強調一生中從未做過。翻查記錄,當日警方把此事列作「有人情緒不穩」處理。




來源: http://hk.apple.nextmedia.com/entertainment/art/20170107/19888776
PermaLink: https://articles.zkiz.com/?id=321784

【馮仁昭四圍超】阿倫勸關淑怡 「睇嘢角度要扭正 」

1 : GS(14)@2017-03-22 00:47:14

■阿倫(右)前晚同區瑞強出席活動,講起關淑怡時好肉緊。





■關淑怡被指所住嘅酒店房間,截斷水電供應。資料圖片

譚詠麟前晚同區瑞強、森美等喺尖沙嘴出席謝瑞麟80壽辰晚宴,提到關淑怡(Shirley)涉嫌刑事恐嚇同普通襲擊被捕事件,佢話好耐冇同Shirley聯絡,有傳Shirley財困?阿倫語重心長話:「成個珠江三角洲嘅人對佢嘅歌都好熟悉,佢嘅歌好有實力,咁多歌迷,咁多金曲,珠三角有過億人口,好多人都聽廣東歌,佢要的起心肝。」阿倫坦言唔知Shirley有乜心結,有乜諗唔開,但其他人係幫唔到佢。講到話志偉幫Shirley解決財政問題,阿倫即衝口而出:「梗係,志偉係佢老竇喎!」


要照顧自己

阿倫以前都勸過Shirley,仲係好關心嗰隻,佢話:「勸都唔係今時今日嘅事,以前出嚟已經叫過好多次,個人放鬆啲,佢要照顧自己,其他人唔提點得太多,要自己面對。同佢講過唔好成日都咁騰雞,唔係個個都對佢唔好,睇嘢嘅角度要扭正啲。」有傳Shirley住嗰間酒店房,對佢cut水電,阿倫有啲愕然話:「點可能咁,如果真係唔租可以叫佢走,唔使cut水電,使唔使門口放煙攻佢呀!」撰文:馮仁昭




來源: http://hk.apple.nextmedia.com/entertainment/art/20170321/19964530
PermaLink: https://articles.zkiz.com/?id=328216

小恩子唔信關淑怡財困

1 : GS(14)@2017-03-23 06:27:27

sp'ACE的「找片天空接收我們」音樂會昨日在灣仔合和中心舉行,表演嘉賓是師姐黎瑞恩(小恩子), sp'ACE成員鍾健威的女友黃美棋、吳業坤和張紋嘉前來捧場。小恩子被問到關淑怡涉刑事恐嚇被捕一事,她說:「要講會講,唔會特別八卦。有時迷失,聽唔入耳就唔入耳,我覺得佢冇嘢。」關淑怡被指財困,她說:「未經證實,我唔會信。」
sp'ACE主音周吉佩指有很多人會在台上求婚,眾人即刻望着鍾健威,問他有否打算求婚,鍾健威說:「佢(黃美棋)都唔急,佢仲係好青春,仲有好多貨。」採訪:盧妹攝影:仇志德




來源: http://hk.apple.nextmedia.com/entertainment/art/20170322/19965728
PermaLink: https://articles.zkiz.com/?id=328397

Next Page

ZKIZ Archives @ 2019