八三一落閘後轉撐佔中
1 :
GS(14)@2015-03-08 12:50:08
【本報訊】黃偉賢雖然對北京、特區政府未有給予港人真正普選十分不滿，但他原來從不是泛民支持者，更加是親建制教聯會的廿年會齡老會員，參加過周融舉辦的反佔中遊行，而令他由撐政府、反佔中，轉變為批評政府、撐佔中的轉捩點，就是北京為普選落三閘的人大八三一決定，「人大八三一決定好明顯係大陸撕爛塊面，話畀大家聽我係專制，我覺得冇辦法，你專制，我就要話你聽我唔要專制」。
曾在旺角通宵留守
黃偉賢對記者強調，自己從不是任何政黨成員，作為教師也不想教師和學生參加佔中活動，所以他有參加反佔中遊行。令他由反佔中變成撐佔中，完全是人大八三一決定，令他感到不能再沉默下去：「八三一落咗閘之後，我仲有乜辦法箒？你係擺明專制，一係香港人就做順民，好似大陸咁同流合污，你想唔想香港第日道德質素咁低吖？」人大八三一決定令黃偉賢走向撐佔中，但要他在親建制的教師團體中站出來，提出反對意見，要走這條路也不是容易。去年新界校長會就政改進行內部諮詢會時，黃偉賢當面批評在席的林鄭月娥等官員，指政府推銷人大八三一框架是「帶頭賣假嘢，咁我哋點教啲學生？」當時在場的其他校長，並沒有與黃站在同一陣線，但一件令他感安慰並堅信自己理念的事，卻在會後發生：「完咗個會後，有幾個校長話好贊同我講嘅說話，不過佢哋唔敢講。」黃偉賢說自己雖然支持佔中，去年九月底在內地工作時，已經請假準備十月一日「去飲」，佔領期間不時到佔領區視察，亦曾經在旺角佔領區通宵留守，但作為一名老師，他極之反對暴力衝擊行為，更直言不認同佔領運動後期的升級行動。■記者林俊謙
來源:
http://hk.apple.nextmedia.com/news/art/20150308/19067947