ZKIZ Archives


杏兒Phil開餐傾唔停

1 : GS(14)@2015-08-17 08:32:30

讀者提供圖片


【爆相爆片】胡杏兒與夜場老闆男友Phil越愛越高調,讀者唐太昨日透過本報「爆相爆片」,拍到杏兒前晚帶Phil及親友到大埔食飯,席間杏兒跟男友Phil傾唔停。杏兒昨日凌晨又在facebook貼了與男友拖手背影相晒蜜,有傳杏兒今年12月28日在英國出嫁,而拖手相似是暗示執子之手,與子偕老。採訪:楊定





來源: http://hk.apple.nextmedia.com/entertainment/art/20150816/19257531
PermaLink: https://articles.zkiz.com/?id=292026

景峰拖僆版栢芝開餐睇樓盤

1 : GS(14)@2016-03-01 18:57:31

【十指緊扣】■Andrew同「僆版栢芝」楊埕前晚戴情侶帽拖手行街散步,雖然夜麻麻但未見有親暱舉動。








【天后】現年25歲嘅龐景峰(Andrew),不時傳出夜蒲兼緋聞,但自從舊年簽咗畀韓國公司正式出道後,就經常陪媽咪郭秀雲出席活動,母慈子孝建立乖乖仔形象。不過早排自稱單身嘅佢,前晚約10點就俾本報記者影到同一個妙齡少女,喺大坑浣紗街一間食日式串燒嘅食店撐枱腳。記者事後發現嗰位少女原來係兩年前曾退選港姐、舊年轉戰國際小姐、芳齡22歲兼有「僆版栢芝」之稱嘅楊埕(Sabrina)。小情侶一路食一路傾,到11點半都未捨得走,連食店打烊、班員工換晒衫企喺門口等佢哋都唔知。最後Andrew埋單走人,同女友十指緊扣咁喺附近拍拖散步。仲行到出馬路中間。



【打烊先走】■景峰同楊埕前晚喺居酒屋食到人哋打烊,要食肆員工企晒出門口歡送佢哋。

【關注樓巿】■小情侶睇樓盤廣告,唔知係咪有意築愛巢。

【陪等巴士】■Andrew送女友上巴士就閃人,女仔人家危險嘛,下次唔好啦!


■Sabrina(右一)喺1月尾現身男友所搞嘅活動,當時Andrew媽咪郭秀雲(左一)都在場。資料圖片

送女友坐巴士

佢哋散步期間,途經一間地產舖見到樓盤廣告,Andrew同女友對住櫥窗指手劃腳,記者聽到佢同女友講解話:「呢個單位咪喺呢度囉!」隨即指一指附近一棟大廈,似有意入市或租樓盤。雖然啱啱食完串燒,但Andrew可能未夠飽,佢之後帶咗女友去天后食甜品,食完就陪女友到巴士站等車,等女友上車後,Andrew就截的士返屋企。記者見Sabrina落車返大圍寓所時,路經一條黑麻麻天橋都要兩頭擰急急腳行。話晒夜深人靜,加上最近有當街斬人事件,下次Andrew最好畀番啲gentleman風度出嚟,送到女友返屋企門口,咁先萬無一失嘛!採訪、攝影:畢紹基、朱志聰





來源: http://hk.apple.nextmedia.com/entertainment/art/20160301/19510748
PermaLink: https://articles.zkiz.com/?id=296470

吳綺莉帶卓林石澳開餐

1 : GS(14)@2016-03-08 16:12:50

■吳綺莉(左)與卓林日前下午到石澳食越南菜。


吳綺莉與女兒卓林近日經常被影到孖住出巡,日前母女二人趁假期便約了一位女性友人,由跑馬地出發到石澳開餐。當日約下午4時半,吳綺莉駕車載朋友及卓林由跑馬地出發,途經淺水灣、赤柱直駛石澳,坐在車廂後排座位的卓林經過大潭水塘時,更好奇拿相機拍照,抵達石澳後,一行三人到了一間越南餐廳吃東西,吳綺莉與餐廳職員明顯頗熟絡,而卓林抵達餐廳後則變低頭族,全程玩手機,吳綺莉則與女友人傾不停,飲飽食醉便走到門外嘆飯後煙。採訪:畢紹基、潘冠恩





來源: http://hk.apple.nextmedia.com/entertainment/art/20160308/19520414
PermaLink: https://articles.zkiz.com/?id=297265

馮仁昭四圍超:陳澤民率小鮮肉包房開餐

1 : GS(14)@2016-05-21 17:49:40

■陳澤民着住土豪裝帶幾位小鮮肉行老銅,當中同粉紅色衫一位最好傾。








陳冠希父親陳澤民自離婚後,身邊不時有男星同男模車輪轉,絕對唔比個仔頻頻換畫弱。陳澤民早年曾同肌版「林峯」謝宇風去曼谷曬太陽,對方更親密幫佢搽太陽油,之後又傳佢同前亞洲先生冠軍朱曉輝一度過從甚密。陳澤民越大越愛熱鬧,前晚7點幾,佢同6名男伴行銅鑼灣,6位「小鮮肉」高大健碩,其中兩個以背囊造型嘅自由行打扮,同陳澤民嘅卡其色風褸西褲大叔打扮,成強烈對比。



■幾位小鮮肉共通點係大大隻逼爆衫。

■陳澤民同成班小鮮肉,去到西苑包咗間房醫肚。



行街齋睇冇幫襯

鍾愛銅記嘅陳澤民一拖六,浩浩蕩蕩去時代廣場「巡視」名店,行足幾層都係齋睇唔買,亦冇入舖頭認真研究,其間眾人多數都係以普通話交談。之後,一行7人轉場行到附近利園,但依然係冇幫襯,大概行咗半個鐘,陳澤民就帶眾男去西苑嘆中餐醫肚,一向豪氣嘅佢更「包房」用膳,進食途中就再多咗中年男士加入飯局,原本包廂有玻璃窗可以睇街景,不過佢哋就揀拉埋窗簾食飯。撰文:馮仁昭





來源: http://hk.apple.nextmedia.com/entertainment/art/20160519/19617592
PermaLink: https://articles.zkiz.com/?id=300728

陳伶俐陪奶奶開餐 豪邁撩牙

1 : GS(14)@2016-08-07 02:13:43

■陳伶俐日前與家人在跑馬地開餐,身形又脹了不少。








【跑馬地】林敏驄前妻、39歲的落選港姐陳伶俐,於2012年低調改嫁新加坡隱形富豪胡嘉烈後人劉頌銘,前年更為對方誕下兒子,深得劉家上下歡心。日前,她與老公同樣身穿黑色衣服現身跑馬地,同行還有奶奶、一名白頭髮男士及一名女長輩,原來一行幾人去開餐,更坐近餐廳門口位置。



【食唔停口】■陳伶俐胃口好好,全程不停進食。

【伸手清潔】■眾目睽睽下,陳伶俐直接伸手入口清理攝着的食物。

【食飽離開】■陳伶俐和奶奶婆媳關係好,亦深得老公劉頌銘痛錫。


■陳伶俐開畫廊,獲老公和奶奶大力支持。資料圖片

非常好胃口

整個飯局中,陳伶俐非常好胃口,見她全程不停落力大啖大啖進食,又與老公及女友人高談闊論,全程沒有停口。陳伶俐一向率性,吃得七七八八,她即拿出牙籤清潔牙縫,未幾她更索性多次直接伸手入口處理,估計攝着食物令她非常不適,加上相信在座幾位都是自己人,所以她可以全無避忌,不理儀態忘形地撩牙。晚飯後,眾人結賬離開,陳伶俐與老公率先步出,見她手持外賣袋,相當惜食,奶奶就緊隨其後,齊齊上車走人。



流露幸福肥

陳伶俐夫婦不時出埠旅行,例如上月齊齊去巴黎觀看歐洲國家盃球賽,更在facebook大貼美食相,難怪她入門數年,心廣體胖,體形增大兩個碼流露幸福肥。採訪、攝影:徐錦池、吳耀輝





來源: http://hk.apple.nextmedia.com/entertainment/art/20160806/19724619
PermaLink: https://articles.zkiz.com/?id=304690

傳呂麗君要經秘書安排接見甘比拖大劉笑晒開餐

1 : GS(14)@2016-08-08 00:17:07

【心情不俗】■甘比扶實大劉入酒店時,回眸看一對子女露出燦爛笑容。








【尖沙嘴】大劉劉鑾雄與女友呂麗君爆出已分手一年多後,沉寂無影多時的她連環出招,向傳媒否認與大劉已分手,更忽然高調地連續兩日帶6歲細仔子鋒踩上華置總部,其中前日下午更撞正大劉與甘比食午飯返公司,有雜誌指三人「會面」近90分鐘,大劉與甘比大概四時離開,呂麗君則行蹤成謎,報道更指呂麗君若要見大劉,需經過大劉秘書安排約見,但她連日現身華置都是主動上門見大劉。大劉就懶理分手新聞,如常與甘比外出開餐,昨午一時許,他與甘比一房人現身尖沙嘴半島酒店食午飯天倫樂,他身穿藍色上衣及西褲,與穿着Valentino藍色星星裙的甘比齊坐Maybach房車到達,而甘比母親就乘坐另一部七人車,照顧大劉與甘比的一對子女秀樺及仲學。



【專注打機】■斜孭着粉紅Hermès手袋的秀樺一手拖實外婆,一手玩手機。

【扶實慢行】■大劉昨日可自行用枴杖借力步行及扶實甘比手臂,而保鑣則準備輪椅殿後。

■呂麗君(右)前日再帶細仔子鋒現身華置,有指與大劉及甘比「會面」近90分鐘。資料圖片



毋須輪椅輔助

抵達酒店後,甘比先落車即行到大劉下車位置照顧對方,近月因健康問題暴瘦的大劉精神不太差,步出車廂以枴杖輕微借力,右手如常捉實甘比手臂,但就毋須用保鑣已準備的輪椅輔助,自行慢步入酒店大堂。其間,甘比回眸望一對子女時,更露出笑容,盡顯心情不俗,有別於前日她與大劉出入時的愁眉深鎖面容,而秀樺就邊行邊掛住玩電話。此外,昨日有報道指大劉與呂麗君分手後,女方帶同一對子女由白建時道獨立屋搬往白加道獨立屋居住。採訪、攝影:朱志聰、梁繼光





來源: http://hk.apple.nextmedia.com/entertainment/art/20160807/19725951
PermaLink: https://articles.zkiz.com/?id=304822

青霞開餐保鑣護駕

1 : GS(14)@2016-09-04 18:03:45

大美人林青霞深居簡出,甚少出席公開場合,除了做善事和寫書之外,平日她都會相約三五知己外出飯敍,日前本報在上環發現林青霞的影蹤,在明星食堂尚興潮州飯店品嚐潮州菜,大劉和周星馳亦經常光顧。當晚10時許,穿上白恤衫肩披橙色外套的林青霞,與兩名友人在私人貴賓房食飯,離開的時候,林青霞由兩名保鑣貼身保護步出,還為她拿着大包細包的外賣和酒。當兩名保鑣發現附近有記者,即刻通知林青霞,未知是否未有化妝,林青霞在月黑的晚上,戴上墨鏡步出食店,並優雅地行前幾步上車,與友人一同離去。採訪、攝影:黃曉程




來源: http://hk.apple.nextmedia.com/entertainment/art/20160904/19759159
PermaLink: https://articles.zkiz.com/?id=307467

【開餐調情】JM三巴收服的士邦

1 : GS(14)@2016-09-24 23:30:46

餐廳既可享受地道美食,情到濃時又可以卿卿我我,實是拍拖談情的不二之地。


文詠珊(Janice Man)、鄭子邦

JM前年跟的士車行太子爺「的士邦」鄭子邦在銅鑼灣意大利餐廳為友人慶祝生日,JM先使出迷魂鎖,又調情三打男方臉頰及嘴巴,兩人目前已經分手。


吳忠義、Beth

司馬燕丈夫吳忠義今年1月跟新歡Beth在銅鑼灣酒店蜜會,親密調情擒啜對方,見有記者在場後,二人十指緊扣狼狽行後巷逃離現場。


沈卓盈、眼鏡男

今年3月,甩拖的沈卓盈偕眼鏡男新歡在銅鑼灣雪糕店嘆雪條,兩人不時頭貼頭傾偈,沈卓盈拿手機自拍後與眼鏡男研究相片,其間她又不停舔雪條。


孫慧雪、Edwin Lo

今年8月跟富二代男友Edwin玩地下情,二人被拍到在北角食吉野家撐枱腳,Edwin細心為女友送上紙巾,又幫女友玩自拍。




來源: http://hk.apple.nextmedia.com/entertainment/art/20160924/19780216
PermaLink: https://articles.zkiz.com/?id=309854

全智賢娘Look孖李敏鎬開餐

1 : GS(14)@2016-09-27 08:02:26

韓國女神全智賢和「長腿Oppa」李敏鎬現時身處西班牙拍攝新劇《藍色海洋的傳說》,日前二人又被網民捕獲拍攝撐枱腳戲份。扮演人魚的全智賢穿上粉紅色連身裙,身旁的李敏鎬就細心地教她用叉食東西,而相當入戲的全智賢更因為不識用叉而變了污糟貓,十分搞笑。不過細看人妻全智賢件公主服就似乎娘味十足,似乎今次服飾有點失手。



■首次到米蘭睇時裝騷的李敏貞坦言十分掛念兒子。

另外,韓國另一人妻李秉憲的太太李敏貞,在香港時間前晚就現身米蘭時裝周的Salvatore Ferragamo2017春夏時裝騷,李敏貞自言是第一次到米蘭睇騷,又說:「會逗留3天,其間會去佛羅倫斯的品牌總部進行shooting工作。」李敏貞又坦言十分掛念兒子,亦會購買一些童裝給他。採訪:顏英儀攝影:葉君海




來源: http://hk.apple.nextmedia.com/entertainment/art/20160927/19782593
PermaLink: https://articles.zkiz.com/?id=310304

邀TVB藝人明年5月入屋傲兒姊妹奇妙電視開餐

1 : GS(14)@2016-10-18 08:15:24

■何傲兒和何傲芝(右)將在《何家姊妹何家餐》比拼廚藝。資料圖片



繼ViuTV之後,香港另一全新免費電視台奇妙電視將於明年5月中開台,使用數碼頻道77台全日24小時高清播放。為奇妙電視提供製作的有線團隊高層昨公佈開台節目內容,新電視台將以娛樂節目為主,除娛樂新聞、星級訪問及中日韓人氣劇外,更有旅遊飲食資訊節目,目標觀眾群為3歲至80歲。過去幾年無綫撬走不少有線藝人過檔,今次輪到奇妙電視力邀無綫離巢藝人合作,包括陳倩揚、林芊妤(Coffee)、何傲芝和妹妹何傲兒等。其中陳倩揚將主持小朋友飲食資訊節目《細細Love》,何傲芝和何傲兒主持《何家姊妹何家餐》,到著名食府比拼廚藝,邀請林建名等名人藝人擔任嘉賓。



■有線高層陳詠萍(中)及霍澤基(右二)昨日拉隊公佈奇妙電視節目內容。

■Coffee亦會主持《吾男吾女》,大膽討論兩性關係。資料圖片


攻一家大細

有線節目發展及宣傳總監霍澤基昨說:「我哋想做得family啲,估計到大台rating出年一定跌,新電視台一定搶rating,2017年畀觀眾有得揀,我哋唔會做《真PK》呢類,太婆媽冇資訊性嘅節目我哋係唔會考慮。玩SM嘅節目唔會長久,我哋會製作一啲啱一家大細睇嘅節目,希望觀眾睇完有得着。」另外,《帶阿媽去旅行2017》將由李司棋與女兒葉子青往東非,戚美珍與兒子苗俊到不丹等;而黎燕珊主持的《朝拜傲媽》則會邀請郭晶晶、吳婉芳等分享成功媽咪教仔心得,又有曾美華和趙海珠兩位前新聞主播主持《放試》,進行不同社會實驗等。據有線節目發展及製作總監陳詠萍透露,奇妙電視亦將有自家製劇集和音樂節目,詳情有待稍後公佈。



■黎燕珊(圖)將邀請郭晶晶等成功媽咪分享教子女心得。資料圖片

■已是兩子之母的陳倩揚,明年將為開台的奇妙電視主持節目對撼無綫娘家。資料圖片


酬勞勝無綫

陳倩揚昨被問到倒戈時笑說:「又唔好咁講,只係有唔同合作平台,佢哋個節目好適合我,自己都好期待。呢個行業要百花齊放,大家終極目的都係想觀眾睇得開心,演員自己又多發揮空間。」問酬勞是否更勝無綫時,她說:「都會多過嘅,但唔係睇呢樣嘢,只要有機會、有發揮空間已經好開心。」採訪、攝影:魯吉


【有乜睇?】Coffee討論性上癮


《吾男吾女》

林芊妤(Coffee)主持,每集找來城中型男gathering談兩性話題,例如何謂草食男和肉食女,甚至性上癮等,並跟觀眾互動一起談論。


《無『恐』不入》

歐錦棠和心理學家及催眠師主持,邀請嘉賓作不同恐懼考驗及體驗,然後由專家分析因由。


《細細Love》

陳倩揚主持,針對小朋友健康之四時飲食,並配合中西醫和營養師之設計,與觀眾分享特色餐單。


《朝拜傲媽》

主持黎燕珊邀請郭晶晶、陳美齡、曾華倩、吳婉芳等不同令人引以為「傲」的媽媽,分享教子女心得和秘訣。


《帶阿媽去旅行2017》

李司棋與女兒葉子青前往東非、戚美珍與兒子苗俊前往不丹,以及李彩華與媽咪前往印度。


《何家姊妹何家餐》

由何傲芝和何傲兒兩姊妹主持,到城中名人藝人至愛食肆比拼廚藝,並邀請不同嘉賓出席。




來源: http://hk.apple.nextmedia.com/entertainment/art/20161018/19804008
PermaLink: https://articles.zkiz.com/?id=312570

Next Page

ZKIZ Archives @ 2019