中環在線--青啤金志國：「贏」中易亡 李華華
2008-11-04 AppleDaily
金 融海嘯冲擊全球股市已超過個半月，唔少經濟學者、乜乜分析師走出嚟事後孔明解釋，財爺曾俊華仲自吹早知有海嘯。據網易報道，早輪喺內地舉行嘅《2008環 球企業家高峰論壇》，出席者之一嘅青島啤酒（168）董事長金志國，亦學人解構呢次危機，玩「拆字」分析金融海嘯，佢認為企業要喺海嘯中倖存，要領悟一個 字──就係「贏」字。金志國話，中國企業嘅平均壽命只有3.5年，而花旗百年老店雷曼兄弟亦要走上破產嘅末路。點解呢？佢解釋：「喺追求贏嘅過程中，往往 忘記咗『贏』字最頂端、最重要嘅『亡』字。」咁即係話企業切忌貪勝不知輸，要認清不時出現嘅風險，慢吓手一個浪冚埋嚟，隨時沒頂。
「口」字代表反應
金志國仲話，「贏」字中間嘅「口」字亦好重要，佢代表高層對危機嘅認識同反應有幾深幾快，尤其喺呢次金融海嘯，點講、點做？完全取決呢個「口」字喎。聽落有啲玄，可能咁先顯得高深。