美股從高位回調，但幅度不大。高露潔及卡樂氏等零售巨企營收狀況令人失望，拖累大市向下，杜指早段曾下滑超過110點，午後在金融股的推動下，收回大部失地，收市只係跌31點，報10467點，標普500指數跌5點至1102點；納指跌13點，收2252點。杜指期貨最新報10409點，比現貨低水58點。
7 月份至今，杜指累計已經上漲超過7%，漲幅僅次於2009年7月份所創歷史最高紀錄，的確係大上大落。美國商務部今晚收會公佈第二季GDP數據，大部份分 析員估計GDP增長介乎2%至2.5%，增長放緩的主要原因係5月及6月期間，市場非常憂慮滯賬，以至拖慢了經濟的節奏。
港股美國預托證券偏軟。ADR港比指數收報20994點，比香港收市低100點或0.5%。匯控失守80元，收報79.74元，比香港收市低1%，中移動報78.45元，比香港收市低0.2%。
昨日公布的美國就業數字唔算太差，勞工部宣佈最新一周鮋首次申領失業救濟金的人數，降低11000至45.7萬人。不過，連續申領人數仍然有所增長，增加了8.1萬人至457萬人，顯示勞工市場仍然唔掂。
衡量一家零售公司，要睇鮋不外乎三個數字：銷售，尤其係「內生性增長」（organic growth），所謂「內生性增長」，就係並非通過兼併收購方式實現的銷售收入和利潤的增長，內生性增長主要受銷量和售價左右。睇高露潔的成績表，就不難 理解投資者對其前景的憂慮，選擇走為上著。由於市場的激烈競爭，又提唔到價，高露潔去季的銷售額及銷量增長都遠遠低過市場預期，分別只有2%及3%；而價 格增長只有0.5%。而卡樂氏情況亦差唔多，即使包括因產品質素出現問題而要回收的每股0.1美元成本，盈利仍然差過預期。高露潔及卡樂氏昨日齊齊勁挫近 7%。連粟米片和牙膏這些日常生活必需品都冇乜增長，好大程度上反映到美國經濟的基調唔係咁穩當。
股市想跌時，借少少勢都跌到七個一皮，但而家美股走勢仍強，所以好似零售股銷售唔掂呢種一般性懷消息，亦打唔死美股。
昨日講到炒股止蝕及獲利之道，網友一草一木有此回應：「陸老師: 早晨,多謝過去兩天的分析.小民不是挑戰您的專業,不過有疑惑之處,敬希繼續賜教.
你話" 當你炒三隻股，同樣注碼，兩隻輸10%走鰦，另1隻升20%先沽一半，咁已經補番其蝕兩隻輸的錢，另一半(等如總注碼六分一)，最後贏鰦一倍，你成個組合 都有17%回報，夾埋有錢贏，咁先至係成功。"小民不明之處是假如升和跌的幅度是一樣,假如遵行10%要止蝕的話,那麼獲利走的機會比止蝕難,因為升要 20%才走,而跌了10%也要走.」
一草一木再問：「假如A股當初買入價為100元,跌了10%,90元止蝕走了,然後再多跌5%85.5元再賣入,要升20%致102.6元才可沽出,然而升20%不是容易,可能升15%已經很厲害.可是15%才是98.325元.在現時環境很難訂下目標買入.如何是好呢?謝謝.」
我第一個回應係有意見一定要提，我唔會覺得你挑戰我，因為如何設定炒股的交易規則是很複雜的問題，根本不是三言兩語講得清，而且我也只是高度簡化地舉例，你唔理解我想講乜或者唔同意，都好正常。
講№要講重點，我係由一草一木組合中炒股那部份講起，重點係「炒股必要止蝕」，唔止蝕好易讓虧損不斷擴大，慢慢變成蝕40%、60%、80%的死棋，有不少股票係變鰦死棋唔會番生，之後在地底玩泥沙，資金永久耗損，所以炒股要止蝕係基本原則。唔好以為止蝕好易做，在現實生活中，止賺，甚至過早地止賺，易過止蝕好多。
止 蝕有代價。你未試過唔知，試過就知，代價有兩種，第一，也是最大的，就是因止蝕錯過好股，例如你本來買了比亞迪，但一買就跌，你止了蝕，結果佢升鰦上太 空，你後悔莫及，並對教你止蝕的人深惡痛絕。我可以事先回應你，你買好快要止蝕，係你入貨時機不好，通常係升得太急時高追，下次練好鱓工夫，選好鱓入市 位，就可以減少止蝕的機會;其次止完蝕之後，唔代表你唔可以再買這隻股票，你可以搵好位當一個新交易再買，你無買唔關我事; 再者，如果你再買比亞迪又要再止蝕，你自己買股方法好有問題，唔係止蝕的問題。股市有過千隻股票，那些10倍股唔多，暴跌股好多，止蝕係令多數人在多數的事候保住性命，當然有可能令少數人在少數的時候錯過好股，你要問纒自己，保住條命緊要，還是發達緊要?
第二種代價細鱓，但好常見，我買隻股跌唔止蝕，死守，等等纒等番到家鄉，唔使輸。但你要睇纒等幾耐，我記得自己寫過篇文叫「貴買好股等七年」，好似講中移動(941)
上一個高峰買鰦等7年才見家鄉。一草一木的上海電氣(2727) 可能都要等好多年才見家鄉。損失了好多機會成本。
一草一木問「假如升和跌的幅度是一樣, 假如遵行10%要止蝕的話,那麼獲利走的機會比止蝕難,因為升要20%才走,而跌了10%也要走?」你的錯誤在假設中，買股不是買大細，在賭場買大細開大 或開細的機率一樣，但如果你認為買一隻股升和跌的機會都一樣，你為甚麼要買? 買得，當然「覺得」(雖然呢種感覺未必科學)佢會升，即係升的機會大鱓。所以佢違反你的估計，不升反跌時，顯示估計可能有誤，跌到一定水平時，就要認錯走 人。另一方面，如果炒一隻股，你唔估佢起碼有兩三成升幅，我又問你做乜炒佢? 所以下注時你要同意，你買那隻股，在現價水平，升兩三成的機會大過跌一成，才好下注，否則唔好買，這就是我經常講的值博率。唔買唔會死人，買就有可能輸 錢。搞唔清呢鱓基本原則，唔好去炒股。
一草一木問：「假如A股當初買入價為100元,跌了10%,90元止蝕走了,然後再多跌5%85.5元再賣入,要升20%致102.6元才可沽出,然而升20%不是容易,可能升15%已經很厲害.可是15%才是98.325元。」
我可以俾一個數學的答案，我本來的情境是我有300元，分三注買三隻股，每注100元，所以輸兩隻各輸10%止鰦蝕，贏第三隻不但可以追回輸掉的，還可以贏突。如果你將300元一注下清，當然就有你講的問題，這也證明分散投資的好處。雖然散戶每炒一隻股都以為單靠這隻股可以令他變成百萬富翁，但殘酷的現實卻是，他可能一舖清袋，市場上可炒的股份多的是，不用一舖「哂冷」喎。
另有一個投機技巧的答案，散戶無計劃，想一舖發達，注碼高度集中。真正的投機家，佢有清楚的計劃，追求年度的高回報，即係話年年贏，絶少輸，如果年年贏，一年有30%已經好強勁，所以投機家的技巧，主要在於設計一個可以較少輸錢、多多贏錢的炒賣方式，少輸即走，贏就咬住，一減一加就是贏。投機家多數唔會將所有錢買一隻股票(不過有時殺得性起時會比較集中注碼，但他們通常係咬住人唔放時才加注)，所以根本不會出現10%止蝕，整個組合本金馬上減少10%的困難局面。
陸羽仁