ZKIZ Archives


26歲珍妮花戀47歲達倫

1 : GS(14)@2016-10-18 08:15:37

26歲金像影后珍妮花羅倫絲(Jennifer Lawrence)近日被爆撻着比她年長21年、現年47歲《黑天鵝》(Black Swan)導演達倫艾朗夫斯基(Darren Aronofsky),據知二人因為合作新片而結緣,更有粉絲影到二人拍拖撐枱腳的相片。據英國《太陽報》報道,珍妮花與達倫在美國分隔兩地,女方住在洛杉磯,而男方住在紐約,不過他們經常會飛去找對方,亦會成日講電話。



■達倫與前未婚妻麗素育有一子。

知情人士表示:「珍妮花與達倫想戀情保持低調,但二人很愛對方,加上珍妮花最近接了一部具有挑戰性的電影,好需要達倫在身邊支持。」珍妮花似乎偏愛年齡比較大的男士,她戀上達倫前,曾與Coldplay的39歲主音Chris Martin拍拖。另外,達倫與前未婚妻英國女星麗素慧絲(Rachel Weisz)育有一子。撰文:泰米




來源: http://hk.apple.nextmedia.com/entertainment/art/20161018/19803837
PermaLink: https://articles.zkiz.com/?id=312598

【馮仁昭四圍超】張達倫娶青梅竹馬 趕生雞B

1 : GS(14)@2016-11-10 08:02:41

■張達倫同貌似高圓圓嘅太太Kimmy噚日結婚。





喺劇集《愛.回家》中飾演「嚴謹」嘅38歲張達倫,噚日於深灣遊艇會筵開20席,迎娶拍拖兩年、貌似高圓圓嘅圈外女友陳鳳玲(Kimmy)!不過做文職嘅Kimmy好怕醜,只有張達倫單獨接受訪問。



■張達倫噚日自爆有向徐榮(左)取經,求生仔必勝法。

■張達倫(左)接新娘時被玩,要着上吹氣公仔衫,伴郎朱匯林就要幫手食嘢。互聯網圖片

高海寧揚言要幾年內結婚,因為想生多幾個。

氹媽咪開心

張達倫透露同老婆Kimmy係青梅竹馬,年前撞番撻着咗,問係咪要開turbo生BB?佢笑笑口話:「都想出年,哥哥今年生咗個女,如果我生仔,媽咪就會開心啲。」張達倫話見黎諾懿結婚兩年幾都未能造人成功,自己有啲擔心,仲向有一仔一女嘅徐榮請教,佢話:「徐榮教我飲醉酒好啲,不分日夜嘅,但今晚唔會不醉無歸,怕出醜呀!」高海寧、楊明、莊思明、莊思華、羅天宇、湯洛雯同張嘉兒等都有到賀,近日頻頻出席婚宴嘅楊明坦言有諗過將來結婚嘅畫面,但都係未有實際婚期,反而高海寧好想幾年內結婚生仔,問係咪同另一半有共識?佢反應好大咁話:「吓!邊個?唔係呀,只係自己想生多幾個,唔想做高齡產婦。」此外,噚日朝早張達倫搵咗《愛.回家》嘅黎諾懿、徐榮、朱匯林等人組成兄弟團去接新娘,新郎哥被迫穿上吹氣波衫,又要用腳趾喺冰水上夾麻雀,難關處處。問開門利係幾多?張達倫話:「好朋友在心中啦,大家玩得好開心。」撰文:馮仁昭




來源: http://hk.apple.nextmedia.com/entertainment/art/20161110/19828241
PermaLink: https://articles.zkiz.com/?id=314904

【馮仁昭四圍超】舊愛搞展銷專登度期新婚張達倫 醉撐黎芷珊

1 : GS(14)@2016-11-11 08:10:30

■張達倫噚日宿醉未醒,就到場撐舊愛黎芷珊眼鏡展銷攤位。





黎芷珊自家眼鏡品牌Luisa Leitao噚日喺會展眼鏡展擺攤位,佢嘅舊愛張達倫前日結婚,都專程嚟撐場,但係黎芷珊就缺席佢嘅婚禮。黎芷珊解釋話:「因為噚日忙搞攤位,所以去唔到,今日一見到佢即刻恭喜同送上祝福,之後再補請佢兩公婆食飯,仲可以一世贊助張達倫眼鏡。」至於張達倫就十分畀面,專登度期嚟撐場,到場時仲係宿醉未醒,酒氣未消,佢話:「希望月尾可以同太太去日本度蜜月。」咁會唔會順便造人?張達倫話:「計劃出年先,盡快啦。」



■張達倫前晚喺深灣擺酒結婚,黎芷珊太忙冇到。

■胡杏兒因工作排山倒海,要將造人計劃押後。


杏兒孕味濃尷尬

講到造人,人妻胡杏兒日前慶祝生日,好友祝福語似有弦外之音,杏兒否認有喜:「冇呀,唔知點解咁傳,真係冇,有一定同大家講,我仲有一個內地劇要開,畀大家講到我都好心急,如果有咗就喺屋企做女王唔使做,有人斟茶遞水啦,我都好期待但唔係。」杏兒話最快要明年初完成內地劇之後,先可以小休,而家都冇特別進補:「冇補都俾人話有孕味,好尷尬,總之自己會努力,遲啲會主動問吓陳敏之、鍾嘉欣、陳豪等等,請教吓生小朋友秘方,歡迎大家畀意見。」撰文:馮仁昭




來源: http://hk.apple.nextmedia.com/entertainment/art/20161111/19829721
PermaLink: https://articles.zkiz.com/?id=315069

早知張達倫太太有咗黎芷珊:我哋係家人

1 : GS(14)@2017-04-28 00:54:33

■舊愛黎芷珊昨日第一時間恭喜張達倫即將當爸爸。



張達倫昨日到銅鑼灣撐舊愛黎芷珊的自家眼鏡品牌發佈會,黎芷珊第一時間送上祝福,恭喜張達倫太太有喜,她說:「講得之前已經知道,我係屋企人嚟㗎!」被問到做爸爸的心情,張達倫笑說:「知道係好開心,冇諗過咁快,黎諾懿都要搞成兩年先有,估唔到我幾個月就搞掂咗,BB都係天秤座,真係恐怖,天秤係一個好煩嘅人,我都係天秤座,預產期係10月15日,我係10月16日。?家係3個幾月,男仔叫張震、張晉,女就用子怡,我自己好想係仔。」



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170427/20002934
PermaLink: https://articles.zkiz.com/?id=331564

10月預產講明恨仔張達倫太太針灸安胎

1 : GS(14)@2017-04-28 00:54:34

【雨中攬實】■張達倫上周四陪懷孕太太在中環睇中醫後,遇正下雨卻沒帶傘。DV圖片





【中環】憑《愛.回家》上位的張達倫,跟黎芷珊分手後,去年11月與讀書時認識的陳鳳玲(Kimmy)拉埋天窗。婚禮上,他講過要盡快生仔,婚後半年果然一擊即中,上周四被本報發現和太太在中環一間專為孕婦做針灸的中醫館出現。向他求證太太懷孕一事,他大方承認:「係呀,我都準備拍片公佈㗎喇,俾你哋快咗㖭!?家3個幾、就嚟4個月喇!」



【治後飲水】■等取藥時,張達倫擔心太太口渴而斟水。DV圖片

【細心服侍】■張達倫怕太太進食時弄髒,即遞上紙巾給她抹嘴。DV圖片

■胡杏兒(中)踢爆豹嫂(右)在家不穿衣,李施嬅亦附和。

改名張震或子怡

當日張達倫夫婦現身中醫館時,Kimmy孕味不算濃,張達倫卻非常緊張,不停斟水給Kimmy飲。取藥後他們離開診所,其間張達倫怕太太被途人碰撞,在電梯從後保護,拖着她避開人群。二人步出大廈時下雨,雖然沒帶傘,但心情依然靚,更到附近一間餐廳吃龍蝦包。張達倫用餐時不時含情脈脈望太太,更細心遞上紙巾給她抹嘴。


豹嫂屋企唔着衫

同場的胡蓓蔚(豹嫂)穿上黑色魚網衫,極之搶鏡,被胡杏兒爆料說:「豹嫂屋企平時唔着衫。」李施嬅又說:「佢着白衫乜都唔着,周圍走,係豹哥講㗎!」豹嫂否認,提到一身性感打扮,她說:「有少少嘢睇吓,如果身材勁,唔適合着。」採訪:卓寶花、黃曉程攝影:羅德光、葉君海



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170427/20002586
PermaLink: https://articles.zkiz.com/?id=331565

【動畫】張達倫娶離婚青梅馬同學愛屋及烏勁鍚繼女

1 : GS(14)@2017-04-28 00:54:35

38歲嘅嚴謹張達倫,舊年同青梅竹馬嘅舊同學陳鳳玲(Kimmy)結婚,喺深灣遊艇會筵開20席,招待親友。結咗婚之後,張達倫一向都係愛妻號,但佢哋兩個又係點識呢?其實張達倫喺讀書嘅時候識到Kimmy,但係當時佢哋兩個冇一齊,之後Kimmy就同咗一個外國人結婚10年,仲有一個囡囡,依家已經13歲。Kimmy離咗婚之後撞返張達倫,兩個拍拖結婚喇。張達倫係百份百愛妻號,雖然揾錢唔算好多,但係佢好努力工作,加上拍《愛‧回家》有機會爆SHOW,同埋知名度高咗,增加咗工作收入,而佢就儲埋啲錢,花晒喺老婆身上,結婚相同老婆飛去歐洲影,留個美好回憶,而佢同繼女關係都好好,所以影婚紗照都有一齊去,據知佢唔係同繼女一齊住,但愛屋及烏,佢好關心囡囡,所以一直低調,唔想囡囡受外界影響。



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170427/20002880
PermaLink: https://articles.zkiz.com/?id=331567

與張達倫繼續行曖昧譚凱琪:俾觀眾想像空間

1 : GS(14)@2017-05-21 13:16:15

曾經做過小室哲哉徒弟嘅譚凱琪(Zoie),喺13年加入無綫,舊年喺《致命復活》入面,查實都有一場泳池大露背戲,嗰陣已經有唔少網民大讚索爆,今次佢喺《不懂撒嬌的女人》又有露背床戲,再加上同張達倫呢段感情,相信到時會有一定嘅迴響。Zoie昨日接受傳媒訪問,講到呢一幕床戲,佢好口密咁唔肯講箇中原因,只係話:「呢個就係玄機,應該過兩日出街,你哋自己睇吓喇!」今次原來係Zoie同張達倫首次合作,不過佢哋呢段感情打動到唔少觀眾,Zoie話:「雖然係第一次同張達倫合作,不過合作好愉快,之後拍幾場親密少少嘅場面,因為大家都互相信任,所以拍起嚟好順利,幾take就搞掂。」至於會唔會最終喺埋一齊,Zoie話:「好開心大家鍾意我哋呢段感情線,最後我哋會唔會一齊呢,劇情就真係無一個好確實嘅交代,當係俾觀眾一個好好嘅想像空間。」被網民捧為另一個暖男嘅張達倫,佢接受傳媒訪問亦都話:「聽到大家咁講,我梗係覺得好開心,可能係因為呢段感情比較寫實,好多人為咗工作兼顧唔到屋企,甚至因為工作而影響咗同屋企人嘅關係,變咗睇起嚟都共鳴。」不過對於張達倫嚟講,最開心係多咗人煲劇:「我身邊都有唔少朋友講緊呢套劇,有時都會問吓啲劇情,呢樣嘢令我覺得好開心,對於演員嚟講,亦係一個好大嘅鼓勵!」




來源: http://hk.apple.nextmedia.com/entertainment/art/20170521/20028373
PermaLink: https://articles.zkiz.com/?id=333884

Next Page

ZKIZ Archives @ 2019