中環在線：陳南祿人工高過白紀圖 李華華
|
|
太古（019）舊年盈利大倒退近五成，但高層荷包繼續腫脹。主席白紀圖舊年人工上升三成至2007.7萬銀，常務董事陳南祿更大升1.5倍至1505.5萬銀。
白紀圖舊年人工由07年嘅1540.7萬，增至2007.7萬銀，當中薪金連董事袍金，夾埋收614.2萬銀，比前年多三成，花紅亦同樣多三成至554.6萬銀。
至於陳南祿人工升1.５倍，其實只係美麗嘅誤會，因為佢前年年中先轉為效力太古，所以07年薪酬基數唔能夠作準。陳南祿舊年薪金同花紅，分別收508.2萬同769萬銀，但佢嘅花紅收入竟然仲多過主席白紀圖兩百幾萬。
太古亦冇待薄班獨立非常務執董，郭敬文同利乾嘅袍金，分別大加九成同一倍，至85萬同80萬銀，施祖祥同楊敏德更加兩倍至60萬銀。
|
Next Page