ZKIZ Archives


郭富城車房收藏近億玩具沈嘉偉轉玩古董車

1 : GS(14)@2016-11-06 15:49:09

余文樂近年買跑車,幾乎架架過百萬,佢老友郭富城、沈嘉偉,身家雄厚啲,玩車資歷又耐啲,當然買嘅跑車級數都唔同啲!好似郭富城,6月嗰陣,佢喺上海賽車場就接收咗1部法拉利,全球限量32架,身價係220萬歐元,即係港幣2,000萬,而呢架車,除咗身價高人一等外,亦要車廠覺得你係全球最尊貴嘅法拉利車主,先至會俾你買。嗱!呢啲咪係身份象徵囉!買跑車如買玩具嘅城城,兩年前49歲生日,就豪花一千萬元,買入全新限量版林寶堅尼Aventador LP700-4 Roadster作為生日禮物。車廠仲特別為「新城嫂」調製顏色「Aaron color tone」成為城城嘅專屬顏色。再加埋城城之前買嘅「幽靈之子」跑車、Audi R8 GT Spyder、波子、其他型號嘅法拉利同林保堅尼跑車,城城個車房,分分鐘有過億玩具。至於余文樂另一老友沈嘉偉,同樣愛車如命,除咗同樣擁有多架林寶堅尼同法拉利,近排沈老闆就轉轉口味,成日去專賣二手classic款古董跑車嘅車行打躉!架架車都有來頭,難怪幾兄弟去親打邊爐,門口都十足名車展咁啦!




來源: http://hk.apple.nextmedia.com/entertainment/art/20161106/19824496
PermaLink: https://articles.zkiz.com/?id=314253

【配音達人】May姐配音50年 轉玩iPhone過配音癮

1 : GS(14)@2017-10-22 16:37:14

謝月美「May姐」是香港配音界的超級猛人前輩,多年來多少經典都是由她的口,重新作出親切的廣東話演繹。



全新旅遊專頁,即like籽想旅行:https://fb.me/travel.appleseed謝月美「May姐」是香港配音界的超級猛人前輩,在1967年麗的呼聲電視藝員訓練班學過配音,到1969年正式加入電視台配音組,多年來多少經典都是由她的口,重新作出親切的廣東話演繹。



「《青春火花》我都有份配,不過唔係配主角,是哪個角色呢?唔記得,太耐喇!」又的確難記,因為May姐配過的作品實太多,好像《飄零燕》、《美女與野獸》、《反斗奇兵》、《哈利波特》,隨口說的都是經典。她笑說:「其實我大多都是為配角配音,一套戲中我可以做七、八個角色,由侍應、老人、年輕人、男童都係我。我以前是由4歲做到80歲的,不很重要但有各有特色。」當然當中亦有考起她的角色,好像是迪士尼高飛的女友Clarabelle:「佢把聲好高,像尖叫,完全唔係我自己把聲,要扮聲之餘,每次配音前都要先記起那一個聲音,好難!」



「《青春火花》我都有份配,不過唔係配主角,是哪個角色呢?唔記得,太耐喇!」May姐說

「配而優則教」,May姐後來更開班授徒,而她更想出用iPhone也能隨時練習和體驗配音的玩法。

Step1:先用相機錄影一段片段,也可以拍攝電視電影的片段。

「配而優則教」,May姐後來更開班授徒,而她更想出用iPhone也能隨時練習和體驗配音的玩法。她示範先用相機錄影一段片段,也可以拍攝電視電影的片段,再利用「Clips」這個app,從資料庫中輸入影片,之後再按着「按住以加入此剪輯片段」,同時為影片配音,就可以輕鬆玩到配音效果。「這app最好是可以用耳機聽原影片的聲音,同時錄下你即時發出的聲音,情況跟實際配音很相似,之後按一個鍵就可把原聲靜音,做到配音的效果。」May姐雖然口講話人人都可做配音,但要配得叻,首要反應夠快,也要求眼耳口配合,才能「對到口」,大家不妨試玩下喇。



Step2:從資料庫中輸入影片,之後再按著「按住以加入此剪輯片段」,同時為影片配音。

Step3:錄音完成後,只需在聲音選項中選「將原影片靜音」,就可做到配音的效果。

卡通作品勁多,其實電影作品也不少,好像《哈利波特》中的麥教授Minerva McGonagall也是May姐把聲。

記者:韓繼聰攝影:王國輝、劉永發




來源: http://hk.apple.nextmedia.com/su ... t/20171017/20185072
PermaLink: https://articles.zkiz.com/?id=343015

Next Page

ZKIZ Archives @ 2019