ZKIZ Archives


中環在線:今年話題人物四叔輸畀誠哥 李華華

2010-12-02  AD




 

年尾將至,又係 各路十大選舉開標之時!《華爾街日報》剛啱選出今年香港十大「話題人物」(Headline Makers),各大家族上榜,華華一啲都唔意外,但有趣嘅地方係,四叔李兆基今年咁矚目,竟然都敗喺首富李嘉誠手下,屈居第二,連呢啲排名都要輸,首富 的確係四叔嘅宿敵喎!

《華爾街日報》話:「李嘉誠作為香港首富,如果佢唔係排第一就會好古怪!」但係頭11個月埋單計數,首富至大單嘅話題 之作,睇怕都只係同國家主席握手拍照,佢位二公子澤楷疑似幫佢添多兩名男孫,又冇好似四叔咁,抱孫抱到被懷疑犯法咁大鑊。至於話神父要向首富致歉呢單,係 咪咁大單就真係好觀點與角度囉!By the way,澤楷「潛水」近一年都仲可以上榜,其號召力真係好似嗰隻太陽油咁──確不同!

天匯+代母熱爆全城

咁四叔方面,天匯世紀大撻定、大公子家傑搵代母整個「串燒三兄弟」佢嘆,淨係呢兩單都杰到不能再杰,仲橫跨港聞、財經、娛樂版,所以佢輸畀首富,華華真係好戥佢唔抵o架!

至 於其他富豪叔父輩,彤叔鄭裕彤就因為年初嗰陣睇錯樓市而上榜佔一席位,精神好過華華好多嘅六叔邵逸夫,就因為「串燒三兄弟」阿爸家傑想斟買佢檔邵氏而上 榜,查實淨係佢一百零幾歲仲周圍去就已經夠話題啦!另外,賭王何鴻燊就因為抱恙7個月同買白松露而上榜……但會唔會係佢3個太太嗰3房人馬,更有話題性 呢?

《華爾街日報》選香港十大話題人物

第1名李嘉誠原因:天主教教區副主教因魔鬼論言論向佢道歉

第2名李兆基原因:天匯撻定事件、大仔李家傑搵代母生三胞胎

第3名紀勤原因:滙控高層大變動

第4名夏佳理原因:吸引多間大型企業嚟港上市

第5名何鴻燊原因:抱恙7個月、買白松露

第6名李小加原因:推動人民幣相關業務、延長交易時間

第7名邵逸夫原因:同李家傑斟賣邵氏股權

第8名鄭裕彤原因:年初話樓價會跌

第9名歐智華原因:滙控高層大變動

第10名李澤楷原因:同女朋友梁洛施生完大仔再生雙胞胎

李華華

[email protected]


PermaLink: https://articles.zkiz.com/?id=19859

笑到最後:掟磚都驚 實輸畀索羅斯

1 : GS(14)@2016-02-15 18:02:23

一個投資者,如果經歷年初一旺角騷亂後,至今仍覺得好驚好恐慌、「班暴徒好暴力」,見到身邊有人炒股票但有呢種心理質素,大可以勸佢賣晒啲股票,將錢存入銀行定存,從此安安份份咁過埋下半世。因為年初一場騷亂,既係可預測,級數亦都唔高。投資本身就係一場預測嘅遊戲,所有股價都係反映緊世事嘅轉變,投資者本身都應該對世事有一定洞察力,至低限度都估到有啲危機會發生。以香港為例,主權移交之後,一般文書電話表達意見已經冇用,輿論同議會壓力政府又唔太理,所有「和平+合法」渠道失效。結果2014年佔領行動,測試政府究竟對「和平+犯法」會唔會有反應,最後都冇下文,自然會有人反思「和平」手段成效,再加上2001年特首董建華曾頒大紫荊勳章予「暴動之父」楊光,象徵「暴力+犯法」手段曾得到港府加許,隨後兩任特首都冇異議,令人以為效法楊光便可令政府回應訴求。



心靈脆弱勢被淘汰

以上並唔係乜「藉口」,而係預測,社會演化就係咁:政府冇反應,示威者就「加大力度」!戴定頭盔先,高明喺2015年2月10日專欄都講過「香港已有暴動嘅種子,只爭在有冇第一個人自我引爆」,剛好一年前講過,同樣發表過類似意見嘅投資者,印象只有孫柏文,不過佢賣埋樓準備移民,佢威啲。倒番轉諗,佔領之後,如果冇意識過香港會有機會發生騷亂、暴動,對社會了解都唔會太深,好打有限。至於覺得騷亂「好恐慌好暴力」嗰批人,高明真心建議你,唔好投資。香港係國際主要投資市場,你嘅對手全部都係世界級。加埋舊年股災後散戶死晒,主要對手就係索羅斯,佢今年真係嚟亞洲沽股市滙市。索羅斯1930年出世,經歷過第二次世界大戰,你認為佢會唔會覺得旺角「好暴力」、香港好危險?索羅斯係匈牙利出世嘅猶太人,佢同好友梁恒講過,細個行山,咁啱撞到納粹德軍,如果被發現割過包皮就死梗,因為割包皮係猶太習俗,最後佢扮鎮定行過冇事。香港投資者嘅對手係呢種心理質素嘅高手,如果見掟嚿磚仔都心靈脆弱成咁,被大鱷一啖食清唔出奇,定存可能係唯一出路,不過,一旦第日美帝行負利率,呢班人啲錢可能要搬去床下底。高明
https://www.facebook.com/bigricetea本欄逢周一刊出





來源: http://hk.apple.nextmedia.com/financeestate/art/20160215/19491032
PermaLink: https://articles.zkiz.com/?id=295976

【生活普查】習近平聲望輸畀英女皇 再次Oh Bad Luck

1 : GS(14)@2016-05-21 18:47:16

英女皇抱怨以習近平為首的中國代表團,去年訪英期間有不禮貌行為,原來在英國人心中,習近平其實也沒甚聲望。



英女皇早前抱怨以習近平為首的中國代表團,去年訪英期間有不禮貌行為,這對習近平來講,確實不是一件好聲望的事情。不僅英女皇對他有意見,原來在英國人心中,他其實也沒甚聲望。


英國網上調查機構Yougov最近發表了全球聲望最高人物名單(World's most admired2016),網站在全球30個國家地區收集提名,男女各有20位入選,另外每個地區亦有10位受歡迎的當地人物一齊入圍,即每個國家或地區最多有30個選擇,結果最高聲望的男性三甲分別是微軟公司創辦人比爾蓋茨、美國總統奧巴馬及中國國家主席習近平,最有聲望的女性則是荷李活女星安祖蓮娜祖莉、英女皇及美國前國務卿希拉莉。



英國網上調查機構Yougov最近發表全球聲望最高人物名單,最高聲望的男女三甲分別是比爾蓋茨、奧巴馬、習近平,以及安祖蓮娜祖莉、英女皇、希拉莉。

雖然在多個國家徘徊榜尾,不過習近平在中國以高比例位居榜首,加上網站根據人口比例加重了某些國家對總分數的影響,令習總晉升至最有聲望人物總排名第三位。



單看排名的話,英女皇其實只是略勝習近平,不過識睇當然睇細節,留意每個國家的數字及排名,習總在大多數國家都徘徊榜尾位置,例如他在印度及巴西均排名28位,在丹麥及英國人心目中排名都是墊底,調查中更完全無英國人選擇他,真係要學英女皇說句"Oh Bad Luck"。既然墊底又為何能在總排名上晉升前三呢?因為他在中國高分穩佔榜首,有24%的人認為他是最有聲望的人,加上網站根據人口比例加重了某些國家對總分數的影響。中國人口佔世界人口約兩成,習總自然能單靠在中國的排名就能輕鬆上榜。



習近平在香港人心中排名第12,比周潤發(第4)、李嘉誠(第6)、劉德華(第7)排名還要低。

英女皇在超過10個國家進入前五位,在英德澳加等國排名第一,在香港、菲律賓、中國等地區亦位居第二,絕對是實至名歸。



689提名都冇

整個調查有31,081人參加,平均每個國家或地區約有1,000人參與,香港亦有份!習總在香港排名第12位,都算不錯。慢着,但原來劉德華、李嘉誠的排名都比他要高,排名最高的港人是民間特首周潤發,僅次於比爾蓋茨、霍金及奧巴馬,位居第四。咁有689票的梁振英呢?當然連提名也沒有,在整個名單中也沒有任何香港政治人物。縱觀整個名單,許多地方的政治人物都榜上有名,例如在美國名單中,奧巴馬夫婦分別位居男女第一,俄羅斯總統普京、印度總理莫迪,在他們國家都是最受欽佩的人。那英女皇又如何呢?她在超過10個國家進入前五位,她在英國、德國、加拿大、澳洲等國排名第一,香港、菲律賓、中國等地區則位居第二,絕對是實至名歸。不知她最近講完Bad Luck後,在中國人心中的聲望會否下降呢?資料來源:
https://ap.yougov.com/zh-hk/news/2016/05/10/2016/記者:劉東佩





來源: http://hk.apple.nextmedia.com/su ... t/20160520/19619545
PermaLink: https://articles.zkiz.com/?id=300899

【馮仁昭四圍超】陳柏宇撲飛輸畀女友

1 : GS(14)@2016-06-06 02:54:51

陳柏宇(右)同林奕匡噚日喺觀塘為「一起唱音樂會」綵排,佢哋話演唱會好有心思同精彩,不過啲飛畀佢哋女朋友搶晒,陳柏宇話好辛苦先搶到兩張。講到會唔會對唱情歌:「一齊唱都有嘅,但係唱失意情歌都好尷尬,兩個分別唱失戀嘅感情啦。」會唔會深情對望hehe一下?陳柏宇就話:「都幾難,尤其唱到啲你、我呢啲字眼,盡量要望向出面。」林奕匡就話最緊要係望得舒服。撰文:馮仁昭





來源: http://hk.apple.nextmedia.com/entertainment/art/20160603/19638609
PermaLink: https://articles.zkiz.com/?id=301824

高C9手記:BB輸畀fb

1 : GS(14)@2016-07-12 08:14:08

上星期放假一周外遊,臨行前,讀了導演舒琪《我要告別臉書了》一文,頗認同他的觀點,反正外遊期間沒機會上網,決心嘗試一周不看fb。結果發現,地球依然如常運行,我的人生沒甚麼損失,腦袋反而輕鬆了。記得有次走進港鐵車廂,見到一個約兩歲BB,每當車門打開或關閉時,BB都大聲「呀呀」叫,似是想告訴身旁父母,車門活動多有趣。可惜,BB叫了多個站,他的父母也沒反應,各自各看手機,我好奇偷望他們忙着看甚麼,原來是看fb。可憐的BB,輕易就輸給沒靈魂的fb。又有一次,也是在港鐵車廂,見到一家四口坐在一起,爸爸忙着看fb,年約4歲的兒子專心玩手機遊戲,媽媽抱着約一歲的BB發呆,四人一直沒有語言或眼神交流,直至下車。那刻,我只想到一句去形容他們:「癡癡呆呆,坐埋一枱」。我開始思考fb的意義,為何人們總要不停掃fb,即時知道朋友(有些fb朋友根本未見過面)去哪兒旅行、準備食哪間名店的美食、生活有多美好幸福呢?當然,除了朋友動態,fb還有許多資訊、廣告、言論,但重要得要分分秒秒去追逐嗎?在社交網絡年代,越來越多政客、品牌利用fb做宣傳,但其實fb的訊息十分短命,除非那個post可以被人狂share,甚至洗版,否則轉眼便被海量的新post淹沒。而且,由於fb的訊息實在太多,好多時讓人過目即忘,看了等於沒看。大家究竟在忙甚麼。高淑嫻
https://www.facebook.com/koc9nine





來源: http://hk.apple.nextmedia.com/financeestate/art/20160712/19690564
PermaLink: https://articles.zkiz.com/?id=303365

吳日言輸畀新人:有失望

1 : GS(14)@2016-10-18 08:15:30

ViuTV新節目《ShowTime我主場》,每集都會邀請新舊兩代歌手上場比拼,剛播出一集是出道時以冬菇頭形象深入民心的吳日言,決戰雷頌德今年力捧的新人張美儀,兩人分別唱《守望麥田》和《花花世界》出戰,最後現場觀眾投票選出張美儀勝出,不少吳日言fans在facebook留言替偶像抱不平,指張美儀的fans入場門票較多,故票數自然多。對於fans認為賽果不公,吳日言昨在電話中說:「以我所知每人有20張票畀朋友同歌迷入場,咁我至少都有20票嘅。」她又承認輸了有點失望,但是知道大家對她的表現都讚賞,她已經當自己贏了。採訪:小米




來源: http://hk.apple.nextmedia.com/entertainment/art/20161018/19804044
PermaLink: https://articles.zkiz.com/?id=312582

【宅男大變身】曹星如師弟跑步輸畀女仔 誓做世青拳王

1 : GS(14)@2016-10-30 14:35:59

Raymand希望喺23歲前,成為世界青年拳王



「由細到大,運動細胞都冇乜。試過跑衝次跑嘅時候,女仔都好似快過我一兩下。冇乜社交,淨係坐喺屋企,一係睇書、一係對電腦。」20歲嘅潘啟情(Raymond),係「神奇小子」曹星如(Rex)嘅師弟。Raymond出道一年都未夠(今年5月14日正式打第一場職業拳賽),已經取得職業生涯兩戰全勝紀錄,當中喺上一場越級挑戰嚟自泰國嘅帕沛哈馬拉,喺五千觀眾見證下T.K.O(技術性擊倒)對手,令大家都開始注意呢粒「超新星」。擂台上,Raymond拼勁十足,雙眼有火,但原來喺佢接觸拳擊前,係一個內向又懦弱嘅「宅男」!「平時返學嘅時候,我都係自己一個坐喺角落頭,係嗰啲邊緣人咁滯。中學嘅時候真係唔講嘢,淨係自己對住本書。」唔慣面對鏡頭嘅Raymond,一副尷尬嘅表情,完全幻想到以前嘅佢有幾「宅」。



大家覺得Raymond有冇Rocky(史泰龍)嘅影子呀?

第一個個人動新聞專訪,係緊張啲嘅

雖然Raymond成個「排骨仔」咁,但佢嘅拳真係勁度十足!

自言運動同讀書都唔叻嘅Raymond,因為一場比賽改寫咗佢嘅人生:「18歲嘅時候,啱啱完咗DSE,喺youtube睇咗曹星如對沙里夫嗰場。嗰一場佢哋都打出好大拼勁,嗰時就俾佢感染到,開始對拳撃呢樣嘢有啲興趣。」加上佢未見到自己嘅將來,Raymond就開始到拳館學拳。佢當時喺嗰一間拳館受過別人嘅白眼,亦曾經俾人睇唔起,佢話:「嗰陣時(打業餘拳賽)就對咗一個澳門嘅拳王,嗰一場3 round都俾人打到毫無還撃之力。當時嗰位教練同我講,『打拳嚟講,你都冇乜天份。其實你可以試下揾其他正職,或者專心其他工作,打拳都唔係好適合你。』當時真係有諗過其實呢個運動唔係好啱我,好傷心、好hurt,因為當時嗰一年我嘅時間係得拳館同嗰度嘅人,佢哋就係我所有嘢。」一場嘅失敗,令到Raymond開始質疑自己的實力;加上當時教練嘅冷言冷語,佢更加頹廢咗足足一個月。好在憑住一首《Loser》,激勵到佢企返起身:「突然之間覺得要振作,係因為嗰陣時聽到首Mastermic嘅《Loser》。」歌詞中:「我睇到唔係句號,係一條起飛嘅跑道,我不停步,喺跑道將青春盡情消耗~~」呢一句令到Raymond決定要邊度跌低、邊度企番起身。



中學時期嘅佢,真係隔住個芒都聞到陣「宅」除!(圖片由被訪者提供)

全靠堅持,令佢可以邊度跌低、邊度企番起身

因為曹星如,令Raymond踏上職業拳手之路

所謂千里馬須遇到伯樂,曹星如話過冇佢經理人阿Jay(劉志遠),就冇今日嘅曹星如。Raymond同大師兄阿Rex一樣,佢可以成為職業拳擊運動員,最想多謝嘅人都係阿Jay:「佢喺我出場前好認真咁同我講,話你夠膽打呢一場,你已經嬴咗。無論你輸咗又好,第一round俾人knock down(撃倒)都好,我都會以你為傲。」Raymond由以前俾人睇唔起,直到有人對佢有咁大期望,佢當然要加倍努力,用成績去報答阿Jay,佢更以23歲前贏到世界青年拳王為目標o添!想了解Raymond更多,睇吓佢man爆一面就即刻去片啦!採訪:植詠珊(Cathy)編審、編導:懷鈺剪接:Roy拍攝:Kaman、馮峰、Neo場地:DEF Boxing Gym




來源: http://hk.apple.nextmedia.com/entertainment/art/20161030/19817011
PermaLink: https://articles.zkiz.com/?id=314128

Yumiko爭寵輸畀梁浸浸

1 : GS(14)@2016-11-20 23:52:03

鄭希怡(Yumiko)昨日穿低胸及大露背裝現身尖沙嘴,擔任一間化妝品專櫃明星店長,她更即席為女顧客護膚及推介產品。穿上超性感長裙的Yumiko笑指沒有經老公過目,因自己在老公眼中的重要性,隨着女兒「梁浸浸」出世後已被取代。她又指梁浸浸開始愛上扮靚:「我化妝時佢會好留意我,有次我拎轉背執袋,佢拎咗我支唇膏搽上塊臉,變成花臉貓。」日前Yumiko已為好姊妹蔡卓妍(阿Sa)預祝生日,問到送甚麼生日禮物?她笑說:「係咪要送靚仔?唔使啦!佢咁多人追,祝佢永遠開心幸福。」不少人想透過Yumiko認識阿Sa,她表示也會先為姊妹過濾朋友。採訪、攝影:馬建華




來源: http://hk.apple.nextmedia.com/entertainment/art/20161119/19838500
PermaLink: https://articles.zkiz.com/?id=316264

秋官誇欣宜叱咤威盡陳柏宇輸畀坤哥 「我唔夠靚仔」

1 : GS(14)@2017-01-05 08:01:07

■陳柏宇大熱倒灶失落我最喜愛的男歌手獎,他直言:「大家會繼續戥我唔抵」。



【叱咤頒獎禮】《2016年度叱咤樂壇流行榜頒獎典禮》前晚假灣仔會議展覽中心舉行,賽前陳柏宇奪我最喜愛的男歌手獎呼聲極高,但最終由吳業坤冧莊贏得,陳柏宇笑着認輸:「我又唔夠高大、又唔夠靚仔。」而鄭欣宜狂擸3個大獎成為焦點,與容祖兒平起平坐,父親鄭少秋也大讚女兒叻!



商台前晚舉行《2016年度叱咤樂壇流行榜頒獎典禮》,全晚共頒發43個獎,由晚上8時15分開始,頒足4個多小時,嚴重超時。一直傳不會參與的陳奕迅(Eason),宣佈歌曲《四季》獲至尊歌曲大獎時忽然現身,令全場起哄尖叫,Eason更直踩慶功宴被集郵。


台下觀眾喝倒采

坤哥除了憑《百姓》奪叱咤十大第五位,還爆冷冧莊得我最喜愛的男歌手獎,台下掌聲夾雜喝倒采聲,他站在台上則不懂反應,他說:「我都冇諗過得獎,根本冇心理準備,望落台下唔知講乜。」而敗給坤哥的陳柏宇事後表示未有失落,還說不攞獎更開心:「咁樣方向諗,唔使驚自己唔值攞呢個獎,同埋大家會繼續戥我唔抵,呢個係『雙贏』,唔會尷尬。」問是否覺得自己未夠資格?陳柏宇謂:「唔係資唔資格問題,我又唔夠高大、又唔夠靚仔。」他謂現在拿男歌手銅獎是恰到好處。採訪:王連連、馬建華、魯吉攝影:陳俊強、仇志德


■坤哥今年只有一首派台歌,卻爆冷奪得我最喜愛的男歌手獎。

■坤哥聽到司儀宣佈他贏獎時,一時反應不來。電視圖片

■游學修(左)成功向Eason及薛凱琪等集郵。互聯網圖片


■Eason(左)於慶功宴上做佈景板,與坤哥等合照。互聯網圖片



來源: http://hk.apple.nextmedia.com/entertainment/art/20170103/19884400
PermaLink: https://articles.zkiz.com/?id=321242

星爺失威輸畀小男人

1 : GS(14)@2017-02-11 18:58:12

周星馳監製、徐克執導的作品《西遊伏妖篇》失威,截至前日累計票房2,336萬元,不敵美娜祖華維茲的《生化危機:終極屍殺》收2,827萬元,以及《星聲夢裡人》的2,360萬元票房。前日《西遊》單日票房只得12萬元,輸給鄭丹瑞《小男人週記3之吾家有喜》的19萬元。而《西遊》在內地票房亦不突出,暫時以15.5億元人民幣累積票房成為冠軍,但與成龍的《功夫瑜伽》相差不足1億。




來源: http://hk.apple.nextmedia.com/entertainment/art/20170211/19924690
PermaLink: https://articles.zkiz.com/?id=326405

Next Page

ZKIZ Archives @ 2019