| ||||||
| 花旗集團噚日搞 咗個第一屆「傑出財經新聞獎」頒獎禮，《信報》專欄作家曹仁超曹Sir、蔡東豪等都係嘉賓之一，近年經常做巡迴演講嘅曹Sir，綜合咗中港兩地大學生聽 talk嘅反應，仲自嘲受歡迎程度唔及啲o靚模。 成都學生熄冷氣先肯走 曹Sir話，內地同香港嘅大學生對知識渴求程度好唔 同，以佢一次喺成都一間大學演講為例，佢形容當地學生係「知識飢餓（knowledge hungry）」，演講後學生圍住佢繼續問，結果要等到保安熄燈熄冷氣先有得走人；相反，本港大學生就抱住「睇吓點」嘅心態去聽talk，從逼爆o靚模 talk可見，學生關心o靚模多過財經，就連佢自己講財經talk都唔夠啲o靚模talk咁爆場，受歡迎指數未夠班。 一場嚟到，曹Sir自 不然都分享吓財經心得，佢話由於中央管理層即將喺2012年換班，相信明年唔會有大政策出台，由於人民幣持續升值，佢認為香港股樓價格跌幅有限，今季投資 者唔應該睇淡股市，o依家樓價雖然略高，不過未成泡沫，估計樓價只會調整一成咁話。 男同學借筆記梁太好有滿足感 恒生銀行 （011）副董事長兼行政總裁梁高美懿（圖）噚日出席青年領袖教室，同中學生講吓自己學生時代，佢自爆話大學時期有大批男同學問佢借筆記影印，係咪為咗學 業定另有「企圖」就不得而知，但自己就好有滿足感咁話。 在座有位中學生以「中間嗰位女士」嚟向梁太請教佢對中國人權嘅睇法，梁太叫大家回憶 番中國近200多年嚟，國運都係好差，民生困苦，打仗餓死人不計其數，中國發展過程起步好慢；o依家內地仲有啲貧困地區人民連鞋都冇得着，冇飯食，情況就 好似佢年輕時屋企嘅工人，不求有工資，只要畀飯佢食，畀床佢瞓，就心甘情願為佢屋企打工。所以佢話，要求中國人權同香港睇齊，發展係需要時間，冇可能一步 到位。 香港資源非執董係小甜甜姪仔 噚日股價升超過7個巴仙嘅香港資源（2882），前晚有份通告大家可能冇乜留意，就係委任 咗一個年僅33歲嘅龔皓做非執行董事，本周二生效。淨講個名大家可能唔知佢係乜水，但若果話佢姑媽係小甜甜、即華懋集團前主席龔如心嘅話，大家就可能又會 想了解多啲嘞。龔皓雖然係小甜甜姪仔，年紀輕輕已貴為華懋集團管理部經理，負責巡視旗下所有物業，推廣華懋租售物業，以及參與集團嘅內地投資項目，但對於 主打做地產嘅華懋嚟講，佢真係乜都做晒咁滯。佢加盟華懋之前，就係做電腦程序編寫員。 通告冇提到，龔皓加入香港資源董事局會負責啲乜，但睇 番資料，香港資源大約有6.34%股權由龔如心遺產持有，o依家遺產基本上係由龔皓伯爺龔仁心管理，淨係幫老竇睇住盤數呢個原因已經好夠。 李 華華 [email protected] | ||||||