|
||||||
|
財爺曾俊華初頭話入6000蚊落打工仔嘅強積金戶口，結果全城喊打，其後轉軚現兜兜派錢，仍俾人鬧。其實有冇人like佢嘅方案呢？有！希慎（014）行政總裁嚴磊輝話，派6000蚊緊係好啦，市民要有現錢先可以有能力消費嘛！ 不過，希慎係銅鑼灣大地主，可以立足嗰區嘅商舖都唔嘢小，唔係點頂得順高昂租金，難怪嚴磊輝話，其實政府派錢，希慎受惠程度有限，因為直接受惠嘅未必係佢哋商場target嗰批客。話晒希慎旗下嘅商場好似利園咁，名店林立，揸住6000蚊入去都唔知買到乜。 順帶一提，噚日希慎宣佈，利蘊蓮將會接替退任嘅鍾逸傑，做希慎非執行主席。自從利定昌09年10月離世後，就搵咗鍾逸傑暫代，一直到家陣，先至再由利氏家族成員做番當家，但仍然係非執行主席，唔知幾時先有個正式主席呢？ |
||||||