趣趣地:英球員遭三女鉸剪性侵
1 :
GS(14)@2017-01-29 10:31:46球員涉性犯罪周不時有,不過調番轉就有啲聳人聽聞。英國《太陽報》報道,英國有位冇透露姓名嘅20歲球員,前年11月喺酒吧識到三個20至26歲女人,被灌醉遭性侵不特止,仲要後庭受罪。呢位球員被人侵犯完,班女人仲要拍埋片話要將鉸剪插去佢「菊花」度,最後搞到凌晨先走得甩,但就甩皮甩骨咁返屋企,先發現後庭俾唔知乜東東塞住,要叫阿媽幫佢整出嚟。呢三個女人最近已經被判刑,齊齊收監,其中一個叫姬拉特嘅就要坐31個月。
來源:
http://hk.apple.nextmedia.com/sports/art/20170129/19912054
趣趣地:安歷基季尾走人關美斯事?
1 :
GS(14)@2017-03-04 00:34:57前年幫巴塞隆拿拎完五冠王,但喺禮拜三,巴塞教練安歷基宣佈唔續約,喺季尾離隊。呢日巴塞喺西甲主場大炒希杭6:1,美斯、蘇亞雷斯同尼馬都有波入,其中阿蘇仲入兩球,加埋柏高艾卡沙同拿傑迪錫各建一功,湊夠六球。賽後安歷基如常開記者會,但臨完嗰陣突然話:「我想用個特別啲嘅方法去完呢個記招,我下季唔會再做巴塞教練,我季尾唔會續約。」有傳媒吹過話安歷基同美斯不和,雖然安帥就話冇呢啲事,但真係唔知佢唔撈同美斯有冇關係!外界盛傳畢包教練華維迪同西維爾教頭森柏奧利都係巴塞目標。
巴塞贏波後上咗西甲榜首,領先踢少場嘅皇家馬德里一分,皇馬同日主場以3:3逼和拉斯彭馬斯,加里夫巴利仲領紅被逐。
來源:
http://hk.apple.nextmedia.com/sports/art/20170303/19945663
Next Page