「五一九」贏波功臣「木咀」一腳射走中國
1 :
GS(14)@2016-10-18 08:15:25講起香港嘅足球，o依家都只係會諗起「陳七」、「英雄輝」等等嘅球員。當年今日其實香港都有球場上嘅英雄，就好似現年55歲嘅顧錦輝。外號「木咀」嘅顧錦輝o依家喺南華做緊助教，講返佢球員時代就威水囉！司職中後場嘅佢，曾經八次喺香港足球明星選舉獲選為最佳十一人之一（1987、88、89、90、91、92、96、97年），喺1987年仲當選過香港足球先生。不過最犀利嘅一定係1986年世界盃外圍賽，喺1985年5月19日香港對中國嘅「五一九」戰役入面，佢仲射入奠定勝利嘅一球。當時，喺小組入面香港同中國賽前兩隊同得9分，而得失球差中國以6球優勝，只要打和中國就可以出線，而自當時香港近8年未嘗對中國一勝，而香港未有放棄，先係上半場19分鐘首度領先，而中國亦喺31分鐘追平，直至下半場60分鐘，顧錦輝迎接一個中國隊解圍球順腳抽射入網，射成2比1致勝。而顧錦輝成為功臣之一。
來源:
http://hk.apple.nextmedia.com/entertainment/art/20161018/19804648