賴床多一個好理由昆凌:阿囡唔畀我起身
1 :
GS(14)@2016-03-01 18:57:33昆凌自從同老公周杰倫(周董)生咗愛女小周周(Hathaway),雖然周董好似唔係咁想囡囡容貌曝光,不過昆凌為咗滿足啲fans都好識do,間唔中喺微博貼吓囡囡嘅近照,見下「小周周」嘅側面,或者背影,亦喺社群網站分享育兒經。昆凌仲錫到個女濃,就算外出工作都會心掛掛個寶貝女,佢昨日又貼出囡囡瞓喺佢身上嘅相,於微博留言:「賴床多一個好理由了,女兒不讓我起床。是媽媽黏小孩還是小孩黏媽媽呢?」睇嚟囡囡似乎喺佢身上瞓著咗,見昆凌個樣心都甜埋,就知佢有女萬事足咁款!未知係唔係昆凌「放閃」太過閃,有網民質疑佢做咩化妝賴床,跟手昆凌澄清係準備出門嗰陣,唔捨得Hatheway,所以又返去床上抱抱佢,然後就想賴在床上。
來源:
http://hk.apple.nextmedia.com/entertainment/art/20160301/19511200
【男女之間】日女高中生morning call 解決賴床問題
1 :
GS(14)@2016-03-11 13:32:27起身還是瞓多陣,這是每朝例行的心理角力,尤其在寒冷的冬日,但如果有女高中生叫你起床,鼓勵你努力展開新一天,這個清晨會否不一樣?日本人善於將天馬行空的想法付諸實行,最近東京有公司推出女高中生morning call服務,助大家提神醒腦,省卻在被窩賴床的時間。用家可在網上登記電話及付款,然後選定致電時間,第二朝就會有女高中生morning call你,鼓勵你起床。有日本網民實試後在twitter及論壇分享經驗,原來用家接聽後,會有最多三分鐘時間跟女高中生聊天,最後還會鼓勵你「今天請加油!」。有網民覺得好實用:「變得更容易起床,解決了賴床問題。」「整段對話很舒服,已經返唔到轉頭。」「被女生叫醒後忍不住儍笑。」看來該公司頗掌握到男性心理。
Morning call費用不菲,一次試用價約港幣$35,月費約$600,還有學生哥折扣優惠。資料來源:JKMorning記者:臧諾
來源:
http://hk.apple.nextmedia.com/su ... t/20160311/19525025
Next Page