周秀娜暗撻費迪南報復
1 :
GS(14)@2012-08-02 13:50:10http://hk.apple.nextmedia.com/entertainment/art/20120802/16566938
獲費迪南贈5號帽
上套《喜愛夜蒲》票房收約802萬，在《夜蒲2》中， C奶 Mia跟 Avis床戰連場，更姣擒 Avis如連體嬰， Avis再施以龍爪手揑實 Mia的人工乳，劇照明顯看到 Mia雙乳被 Avis揸到凹陷變形，兩人拍戲時已傳出在片場內外關係曖昧，這火辣辣的場面即辣㷫娜姐，暗撻里奧費迪南報復。
娜姐近日收到費迪南送來的5號鴨舌帽，即戴上拍照並貼上微博晒命，還高調留言致謝，擺明向男友 Avis示威。娜姐對費迪南有好感早有迹可尋，雖然二人未有正式見面，但費迪南很重視娜姐，已先後送她簽名球衣和兩頂帽子做禮物，令娜姐愛不釋手。娜姐昨晚在電話中說：「係幾威，我有同 Avis示威，我好珍而重之，唔可以借佢戴。」
Avis：近排係少見咗
雖然 Avis有意邀娜姐出席月中舉行的《夜蒲2》首映禮，但她卻冇眼睇說：「我遲啲又離開香港。」問娜姐可會跟費迪南進一步發展？她說：「佢有老婆同小朋友喎，佢送我帽，我本來諗住有機會戴住同佢喺上海相認，但可惜大家夾唔到時間，有機會我想買番禮物畀佢哋全家答謝。」
娜姐昨日在銅鑼灣出席生力啤活動，她一身運動裝在烈日當空下玩健身操， Avis與 Mia在《夜蒲2》有連場激吻床戲，娜姐為免火遮眼會否罷睇？她笑說：「到時用啤酒淋佢，講笑啫，始終係佢第一次拍戲，佢哋識咗咁耐都係朋友，冇所謂。」娜姐上位後收斂不少，似乎不夠 Mia惹火，娜姐寸嘴說：「佢惹火，我惹痰呀，呢排天氣熱，惹火易中暑。」
娜姐近日北上賺人仔，與 Avis分隔兩地，感情轉淡，加上他爆出與 Mia戲假情真，火滾娜姐不但傳出暗撻費迪南，也對 Mia發放有骨言論，但 Avis卻淡定唔知驚，他昨日在電話中說：「真係唔擔心，拍得拖就要互相信任，我哋近排係少見咗，但大家反而更珍惜見面時間。」對於費迪南不時送服飾冧娜姐， Avis強調不會呷醋，他說：「因為娜姐關係，里奧都送過簽名球衣畀我，佢哋熟啲我反而仲有着數。」