2010-7-7 AD
| ||||||
如果大陸有良心 僱主選舉,華華相信騰訊(700)嘅馬化騰應該好有機會摘冠,事關佢自己落香港買大屋掃豪宅之餘,亦冇忘記要同員工「共富貴」! 以前都試過 送股送期權畀員工嘅騰訊,前日(7月5號)又再拎出366.3萬股出嚟,當獎勵股份咁送畀1454位員工,呢堆獎勵股份約佔擴大後已發行股本 0.1998%,另外仲授出193.3萬份購股權,每股行使價都成130.4港銀o架,有效期7年。騰訊仲話,呢批購股權,公司嘅董事、行政總裁同主要股 東都冇份o架!Well……騰訊噚日收134.6,員工求神拜佛都希望隻股唔會再俾人洗倉! 講開騰訊,胡潤噚日公佈最新民營品牌榜,騰訊同 百度分別以460億同430億人仔嘅品牌價值,超越平安保險(2318)榮登今年嘅冠亞軍。以呢個數字嚟睇,Q哥哥同Q妹妹呢兩隻企鵝,應該係地球上最價 值連城兼受保護嘅動物咯! 李華華 [email protected] |