| ||||||
| 睇報紙知道深圳 市福田區區委書記李平已被雙規，疑與買官賣官有關。買官，就係涉嫌向湖南長沙同鄉前市長許宗衡買，三年間從深圳市知識產權局局長升至福田區委書記；賣官， 就係做咗書記之後，福田區內擢升官員，由佢話事。福田區係深圳地價最貴嘅地區，做書記有大把油水搵都唔定。 內地中央聲言打擊買官賣官，奈何 禁之不絕。內地嘅貪污及行使特權文化，深入民心，無法根絕，大官有大官威風、小官有小官作福，邊度可以阻止。即使係清水衙門如教育，冇乜錢好搵啦，當權派 都可以用學校嚟搵水。教師L在內地一間外來機構主辦嘅教育單位辦事，因為佢係香港人，主辦單位信佢為人清廉，搵佢做行政主管。教師L係好公正嘅，大凡學校 購物，簽服務合約，絕不收受回佣，過年過節收到嘅禮物，一概退回，以為自己以身作則，可做其他內地職員典範。點知三年之內，下屬陸續搬入新樓安居，令教師 L大惑不解，下屬有幾多薪水，佢最清楚，點可以買到新樓呀？到佢諗明白之時，想話整風呀，好難咯，俾人整就真。突然間一位區級官員搵佢講，佢個女入咗學校 宿舍，指明要住某一個清靜向花園嘅房間，教師L話：「唔得，我哋要公平公正，學生配房，抽籤決定。」隔兩日，就有不同小官走嚟巡查，話呢樣違規，嗰樣唔 掂，第三日要再審查發牌，否則罰款兼封校，教師L頭都大晒，買咗樓嘅下屬走嚟游說：「抽籤啫，由我安排，你不在場咪得囉！」教師L為之氣結，長嘆一聲，拂 袖返香港放假幾天。銷假後，下屬來報：「掂晒嘞，小姐好好彩抽到佢鍾意嗰間房。」 大機構財務總管F治下甚嚴，對公司派駐上 海嘅會計部夥計講：「上海靚女誘惑好大，你哋邊個在上海包二奶，即炒，冇情講！」點解咁惡，財務F話：「中國式貪污一定有情婦牽涉其中，一啲二奶係有心人 送埋入你間房嘅，有景轟o架！」聽完佢講，呢晚睇now自選台一齣半新戲《State of Play》，大明星羅素高爾做記者追查謀殺案，佢嘅老友參議員嘅情婦原來係敵人派往貼身監察嘅「雙重間諜」，議員最初仲以為自己夠靚仔，征服OLo忝！ | ||||||